Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Eitaboka Loka Akiro Nuitetemit Ebaibuli

Aitetemet 42: Kiner Asigiria

Aitetemet 42: Kiner Asigiria

IPUPUNITOR ijo ebe inera asingiria? Ibongokini ebe: ‘Mam. Mam itiang inerasi.’ Elimokinit oni Ebaibuli nukamunitos asigiria nabu kiner. Kaanyutu epone lo atakanunatar ngun.

Emalaika

Akapakina idwe luka Isirael ti alomar akwap naka Kaanan. Kokurianar Balak ekabaka loka Moab idwe luka Isirael. Aso konyarau etunganan loetemelel loanyaritai Balaam abunore aiken idwe luka Isirael. Kisumunite Balak aijaikin Balaam isirigin luipu, aso kibwanen do Balaam asigiriake, kogeu alosit aanyun Balak.

Mam Yawe ekoto Balaam aiken iketunga. Abu kijuk emalaika lo atingit ekileng lo aoja aibwo orot kanu aitikokin Balaam. Mam Balaam abu koany emalaika konye abu akesigiria koany. Abu asigiria kotamenen apaar awai kane ajai emailaka kosodi do arior kwap korot. Kinep anyunyura naka Balaam, kocar asigiria kekebela.

Kosodi do Yawe ainakin Balaam apupun akesigiria inera ka ngesi. Kingit asigiria ebe: ‘Kekonak bo eong jo ai, tape kicaracarai eong?’

Iboye Balaam asigiria

Kobala Balaam aisgiria ebe: ‘Naarai kitusub eong ebang. Orai kejai eong ekileng akinika, ti kwana kaar jo!’

Kotema asigiria atiar: ‘Etapit tope eong aikonanakin ijo kwangin?’

Kobala Balaam ebe: ‘Mam’

Kosodi kitekweny Yawe akonye nuka Balaam, koany emalaika ebwoi korot otingite ekileng. Kobala emalaika ebe: ‘Kanukinyo icaracaraa akonisigiria? Alom eong aigalikin ekonirot naarai mam ibusakinit ijo alosit aiken idwe luka Isirael. Korai mam akonisigiria ibelokina awai kane ajai eong, abeit ti kwana kaara ijo, konye ketajar ijo akonisigiria.’

Kobala Balaam ebe: ‘Adiaka eong. Mam ajeni ebe ibwoi ijo korot.’ Kojalak emalaika Balaam alosit, ido kolot Balaam aanyun Balak. Kotam bobo aiken idwe luka Isirael konye kotoma kangun, koinak Yawe ngesi aisirereng idwe luka Isirael irwanauni.

Aimario 21:21-35; 22:1-40; 23:1-30; 24:1-25.



Angiseta

  • Ingai bo Balak ido kanukinyo anyarauna ngesi Balaam?
  • Kanukinyo aperio asigiria naka Balaam korot?
  • Akiro anyoika abu Balaam kopup asigiria inera?
  • Inyoika abu emalaika kolimok Balaam?
  • Inyoin abu kiswamaun ketam Balaam aiken idwe luka Isirael?

Angiseta nuiyatakina

  • Kosiom Aimario 21:21-35.

    Kanukinyo etelekara Isirael Sikom Ekabaka loka Imorain ka Og ekabaka loka Basan? (Mar. 21:21, 23, 33, 34)

  • Kosiom Aimario 22:1-40.

    Anyoin alosikinet naka Balaam ne akotor ngesi aiken idwe luka Isirael, ido anyoika asisianakineta nu idumini oni kane? (Mar. 22:16, 17; Awa. 6:16, 18; 2 Pet. 2:15; Yuda 11)

  • Kosiom Aimario 23:1-30.

    Karaida enera Balaam bala arai ngesi amaan loka Yawe, epone ani agelakinar akeswamisio? (Mar. 23:3, 11-14; 1 Sam. 15:22)

  • Kosiom Aimario 24:1-25.

    Epone ani itogogonga akirot na Obaibuli aiyuun wok ebe ilelebikinos alosikineta nuka Yawe? (Mar. 24:10; Isa. 54:17)