Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Akiro Nukajokak Kanejai Edeke!

 Aisisiaet 11

Eipone Bo Ani Imedatar Ipiteno Luka Ebaibuli Oni?

Eipone Bo Ani Imedatar Ipiteno Luka Ebaibuli Oni?

Epone bo ani epedoratar ipiteno luka Ebaibuli aingarakin oni aswam nukajokak?—ISABULIN 36:9.

1. Kanukinyo ikotor oni aitetenio?

Epiriana Lokasuban adepar oni. Kwape Papa loimina, epodokinit nges oni. Ido, mam nges alosikinit oni ayaikin bon. (Yeremia 10:23) Kwape ekotor ikoku aitetenio naka iuriak, kwape kwangin oni da ikoto aitetenio naka Edeke. (Isaia 48:17, 18) Ijaikinete ipiteno luka Ebaibuli aitetenio, erai ngin ainakinet kama Edeke.Kosiom 2 Timoteo 3:16.

Isisianakinete oni ikisila ka ipiteno luka Yawe aijar naijok kwana ka epone lo dumunet arerengisio numam edaunos koingaren. Kwape esubitor Edeke oni, edolit oni eyalamasi ido atupitos aitetenio ke.Kosiom Isabulin 19:7, 11; Apukokinio 4:11.

2. Inyoika bo ipiteno luka Ebaibuli?

Eraas ipiteno luka Ebaibuli abeit naingarakinit oni ajenun nuekoto Edeke aswam oponesio aluipu. Konye ikisila, epaikinete erasi ikisila koponesio kere. (Ikisila 22:8) Ibusakinit oni aitosom aijen wok anu amisikin epone loingarakina oni epitanot loka Ebaibuli kopone aloebeitor. (Awaragasia 2:10-12) Kwape anyunet, isisianakini Ebaibuli ebe erai aijar ainakinete kama ejai Edeke. Ipiteno luka ebaibuli epedorete do aingarakin oni neijaar aswam, ore ka kosapali, nu ibusakinit oni acoit kanu ayuwara.Kosiom Aswamisio 17:28.

3. Alu bo ipiteno iarei luapolok?

Abu Yesu kinerite ipiteno iarei luapolok. Losodit itodunit alosikinet naka aijar—ajenun Edeke, amina nges, aijanakin ka amunonut. Ibusakinit oni aricite epitanot losodit aswamisio wok kere. (Awaragasia  3:6) Ngun luericete epitanot lo kotauno kec edukunete epaperone ka Edeke, aiyalama nabeit ka aijar namam edaun.Kosiom Matayo 22:36-38.

Epitanot loiaret itodunit epone lo ibusakinitor oni ayaite itunga luce. (1 Ikorinton 13:4-7) Kanu aricit epitanot loiaret ekoto do oni aputor Edeke kopone aloeyaitor itunga.Kosiom Matayo 7:12; 22:39, 40.

4. Epone bo ani imedaatar ipiteno?

Isisianakinete ipiteno luka Ebaibuli ikalia epone loimorikinotor kotoma amina. (Ikolosain 3:12-14) Eyuarit bobo Akirot Naka Edeke ikalia kotoma aisisianakin ipiteno luitetenete—ebe ibusakinit edukone korai loiboyei cut.Kosiom Ageun 2:24.

Aricite aisisianakineta nuka Ebabuli, ingarakinete ayuar iboro wok ka aijar. Kwape awayunet, luapolok duc aswam ekotosi iswamak lu ericitos ipiteno luka Ebaibuli ido kiswamaete kamunonut. (Awaragasia 10:4, 26; Iburanian 13:18) Isisianakini bobo oni Akirot Naka Edeke alakara kede iboro luijatar oni asodete aitopolor epaperone wok kede Edeke adepar iboro lukakwan.Kosiom Matayo 6:24, 25, 33; 1 Timoteo 6:8-10.

Atupite ipiteno luka Ebaibuli eyuarete aijar wok. (Awaragasia 14:30; 22:24, 25) Kwape awayunet, airic ekisil loka Edeke lomam amerikin eyuari oni adekasinei nueyarete ka akangasia. (Awaragasia 23:20) Ecamakinit oni Edeke aimat ajon konye mere alitor. (Isabulin 104:15; 1 Ikorinton 6:10) Imedaete oni ipiteno luka Edeke mere aswamisio bon konye kaomisio da. (Isabulin 119:97-100) Ido, mam Ikristayon lukabeit iswamaete aicoreta nuka Edeke anu kesi aimedaikin bonik. Kiswamaete kesi kanu aitopolorite Yawe.Kosiom Matayo 5:14-16.