సామెతలు 19:1-29
19 మూర్ఖుడిగా ఉండి అబద్ధాలాడడం కన్నాపేదవాడిగా ఉండి యథార్థంగా నడుచుకోవడం మంచిది.+
2 జ్ఞానం లేకుండా ఉండడం మంచిదికాదు,+దురుసుగా ప్రవర్తించేవాడు పాపం చేస్తున్నాడు.
3 మనిషి తెలివితక్కువతనం అతన్ని తప్పుదారి పట్టిస్తుంది,అతని హృదయం యెహోవా మీద కోపగించుకుంటుంది.
4 ధనవంతులకు చాలామంది స్నేహితులుంటారు,పేదవాడికి ఉన్న ఒకేఒక్క స్నేహితుడు కూడా అతన్ని విడిచిపెట్టేస్తాడు.
5 అబద్ధ సాక్షి తప్పకుండా శిక్షించబడతాడు,+నోరు తెరిస్తే అబద్ధాలే చెప్పేవాడు తప్పించుకోలేడు.
6 ప్రముఖుడి* అనుగ్రహం పొందడానికి చాలామంది ప్రయత్నిస్తారు,బహుమతులు ఇచ్చేవాడికి అందరూ స్నేహితులే.
7 పేదవాడి సహోదరులందరూ అతన్ని ద్వేషిస్తారు;+అలాంటిది అతని స్నేహితులు అతన్ని ఇంకెంతగా దూరం పెడతారో కదా!+
అతను వేడుకుంటూ వాళ్ల వెనకాల పడతాడు, కానీ ఎవ్వరూ పట్టించుకోరు.
8 వివేకం సంపాదించేవాడు తన ప్రాణాన్ని ప్రేమించుకుంటున్నాడు.+
ఎప్పుడూ వివేచన చూపించేవాడు విజయం సాధిస్తాడు.*+
9 అబద్ధ సాక్షి తప్పకుండా శిక్షించబడతాడు,నోరు తెరిస్తే అబద్ధాలే చెప్పేవాడు నాశనమౌతాడు.+
10 తెలివితక్కువవాడు సుఖభోగాలు అనుభవించడం తగదు;సేవకుడు అధిపతుల మీద పరిపాలించడం కూడా ఏమాత్రం తగదు!+
11 మనిషి లోతైన అవగాహన అతని కోపాన్ని చల్లారుస్తుంది,+తప్పును* పట్టించుకోకుండా ఉండడం అతనికి ఘనతను తెస్తుంది.+
12 రాజు కోపం సింహగర్జన లాంటిది,+అతని అనుగ్రహం పచ్చిక మీది మంచు బిందువుల లాంటిది.
13 మూర్ఖుడు తన తండ్రికి కష్టాలు తీసుకొస్తాడు,+గయ్యాళి* భార్య ఆగకుండా కురిసే* పైకప్పు లాంటిది.+
14 ఇల్లు, ఆస్తి తండ్రుల నుండి వారసత్వంగా వస్తాయి,బుద్ధిగల భార్య యెహోవా ఇచ్చే బహుమతి.+
15 సోమరి ఎప్పుడూ పడుకునే ఉంటాడు,బద్దకంగా పనిచేసేవాడు ఆకలితో అలమటిస్తాడు.+
16 ఆజ్ఞను పాటించేవాడు తన ప్రాణాన్ని కాపాడుకుంటాడు;తన మార్గాల విషయంలో నిర్లక్ష్యంగా ఉండేవాడు చనిపోతాడు.
17 పేదవాళ్ల మీద దయ చూపించేవాడు యెహోవాకు అప్పు ఇస్తున్నాడు,+అతను చేసినదానికి ఆయన ప్రతిఫలం* ఇస్తాడు.+
18 చెయ్యి దాటిపోకముందే నీ కుమారుణ్ణి క్రమశిక్షణలో పెట్టు,+అతని మరణానికి బాధ్యుడివి అవ్వకు.*+
19 ముక్కోపి తగిన మూల్యం చెల్లిస్తాడు;నువ్వు అతన్ని తప్పించడానికి ప్రయత్నిస్తే, మళ్లీమళ్లీ అలా చేయాల్సి వస్తుంది.+
20 నువ్వు ముందుముందు తెలివిగలవాడివి అవ్వాలంటే+సలహాను విను, క్రమశిక్షణను స్వీకరించు.
21 మనిషి హృదయంలో చాలా ప్రణాళికలు ఉంటాయి,అయితే యెహోవా ఆలోచనే* నిలబడుతుంది.+
22 మనిషి విశ్వసనీయ ప్రేమే అతనికి అందం;+అబద్ధాలకోరుగా ఉండడం కన్నా పేదవాడిగా ఉండడం మేలు.
23 యెహోవా మీదుండే భయం జీవానికి నడిపిస్తుంది;+ఆ భయం ఉన్న వ్యక్తి హాయిగా విశ్రమిస్తాడు, అతనికి ఏ కీడూ రాదు.
24 సోమరి విందుపాత్రలో చెయ్యి ఉంచుతాడుకానీ దాన్ని నోటి దాకా తెచ్చుకోవాలని కూడా అనుకోడు.+
25 ఎగతాళి చేసేవాణ్ణి కొడితే, అనుభవం లేనివాడు వివేకాన్ని* సంపాదిస్తాడు,+అవగాహన ఉన్నవాణ్ణి గద్దిస్తే, అతను జ్ఞానాన్ని పెంచుకుంటాడు.
26 తండ్రితో దురుసుగా ప్రవర్తించి, తల్లిని వెళ్లగొట్టే కుమారుడుఅవమానాన్ని, తలవంపుల్ని తీసుకొస్తాడు.+
27 నా కుమారుడా, నువ్వు క్రమశిక్షణను స్వీకరించడం ఆపేస్తేజ్ఞానవంతమైన మాటల నుండి తప్పిపోతావు.
28 పనికిమాలిన సాక్షి న్యాయాన్ని వెక్కిరిస్తాడు,+దుష్టులు కీడు చేయడంలో సంతోషిస్తారు.+
29 ఎగతాళి చేసేవాళ్ల కోసం తీర్పు,+మూర్ఖుల వీపు కోసం దెబ్బలు వేచివున్నాయి.+
అధస్సూచీలు
^ లేదా “ఉదారస్వభావం గలవాడి.”
^ అక్ష., “మేలు పొందుతాడు.”
^ లేదా “అపరాధాన్ని.”
^ లేదా “సతాయించే.”
^ లేదా “కారే.”
^ లేదా “బహుమతి.”
^ లేదా “మరణాన్ని కోరుకోకు.”
^ లేదా “సంకల్పమే; ఉద్దేశమే.”
^ లేదా “యుక్తిని.”
