Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Eitaboka Loka Akiro Nuitetemit Ebaibuli

Atutubet 3: Alakunio ko Misiri Kiton Ekabaka Losodit ko Isirael

Atutubet 3: Alakunio ko Misiri Kiton Ekabaka Losodit ko Isirael

Abu Musa kingarenik Isiraelin anyoun kobulesene ko Misiri kiton Moru Sinai ne ejaikina Edeke kesi ikekisila. Akaulo kana, abu Musa kijuka ikiliok 12 alosit airot akwap naka Kanaan. Konye 10 kakes, kesi apotu kobongutu kede iyemuto lu arokok. Apotu kijaikis itunga akotokin abongor bobo Misiri. Kanu amamus naka aiyuun, abu Edeke kitisilana Isiraelin opone alo ainakin kesi aijoja adaun ikar 40 kotoma amoding.

Kangetakinet, Yosua ngesi aponi oseunai aingarenikin Isiralelin alomar akwap naka Kanaan. Kanu aingarakin kesi airum akwap, abu Yawe koyau aumonokineta. Abu kitikok Ecilet loka Yorodan alele, aibiror arwatatin nuka Yeriko ka akolong apaikin aibwo adaun apaaran kere. Akaulo na ikar ikanyape, aponi kirumunai akwap kane ajaasi Ikanaanin.

Ageun kanejai Yosua, Isirael nges apotu ikatubok ipugaata adaun ikar 356. Isisiauni oni nuikamumitos luipu kakes, amoriarit Barak, Gideon, Yeputa, Samuson, ka Samuel. Isiomi oni boboda nuikamunitos angor kwape nat Rakab, Debora, Yael, Rusi, Naomi, ka Delila. Atutubet NAIUNIET kere ilelebit ikar 396, luka akiro nuiswamauna.

Abois nakalaunan