విక్టర్‌ స్టాషేవ్‌స్కీ 2021, మార్చి నుండి క్రిమియా జైల్లో ఉన్నాడు

విశ్వాసం కారణంగా జైలు పాలైన యెహోవాసాక్షులు—ప్రాంతాల వారిగా

ప్లే

2026, ఏప్రిల్‌ కల్లా ప్రపంచవ్యాప్తంగా 279 కన్నా ఎక్కువమంది యెహోవాసాక్షులు, తమ విశ్వాసం కారణంగా జైల్లో వేయబడ్డారు.

ఇంటర్నేషనల్‌ కవనెంట్‌ ఆన్‌ సివిల్‌ అండ్‌ పొలిటికల్‌ రైట్స్‌లోని ఆర్టికల్‌ 18 ప్రకారం ప్రతీ ఒక్కరు తమ ఆలోచన, మనస్సాక్షి, అలాగే మతానికి సంబంధించి స్వేచ్ఛ కలిగి ఉండే హక్కు ఉంది. కానీ కొన్ని ప్రాంతాల్లో, యెహోవాసాక్షులకు ఆ హక్కు లేకుండా చేస్తున్నారు. వాళ్లు తమ విశ్వాసానికి తగ్గట్టు జీవిస్తున్నందుకు, మనస్సాక్షి కారణంగా మిలిటరీలో చేరనందుకు అన్యాయంగా జైల్లో వేస్తున్నారు, వాళ్లను క్రూరంగా హింసిస్తున్నారు.

క్రిమియా

2017, ఏప్రిల్‌లో రష్యా అధికారులు యెహోవాసాక్షుల చట్టబద్ధమైన సంస్థను బ్యాన్‌ చేశారు. ప్రశాంతమైన వాళ్ల ఆరాధనను లేకుండా చేయాలనేదే వాళ్ల ప్రయత్నం. ఈ తీవ్రమైన వ్యతిరేకత క్రిమియాకి కూడా వ్యాపించింది. అక్కడి ప్రభుత్వం చాలాసార్లు యెహోవాసాక్షుల మీద రైడ్‌లు చేసింది, చాలామందిని అరెస్టు కూడా చేసింది. దాంతో ప్రస్తుతం 15 మంది సాక్షులు జైల్లో ఉన్నారు; తీవ్రవాద కార్యకలాపాల్లో పాల్గొంటున్నారు అనే నేరం మోపి వాళ్లను జైల్లో వేశారు.

ప్రస్తుతం క్రిమియాలో విశ్వాసం కారణంగా జైల్లో ఉన్న యెహోవాసాక్షుల పేర్లు చూడడానికి ఇక్కడ క్లిక్‌ చేసి డౌన్‌లోడ్‌ చేసుకోండి.

ఎరిట్రియా

ఎరిట్రియా స్వాతంత్రానికి సంబంధించి జరిగిన ముఖ్యమైన ఎన్నికల్లో యెహోవాసాక్షులు ఓటు వేయలేదని, మిలిటరీలో సేవ చేయడానికి ఒప్పుకోలేదని 1994 లో ప్రధాని ఇసాయెస్‌ అఫ్‌వెర్కి యెహోవాసాక్షుల్ని ఆ దేశ పౌరులుగా పరిగణించవద్దని ప్రకటించాడు. అప్పటినుండి ప్రభుత్వం అక్కడి సాక్షుల్ని జైల్లో వేస్తూ, హింసిస్తూ, ముప్పతిప్పలు పెడుతుంది. వాళ్లలో ఆడవాళ్లు, పిల్లలు, పెద్ద వయసువాళ్లు ఉన్నారు. కనీసం వాళ్లు తమ వాదన వినిపించుకునే అవకాశాన్ని కూడా ఇవ్వట్లేదు. ప్రస్తుతం అక్కడ 64 మంది యెహోవాసాక్షులు జైల్లో ఉన్నారు. వాళ్లలో ఏ ఒక్కరి మీదా ఛార్జీ షీట్‌ దాఖలు చేయలేదు, ఏ ఒక్కరికీ చట్టం ప్రకారం శిక్ష విధించలేదు, అయినా వాళ్లను జైల్లో వేశారు.

ప్రస్తుతం ఎరిట్రియాలో విశ్వాసం కారణంగా జైల్లో ఉన్న యెహోవాసాక్షుల పేర్లు చూడడానికి ఇక్కడ క్లిక్‌ చేసి డౌన్‌లోడ్‌ చేసుకోండి.

