We ku manda

We ku muluo wu mukemuke

Batemwe ba Yehova

Kiteke (Congo Kinshasa)

Munda nzɛ mukir wu akal nki mutiin mu matsu ma maya?

Munda nzɛ mukir wu akal nki mutiin mu matsu ma maya?

Mukir e biu wu . . .

  • akal mutiin mumo?

  • abeb na obeb?

  • abue na obue?

 BIBLE LILIEL NKI?

“Nziam . . . akuomo piaa nsia mu miu mi bo, lipfu lebukal we, nsa itoo, nsa ilil, nsa manda ma mpari bebukal we. Biloo bi ntam bisinaluru.”—Emoniseli 21:3, 4, Libongoli ya mokili ya sika.

NZƐ EBO NKI?

Isal ki ibwe e ngaa ise.—Yisaya 65:21-23.

Bubiel too munya bebukal we.—Yisaya 25:8; 33:24.

Bumwe bu ise, bubuwien nto ande buir le nzɛ ande banduu.—Nzembo 37:11, 29.

 BIU LIKUI LIBURUKIU MANDA MA LIEL BIBLE?

Ee, mu manda muel ma manen ma:

  • Ikiaa e Nziam eluluru we. Mu Bible na ndɛ Yehova ngaako babibiu “Ngaa-ngol-y’eso” munda ebu ngol e ndɛ itshu we. (Emoniseli 15:3) Ee, ndɛ aburukal ande ngol yi osal ni ikiaa e ndɛ ibamu mukir, ato wu mubwe. Bible liliel ni “ake Nziam ilo imo we ki muluiri kal ndɛ akui we osal.”—Matai 19:26.

  • Nziam ande mpuo kal bikiaa bi ndɛ Bikuu. Matal, Yehova ande “mpuo e pfun” ki kal baar balél mu lipfu abafiri bamwe.—Yobo 14:14, 15.

Bible mpe lisue ni Mwan a Nziam, Yesu, akibuí babiel. Munda nki ababuí? Ndɛ akée ande mpuo obuu baar. (Marko 1:40, 41) Yesu asué mu mutiin wu kui ifa e Taar a ndɛ mu oswo mpuo oman munya ande mabiel ma baar.—Yoane 14:9.

Lisa itsuil ake Yehova ande Yesu, bo bakuin balisa mio biu mpe limon matsu ma ise o nkul a biu!—Nzembo 72:12-14; 145:16; 2 Petro 3:9.

 NZƐ MWEN NI?

Nki mutiin Nziam abamu mukir mu nda ato wu mubwe?

Bible lifiri munua mu nda eso yin mu MATAI 6:9, 10 ande DANYELE 2:44.