Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Eitaboka Loka Akiro Nuitetemit Ebaibuli

Aitetemet 25: Kobwot Ekale Misiri

Aitetemet 25: Kobwot Ekale Misiri

KOKUROK Yosep atikokin etauke. Kicarak ikejaanakinak kere anyoun agola. Ne ajaar bon ka ikenacan, kogeu Yosep aimony. Ipedori oni aisimar epone lo eumukinitotor ikenacan narai mam ejenete kanukinyo emonyia ngesi. Kotema do ebe: ‘Arai eong Yosep. Eringa papaka ejari?’

Koumokis ekenacan noi komam epedorete ainer. Ekuriaka noi. Konye kotema Yosep: ‘Kikunyutu.’ Kiswamata ngun, kotema atiar: ‘Arai eong Yosep onacekus loipotu yesi kogwelasi Misiri.’

Kiyatak Yosep ainer kopone lo asiana: ‘Sirikiikadakis kanuka igwelariata eong. Arai Edeke ngesi abu kejuk eong Misiri tetere etajari aijar naka itunga. Etarau Parao eong ekayaiton loka akwap kere nako Misiri. Kisunyito kobongosi neejai papaka, kolimokis ngesi nu. Kolimokis nges abunore aiboi nee.’

Kosodi Yosep ainu inacan kere. Kepupu Parao ebe apotu inacan luka Yosep, kolimok Yosep ebe: ‘Kayogasi kesi agalin, kolototo koomata papakec ka ikalia kec ido kobongutu nee. Eong da kainakini kesi alup nuejokuka nuka akwap nako Misiri.’

Ngun apotu kesi kiswamaata. Kane ipedori ijo aanyun Yosep iriamunos ka papake kedolu ngesi Misiri nepepe ka ekekale kere.

Abu do ekale loka Yakob olarar noi. Aimorikikin kere araasi kesi kere 70 lualomarete Misiri, imaritete Yakob, ka ikedwe, ka iketatai. Konye ajaasi bobo angor ka ijaanakinak luepu. Apotu lu kere iboikinos Misiri. Anyaritai kesi Isiraelin naarai abu Edeke ijulakinite ekiror loka Yakob araun Isirael. Apotu Isiraelin oraunos itunga luseuna luka Edeke, kwape ibunio oni aanyun.

Ageun 45:1-28; 46:1-27.

Yosep ka ekale ke


Angiseta

  • Inyo abu kotakan kelimoki Yosep ikenacan ebe eong lo?
  • Anyoika nu abu Yosep kitetemik ikenacan kede asianut?
  • Anyoika nu abu Parao kotema akaulo apupun nuekamunitos inacan luka Yosep?
  • Etia bo ekale ai loka Yakob ebwosi Misiri?
  • Aponi bo onyarai ekale loka Yakob biai, ido kanukinyo?

Angiseta nuiyatakina

  • Kosiom Ageun 45:1-28.

    Epone ani itodunitotor akiro nuka Yosep nuejaas Obaibuli ebe epedori Yawe aijulakin nuekotore aimusung ijanakinak ke araun nuejokak? (Age. 45:5-8; Isa. 8:10; Pil. 1:12-14)

  • Kosiom Ageun 46:1-27.

    Anyoin aitigogoret nabu Yawe koinak Yakob ejai ngesi alosit ke Misiri? (Age. 46:1-4)