రష్యా

2017, ఏప్రిల్‌లో రష్యా సుప్రీం కోర్టు యెహోవాసాక్షుల్ని తీవ్రవాదులు అని ఆరోపించింది. అంతేకాదు, వాళ్లు ఇకపై రష్యాలో మతసంబంధ సంస్థగా కొనసాగడం చట్టానికి విరుద్ధమని ప్రకటించింది, వాళ్ల ఆస్తుల్ని కూడా జప్తు చేసింది. దాంతో యెహోవాసాక్షుల బ్రాంచి కార్యాలయం, రాజ్యమందిరాలు, అసెంబ్లీ హాళ్లు మూతబడ్డాయి; వాళ్ల ప్రచురణల్ని కూడా నిషేధించారు. ఆ తర్వాత అక్కడి ప్రభుత్వం చూపు, ఆ దేశంలో ఉన్న ప్రతీ ఒక్క యెహోవాసాక్షి మీద పడింది. వాళ్లు తమ ఆరాధనలో చేసిన పనుల్ని ప్రభుత్వం చట్టవిరుద్ధంగా భావించింది. కాబట్టి, పోలీసులు ఉన్నట్టుండి సాక్షుల ఇళ్లలోకి వెళ్లి, వాళ్లను భయపెట్టి-బెదిరించి విచారణ చేస్తున్నారు, చివరికి వాళ్లను అరెస్టు చేస్తున్నారు. ప్రస్తుతం, కనీసం 172 మంది యెహోవాసాక్షులు విచారణకు ముందు ఉంచే జైల్లో ఉన్నారు, శిక్షలో భాగంగా కష్టమైన పరిస్థితుల్లో పనులు చేస్తున్నారు, లేదా నేరస్తులుగా తీర్పు పొంది కొంతకాలం నుండి జైల్లోనే ఉంటున్నారు.

ప్రస్తుతం రష్యాలో విశ్వాసం కారణంగా జైల్లో ఉన్న యెహోవాసాక్షుల పేర్లు చూడడానికి ఇక్కడ క్లిక్‌ చేసి డౌన్‌లోడ్‌ చేసుకోండి.

సింగపూర్‌

సింగపూర్‌ పౌరుల్లో ప్రతీ పురుషుడు ఖచ్చితంగా మిలిటరీ సేవ చేయాలని, మతం లేదా మనస్సాక్షి అనే కారణాలు చెప్పకూడదని ప్రభుత్వం రూల్‌ పెట్టింది. ఎవరైనా ఆ సేవ చేయడానికి నిరాకరిస్తే రెండున్నర సంవత్సరాల దాకా జైలు శిక్ష అనుభవించాల్సి రావచ్చు. ఐక్యరాజ్య సమితి (UNO) మిలిటరీలో సేవ చేయడానికి ఒప్పుకోని వాళ్లను వదిలేయమని చెప్పినా, సింగపూర్‌ ప్రభుత్వం మాత్రం వ్యక్తిగత నమ్మకాల కంటే తమ దేశ భద్రతకే ప్రాముఖ్యత ఇస్తామని తేల్చి చెప్పేసింది. కాబట్టి, తమ మనస్సాక్షి కారణంగా మిలిటరీలో చేరనందుకు ప్రస్తుతం తొమ్మిది మంది యౌవన సహోదరులు జైల్లో ఉన్నారు. అందులో ముగ్గురు, జైలుకు వెళ్లడం ఇది రెండోసారి.

ప్రస్తుతం సింగపూర్‌లో విశ్వాసం కారణంగా జైల్లో ఉన్న యెహోవాసాక్షుల పేర్లు చూడడానికి ఇక్కడ క్లిక్‌ చేసి డౌన్‌లోడ్‌ చేసుకోండి.

