We ku manda

We ku muluo wu mukemuke

Batemwe ba Yehova

Kiteke (Congo Kinshasa)

Baar bapfí bakui ofuru bamwe?

Baar bapfí bakui ofuru bamwe?

Nzɛ liel ni . . .

  • ibin?

  • ka ibin we?

  • mbal y’inke?

 BIBLE LILIEL NKI?

“Owuu okikal.”—Misala 24:15, Libongoli ya mokili ya sika.

NZƐ EBO NKI?

Kiri muur e nzɛ pfi, itsuil ki owuu ki oshuru mukol.—2 Bakorinti 1:3, 4.

Omaru mu buom bu lipfu.—Baebre 2:15.

Itsuil ki obwan ande baar ba nzɛ ba bapfí.—Yoane 5:28, 29.

 BIU LIKUI LIBURUKIU MANDA MA LIEL BIBLE?

Ee, mu manda maturu ma manen ma:

  • Nziam akal wu ebál bumwe. Yehova Nziam Bible limubibiu “idia ki bumwe”. (Nzembo 36:9; Misala 17:24, 25) Ndɛ wu apí bumwe ake bo baso ba bakal mu bumwe, kui we omon mpari mu ofiri muur epfí mu bumwe.

  • Ntam Nziam akifirí baar ba bapfí mu bumwe. Mu Bible baar mpuom: bakio, bakuur, babool ande bakar, bafirí mu bumwe mu maan. Babake balám we mu lipfu, kasi mumo, Bible liliel, alaal matsuu mana ku mampiem!—Yoane 11:39-44.

  • Nziam akal ande mpuo awuu baar bapfí. Yehova yui lipfu, ndɛ alimumon ankaa muyin e muur. (1 Bakorinti 15:26) Ndɛ ani “mpuo e nen” yi obii muyin wun, yi okial lipfu mu nzil owuu baar. Mpuo e ndɛ e nen ikal ofiri ba bakal mu biliim bi ndɛ mpe furu abamon mu bumwe mu maan.—Yobo 14:14, 15.

 NZƐ MWEN NI?

Munda nki biu lɛnunun mpe lɛpfipfa?

Bible lifiri munua mu nda eso yin mu EBANDELI 3:17-19 ande BAROMA 5:12.