Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Eitaboka Loka Akiro Nuitetemit Ebaibuli

Aitetemet 71: Isumunit Edeke Aparadais

Aitetemet 71: Isumunit Edeke Aparadais

NA NGES esubit bala aputo na aparadais na etodikinit Edeke ekenabi Isaia. Iboit enabi isaia akaub naka Yona.

Itunga kotoma Paradais

Apolou na aparadais nesi “emanikor” araibo “neibus.” Isitikit kereka ijo icebore yeni idau oni aanyun koitabo kalo? Eputosi cut kede emanikor loebus loabu Edeke Yawe koinak Adam ka Keba, mam kereka? Konye epedori kereka akwap kere araun aparadais?

Abu Yawe kolimok ekenabi Isaia aiwadik nuikamunitos abunore na aparadais nakitetet kanuka itunga luka Edeke. Kobala ebe: ‘Iboie epeet kimerekek nepepe kainapakina. Itaak ka idwe ingatunyo epote ainyam nepepe, ido idwe ludidik kesi ingarenikinete kesi. Karaida ikoku yenididi mam imusungo arai ebolia kosiep asigirikolong.’

Luipu etemarete ebe: ‘Mam nu cut iswamaunos. Ajaun duc ationis toma akwap ido ebuni ajaunun.’ Konye koomoom ber: Ere loekoni ai abu Edeke koinak Adam ka Keba?

Abu Edeke kibwaik Adam ka Keba toma aparadais. Arai bon cut nepalikinatar kesi Edeke nesi atwakiaratar erekec loebus, kosodete amojong ka atwanare. Isumunit Edeke ainakin itunga lueminas ngesi iboro luapotu Adam ka Keba kotwakiasi.

Kotoma aparadais nakitetet naebunit, emamei ibore imusungi arai amudiar. Ejaun ainapakina naedolit. Eraunos itunga kere luengalete ido iyalamasi. Eraun kwape akotor Edeke kotoma ageunet. Konye ibuni oni aisisiaun epone lo eyangauna Edeke nuu.

Isaia 11:6-9; Apukokinio 21:3, 4.



Angiseta

  • Ingai bo Isaia, iwori bo eboitor ngesi, ido inyo abu Yawe itodiik ngesi?
  • Anyoin apolou na kirot “paradais” ido inyo isitikinit ngesi ijo?
  • Anyoika nu abu Yawe kolimok Isaia awadik nukamunitos Paradais nakitetet?
  • Kanukinyo atwakiaratar Adam ka Keba erekec loebus?
  • Inyo isumunikit Yawe ngul lueminas ngesi?

Angiseta nuiyatakina

  • Kosiom Isaia 11:6-9.

    Epone ani itodunitor akirot naka Edeke ainapakina na ejaun kiding itiang ka itunga kotoma akwap nakitetet? (Sab. 148:10, 13; Isa. 65:25; Esk. 34:25)

    Epone ani ejaatar akiro nuka Isaia ailelebun komoyo koding itunga luka Edeke lolo? (Rom. 12:2; Pes. 4:23, 24)

    Ingai ibusakinit adumun aiturio kanu aiteteun naka iponesio luka itunga kwana ka lwaru akwap nakitetet? (Isa. 48:17, 18; Gal. 5:22, 23; Pil. 4:7)

  • Kosiom Apukokinio 21:3, 4.

    Epone ani itodunitotor Awadikaeta ebe ajaenena naka Edeke nepepe ka itunga, erai apolouke ajaun kotoma aitupuset, mam ngesi ebuni aiboi kakuan kotoma akwap? (Leb. 26:11, 12; 2 Siit. 6:18; Isa. 66:1; Apu. 21:2, 3, 22-24)

    Akiyo anyoika ka ariebo anyoin nu elemario? (Luka 8:49-52; Rom. 8:21, 22; Apu. 21:4)