దక్షిణ కొరియా

దక్షిణ కొరియా దేశం 2020, అక్టోబరు 26న మనస్సాక్షి కారణంగా సైన్యంలో చేరని వాళ్లకు, వేరే పౌర సేవ చేసే కొత్త అవకాశాన్ని కల్పించింది. కానీ, ఈ పౌర సేవ చేయడం శిక్షకు తక్కువేం కాదని కొంతమంది అభిప్రాయం. ఎందుకంటే, సైన్యంలో చేరితే ఒకటిన్నర సంవత్సరం సేవ చేస్తే సరిపోతుంది, కానీ వేరే పౌర సేవ మూడు సంవత్సరాలు చేయాల్సి ఉంటుంది. దీని విషయంలో చాలామంది కోర్టుకు వెళ్లినా, 2024లో దక్షిణ కొరియా హై కోర్టు ఈ ఏర్పాటును చట్టబద్ధం అని చెప్పి, దాన్నే కొనసాగించమంటూ నిర్ణయించింది. చాలామంది యెహోవాసాక్షులు కష్టమైనా సరే వేరే పౌర సేవనే ఎంచుకున్నారు. అయితే, 15 మంది యౌవన సహోదరులు మాత్రం ఈ పౌర సేవ చేయడానికి నిరాకరించారు. అందుకని ఇప్పుడు వాళ్లలో ఒకరు జైల్లో ఉన్నారు, ఇంకొంతమంది విచారణ కోసం ఎదురుచూస్తున్నారు; బహుశా వాళ్లకు తర్వాత జైలు శిక్ష పడవచ్చు.

ప్రస్తుతం దక్షిణ కొరియాలో విశ్వాసం కారణంగా జైల్లో ఉన్న యెహోవాసాక్షుల పేర్లు చూడడానికి ఇక్కడ క్లిక్‌ చేసి డౌన్‌లోడ్‌ చేసుకోండి.

యుక్రెయిన్‌

యుక్రెయిన్‌లో మనస్సాక్షి కారణంగా సైన్యంలో చేరని వాళ్లు, వేరే పౌర సేవ చేసే చట్టం ఉండడం వల్ల దాదాపు 30 ఏళ్లుగా అక్కడ ఉన్న యెహోవాసాక్షులు చాలా ప్రయోజనం పొందారు. కానీ 2022, ఫిబ్రవరి 24న యూక్రెయిన్‌లో మొదలైన యుద్ధం కారణంగా, ఆ దేశం తమ పౌరుల్ని సైన్యంలో చేరమని పిలిచింది. అయితే, యుద్ధం సమయంలో వేరే పౌర సేవ చేయడాన్ని ఎంచుకోవచ్చు అనే విషయాన్ని చట్టం స్పష్టం చేయలేదు. దానివల్ల సైన్యంలో చేరని వాళ్లను కోర్టుకు తీసుకెళ్లి, తర్వాత జైల్లో వేశారు. ప్రస్తుతం తొమ్మిది మంది సాక్షులు జైల్లో ఉన్నారు, ఇంకో తొమ్మిది మంది విచారణకు ముందు ఉంచే జైల్లో ఉన్నారు. యుద్ధం సమయంలో వేరే పౌర సేవ చేసే ఏర్పాటును చట్టం కల్పించాలని ముగ్గురు ఐక్యరాజ్య సమితి ప్రతినిధులు బహిరంగంగా తెలియజేశారు.

ప్రస్తుతం యుక్రెయిన్‌లో విశ్వాసం కారణంగా జైల్లో ఉన్న యెహోవాసాక్షుల పేర్లు చూడడానికి ఇక్కడ క్లిక్‌ చేసి డౌన్‌లోడ్‌ చేసుకోండి.

“చెరసాలలో ఉన్నవాళ్లను గుర్తుచేసుకోండి. మీరు కూడా వాళ్లతోపాటు చెరసాలలో ఉన్నట్టు భావిస్తూ వాళ్లను గుర్తుచేసుకోండి.”—హెబ్రీయులు 13:3.

ఇవి కూడా చూడండి

తరచూ అడిగే ప్రశ్నలు

https://cms-imgp.jw-cdn.org/img/p/1014757/univ/art/1014757_univ_sqr_xl.jpg

యెహోవాసాక్షులు

విశ్వాసం కారణంగా జైలు పాలైన యెహోవాసాక్షులు—ప్రాంతాల వారిగా

ఇవి కూడా చూడండి

మతం మార్చుకోమని యెహోవాసాక్షులు ప్రజల్ని బలవంతపెడతారా?

యెహోవాసాక్షులు రాజకీయాల్లో ఎందుకు తలదూర్చరు?

యెహోవాసాక్షులు యుద్ధాల్లో ఎందుకు పాల్గొనరు?

విశ్వాసం కారణంగా జైలు పాలైన యెహోవాసాక్షులు—ప్రాంతాల వారిగా

ఇవి కూడా చూడండి

మీ భాష ఎంచుకోండి