KIRERE akwap kane! Ngini ibore kere ibusi! Kirereo inya ka ikito da, aturo ka itiang kere. lpedori ijo aseun etome ka ingatunyo?

Ejaas Itiang omanikor loka Eden

Epone bodo ani abunio emanikor lo ibus lo nee? Aso kerereosi epone lo ageuna Edeke aitemonokin akwap kanuwok.

Nasodit, abu Edeke kosub inya alibun arapar akwap. Ido abu ngesi kosub iraan ludidik luegelegela ka ituio ka ikito. Iboro ngul lu epoloete kes itubusitos akwap. Konye iswamaete adepar nen. Luipu kakes ijanakinete oni inyamat lu ejijim noi.

Akaulo, abu Edeke kosub agaria aidu kakipi ido akweny aiporitoi kokuj. Abu kosub ingwoko, ka ikapai, abalasin; itiang lutiok ka itiang ludidik. Inyoika bo itiang iboet kedunyi korekon? Mam keraka lbusakinit oni aiyalama ebe esubit Edeke iboro lu kere kanuwok?

Irikani, abu Edeke kitarau atutubet adiopet kakwap aibosit na itegelikina noi. Abu Ngesi konyara aibosit na emanikor loka Eden. Arai cut na ajok. Nginibore kere yen ekamunit nesi, ebus. Ido akoto Edeke akwap kere araun kwape kemanikor kalo lo asubunit ngesi.

Konye kirere ber ijo aputo na emanikor kalo bobo. Ijeni ijo ibore yeni abu Edeke koany ebe amamei kotoma? Aso kaanyutu.

Ageun 1:11-25; 2:8, 9.



Angiseta

  • Epone ani etemonokina Edeke akwap araun ere wok?
  • Kiteten agelegeleta nuipu kotiang luasubit Edeke. (Koany aputo.)
  • Kanukinyo araar emanikor loka Eden loetegelikina?
  • Inyoin akoto Edeke akwap kere araun?

Angiseta nuiyatakina

  • Kosiom Ageun 1:11-25.

    Inyo abu Edeke kosub kapaaran nakiuniet naka aisub? (Age. 1:12)

    Inyo abu kotakan kapaaran nakiwongonet naka aisub? (Age. 1:16)

    Itiang inyoika abu Edeke kosub kapaaran kakikanyet ka apaaran nakikanyetekape? (Age. 1:20, 21, 25)

  • Kosiom Ageun 2:8, 9.

    Ikito iarei anu luetegelikina noi lu abu Edeke kiraik omanikor, ido inyoin etodunitos kesi?