Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Akiro Nukajokak Kanejai Edeke!

 Aisisiaet 7

Anyoin Bo Ajakanut Naka Edeke?

Anyoin Bo Ajakanut Naka Edeke?

Inyoin bo ijaikinit Yesu erai ekabaka loibecokina?—MARAKO 1:40-42.

1. Anyoin bo Ajakanut Naka Edeke?

Erai ajakanut naka Edeke Apugan naka okuju. Ebuni alemar apugasinei kere kosodi aswam nuekoto Edeke kokuju ka kokwap. Ejokuka Akiro nuikamunitos Ajakanut Naka Edeke. Katipet ebuni Apugan Naka Edeke aisimonikin eipud itunga loka apugan naejok. Imorikikini itunga kere akwap.Kosiom Daniel 2:44; Matayo 6:9, 10; 24:14.

Ajakanut edolit kojaas ka ekabaka. Abu Yawe koseu Okoku ke, Yesu Kristo, kwape Ekabaka Loka Ajakanut ke.Kosiom Apukokinio 11:15.

2. Kanukinyo eraar Yesu Ekabaka loibecokina?

Erai Okoku loka Edeke ekabaka loibecokina narai ejasi kasianut, ido kicasite kabeit. (Yokana 1:14) Bobo da, egogong ngesi cut aingarakin itunga narai ebuni aipuga akwap kokuju. Kedaun aitajarun nges, abu kodoka kuju kosodi aiboikin akan nakoteten naka Yawe aidar. (Iburanian 10:12, 13) Kedol apak, kijaik Edeke nges apedor naka ageun ipuga.Kosiom Daniel 7:13, 14.

3. Lukangai ipugaete ka Yesu?

Atukot nainyaritai “lukalaunak” kesi epote aipuga ka Yesu kokuju. (Daniel 7:27) Luaponi koseunai kwape lukalaunak lusodit kesi iyakiake Yesu. Iyatakinit Yawe aisek ikeyuunak lukiliok ka angor kwape lukalaunak aitodol kwana. Kwape Yesu, itajaruno kesi da kwape imoyon.Kosiom Yokana 14:1-3; 1 Ikorinton 15:42-44.

 Itunga bo idi elosete kuju? Abu Yesu konyarite kesi “esipan loedit.” (Luka 12:32) Eraunete kesi 144,000. Epote aipuga akwap keda Yesu.Kosiom Apukokinio 14:1.

4. Anyoika apotu kotakanutu nageuna Yesu aipuga?

Egearit Ajakanut Naka Edeke aipuga Okar lo 1914. * Nu abu Yesu kiswama nusodit kwape Ekabaka nesi acakun Satan ka ajokin ke akwap. Kodum do Satan anyuyura napol kosodi ageun aswam atiokisio akwap kere. (Apukokinio 12:7-10, 12) Ageun kangin eyatakinos do aiticanakineta noi. Ijisio, Ebel, adekasinei ka amaran naka akwap nu kere araasi ace kotoma anyununeta nuitodunitos ebe edodor Ajakanut aipuga akwap.Kosiom Luka 21:7, 10, 11, 31.

5. Anyoika bo nuebuni Ajakanut Naka Edeke aitodolikin?

Kanuka alimonokin na enatarit akwap kere, ejai Ajakanut Naka Edeke aimorinikin ekodet loepol lo itunga lukakwapin kere. Imilionin luitunga luitasonos kesi ecamunitos apugan ka Yesu. Ebuni Ajakanut Naka Edeke aidar kesi nemudiarere akwapin kere. Ngul kere luekotosi aimedaun Ajakanut naka Edeke ibusakinit kesi isisiata arimarite Yesu.Kosiom Apukokinio 7:9, 14, 16, 17.

Kotoma okar 1000, ebuni Ajakanut Naka Edeke aitodolikin alosikinet naka Edeke na kolosek nejasi itunga. Akwap kere eraun paradais. Engetakini, inyakakini Yesu Papa ke Apugan. (1 Ikorinton 15:24-26) Kijeni ijo itunganan yen ikotokin ijo alimokin nuikamunitos Ajakanut naka Edeke?Kosiom Isabulin 37:10, 11, 29.

 

^ par. 12 Anuaidokudokun epone lo adwaritor Ebaibuli ekar lo 1914, koany apapulai 215-218 loka eitabo Anyoika bo cut Nuisisianakini Ebaibuli?