Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Eitaboka Loka Akiro Nuitetemit Ebaibuli

Aitetemet 5: Kogeun Aijar Na Ationo

Aitetemet 5: Kogeun Aijar Na Ationo

KOKINGA na emanikor loka Eden, apotu atiokisio nuipu noi kodoikisi Adam ka Keba. Arai kesi aswam kagogong kanu adumun inyamat kec. Aboisit na ikito luka araito najokan, apotu do kesi koanyutu ikukwa ka ikodokodo epoloete alukakinit kesi. Nu kes nu apotu kotakanutu akaulo na Adam ka Keba aimwang Edeke kosodete do ajalakin araut ikepapero.

Iswamai Adam kagogon keda okokuke

Konye na arono adepar ngun, nges na ebe abu Adam ka Keba ogeutu atwanare. Kiitu, ebe ekwenyarit Edeke kesi ebe epote atwakare araai enyamata araito kokitoi kangol. Aso kaparaan napa anyamatar, kogeutu atwanare. Koany epone lo abangakatar kes mam apupokin Edeke!

Idwe kere luka Adam ka Keba aponi kouriai akaulo na adaunia Edeke airutar ikeceuriak kinga na emarikor loka Eden. Apolou ke ebe apote do idwe da amojong kosode da atwanare.

Korai Adam ka Keba korimaritos Yawe, ti aijar erai na aiyalama kanukec ka ikecedwe da. Ti kejarata ikar kere kotoma aiyalama kakwap. Amamei ti yen emojongi, edekakin kosodi atwanare.

Ekoto Edeke itunga aiboi ikar kere kotoma aiyalama, ido isumunit ngesi ebe koingaren epote ngun aiswamaun. Mam eraun akwap bon ibusuuni, konye itunga da kere eraunos lu engalete. Ido itunga kere epote araun ipapero bonik ka ipapero da luka Edeke.

Keba kede iduwe ke

Konye, mam bobo Keba arai apapero naka Edeke. Aso ne auria ngesi ikedwe, mam apatanikit nges. Ajaasi kapipilu. Araut na amwangit Yawe, abu oinak nges aiturur napol noi, mam ijo icamunit ngun?

Ajaatar Adam ka Keba isapa ka apesur luepu. Ne aurunere esapat kec losodit, komaikisi nges Kain. Komaikisi esapat kec lokiaret Abel. Inyo abu kotakanit kes? Ijen ijo?

Ageun 3:16-23; 4:1, 2; Apukokinio 21:3, 4.



Angiseta

  • Ekoni bo aijar ai kanuka Adam ka Keba kokinga naka emanikor loka Eden?
  • Inyo abu ogeun atakanikin Adam ka Keba, ido kanukinyo?
  • Kanukinyo emojongatar ido etwakatar idwe luka Adam ka Keba?
  • Korai Adam ka Keba orimaritos Yawe, ti aijar ejaai biai kanukec ka idwe kec?
  • Epone ani ejaikina emwangit loka Keba ngesi alopet apipilu?
  • Ijeni ikiroria luka isap iarei lusodit luka Adam ka Keba?
  • Idwe ice luejaasi toma aputo kesi luangai?

Angiseta nuiyatakina

  • Kosiom Ageun 3:16-23 ka 4:1, 2.

    Epone ani abu aijar naka Adam ojaunor kanuka ekenit loka alup? (Age. 3:17-19; Rom. 8:20, 22)

    Kanukinyo araai ekiror Keba apolou ke “Ajaran” loadolit? (Age. 3:20)

    Epone ani etodikina Yawe Adam ka Keba apodokinit karaida edaunitos kesi adiakar? (Age. 3:7, 21)

  • Kosiom Apukokinio 21:3, 4.

    Inyoika iboro “lusodit” luiseseni ijo lu ti elemar?