రెండో కొరింథీయులు 4:1-18

  • మంచివార్త వెలుగు (1-6)

    • అవిశ్వాసుల మనసులకు గుడ్డితనం (4)

  • మట్టి పాత్రల్లో సంపద (7-18)

4  దేవుడు మమ్మల్ని కరుణించి మాకు ఈ పరిచర్య ఇచ్చాడు కాబట్టి మేము అధైర్యపడం.  అయితే సిగ్గుపడాల్సి వచ్చే మోసకరమైన​వాటిని మేము వదిలేశాం, మేము కుయుక్తితో ​నడుచుకోవట్లేదు, దేవుని వాక్యాన్ని కలుషితం చేయట్లేదు;+ అయితే ప్రజలకు సత్యాన్ని ప్రకటిస్తూ,* దేవుని ముందు ప్రతీ వ్యక్తి మనస్సాక్షికి మమ్మల్ని మేము సిఫారసు చేసుకుంటున్నాం.+  మేము ప్రకటించే మంచివార్త ముసుగు వేయబడి ఉందంటే, అది నాశనం కాబోయేవాళ్లకే.  దేవుని ప్రతిబింబమైన క్రీస్తు+ ​గురించిన ​మహిమగల మంచివార్త వెలుగు వాళ్లమీద ప్రకాశించకుండా+ ఉండేలా, ఈ లోక* దేవుడు+ ఆ అవిశ్వాసుల మనసులకు గుడ్డితనం కలగజేశాడు.+  మేము మా గురించి కాదుగానీ యేసుక్రీస్తు గురించి ప్రకటిస్తున్నాం, యేసుక్రీస్తు ప్రభువని, యేసు కోసం మేము మీ దాసులమని ప్రకటిస్తున్నాం.  ఎందుకంటే, “చీకట్లో నుండి వెలుగు ప్రకాశించాలి” అని చెప్పిన దేవుడే+ మన హృదయాల మీద ప్రకాశించి, క్రీస్తు ముఖం ద్వారా దేవుని మహిమా​న్విత జ్ఞానంతో మన హృదయాలు ప్రకాశించేలా చేశాడు.+  అయితే, మాకున్న అసాధారణ శక్తి దేవుడు ఇచ్చిందే కానీ మా సొంతది కాదనే+ విషయం ​స్పష్టమవ్వడానికి మట్టి పాత్రల్లో+ ఈ సంపద మాకు ఉంది.+  మమ్మల్ని అన్నివైపులా కష్టాలు చుట్టుముడుతున్నాయి, కానీ పూర్తిగా కదల్లేని స్థితిలో లేము; అయోమ​యంలో ఉన్నాం, కానీ దిక్కుతోచని స్థితిలో లేము;*+  హింసించబడుతున్నాం, కానీ విడిచిపెట్టబడలేదు;+ పడగొట్టబడుతున్నాం, కానీ నశించిపోవట్లేదు.+ 10  మేము ఎక్కడికి వెళ్లినా యేసులాగే మాకు ప్రాణాపాయ పరిస్థితి ఎదురౌ​తోంది.+ మేము యేసులాంటి జీవితాన్ని గడుపుతున్నామని ప్రజలు తెలుసుకోవాలని* అలా జరుగుతోంది. 11  బ్రతికున్న మాకు యేసు కోసం ఎప్పుడూ మరణం ఎదురౌతోంది.+ యేసులా మేము కష్టాలు పడుతున్నామని ప్రజలు తెలుసుకోవడానికి* అలా జరుగుతోంది. 12  మేము మరణాన్ని ఎదుర్కొంటున్నా, అది మీరు జీవం పొందడానికే. 13  “నాకు విశ్వాసం ఉంది, కాబట్టే నేను మాట్లాడాను”+ అని లేఖనాల్లో రాసివున్న లాంటి విశ్వాసంగల మనోవైఖరే మాకు ఉంది; మాకు కూడా విశ్వాసం ఉంది కాబట్టే మేము మాట్లాడుతున్నాం. 14  ఎందుకంటే, యేసును బ్రతికించిన దేవుడు మమ్మల్ని కూడా యేసులాగే బ్రతికించి మీతోపాటు ఆయన ముందుకు తీసుకొస్తాడని+ మాకు తెలుసు. 15  ఎందుకంటే ఇవన్నీ మీ కోసమే; దేవునికి మహిమ కలిగేలా ఎక్కువమంది ప్రజలు దేవునికి కృతజ్ఞ​తలు చెప్పడం వల్ల విస్తరిస్తున్న అపారదయ ఇంకా సమృద్ధిగా విస్తరించేలా, ఇవన్నీ మీ కోసమే.+ 16  అందుకే మనం అధైర్యపడం. మన శరీరాలు కృశించిపోతున్నా మన హృదయాలు, మన మనసులు రోజురోజుకీ నూతనమౌతున్నాయి. 17  ఎందుకంటే, మనకు వచ్చే శ్రమలు* కొంతకాలమే ఉంటాయి, అవి చాలా చిన్నవి. కానీ వాటివల్ల మనం పొందే బహు​మతి ఎంతో గొప్పది,* శాశ్వతమైనది.+ 18  అందుకే మనం, కనిపించేవాటి మీద కాకుండా కనిపించనివాటి మీద దృష్టిపెడతాం.+ ఎందుకంటే కనిపిం​చేవి తాత్కాలికం, కనిపించ​నివి శాశ్వతం.

అధస్సూచీలు

లేదా “వెల్లడిచేస్తూ.”
అక్ష., “వ్యవస్థ.” లేదా “యుగ.” పదకోశం చూడండి.
లేదా “నిరాశానిస్పృహల్లో విడిచిపెట్టబడ​లేదు” అయ్యుంటుంది.
లేదా “యేసు జీవితం మా శరీరాల్లో వెల్లడిచేయబడాలని.”
లేదా “నాశనమయ్యే మా శరీరాల్లో యేసు జీవితం వెల్లడిచేయబడడానికి.”
లేదా “పరీక్షలు.”
లేదా “బరువైనది.”