సామెతలు 13:1-25
13 తెలివిగలవాడు తన తండ్రి క్రమశిక్షణను స్వీకరిస్తాడు,+ఎగతాళి చేసేవాడు గద్దింపును* పట్టించుకోడు.+
2 తన నోటి మాటల వల్ల ఒక వ్యక్తి మంచివాటిని అనుభవిస్తాడు,+అయితే మోసగాళ్లు దౌర్జన్యం చేయాలని ఎంతో కోరుకుంటారు.
3 నోటిని కాచుకునేవాడు తన ప్రాణాన్ని కాపాడుకుంటాడు,+నోటిని అదుపులో పెట్టుకోనివాడు నాశనమౌతాడు.+
4 బద్దకస్తునికి చాలా కోరికలు ఉంటాయి, కానీ ఏమీ దొరకదు,+కష్టపడి పనిచేసేవాడు పూర్తిగా తృప్తి పొందుతాడు.+
5 నీతిమంతునికి అబద్ధాలంటే అసహ్యం,+దుష్టుల పనులు సిగ్గును, అవమానాన్ని తీసుకొస్తాయి.
6 నీతి నిర్దోషంగా నడుచుకునేవాళ్లను కాపాడుతుంది,+దుష్టత్వం పాపుల్ని నాశనం చేస్తుంది.
7 ఏమీ లేకపోయినా ధనవంతుల్లా నటించేవాళ్లు ఉన్నారు,+ఎంతో ఆస్తి ఉన్నా పేదవాళ్లలా నటించేవాళ్లు కూడా ఉన్నారు.
8 ధనవంతుడు తన ప్రాణాన్ని కాపాడుకోవడానికి తన ఆస్తిని ఇస్తాడు,+పేదవాడికి అసలు అలాంటి పరిస్థితే రాదు.*+
9 నీతిమంతుని వెలుగు తేజోవంతంగా ప్రకాశిస్తుంది,*+దుష్టుల దీపం ఆరిపోతుంది.+
10 అహంకారం వల్ల గొడవలే వస్తాయి,+సలహా కోసం వెదికేవాళ్ల* దగ్గర తెలివి ఉంటుంది.+
11 త్వరగా సంపాదించిన ఆస్తి తరిగిపోతుంది,+కొద్దికొద్దిగా* సమకూర్చుకున్న ఆస్తి పెరుగుతుంది.
12 ఎదురుచూసింది ఆలస్యమైనప్పుడు బాధ కలుగుతుంది,+నెరవేరిన కోరిక జీవవృక్షం.+
13 ఉపదేశాన్ని చిన్నచూపు చూసేవాళ్లు తగిన మూల్యం చెల్లిస్తారు,+ఆజ్ఞను గౌరవించేవాళ్లు ప్రతిఫలం పొందుతారు.+
14 తెలివిగలవాళ్ల ఉపదేశం జీవపు ఊట,+అది మరణపు ఉరుల నుండి కాపాడుతుంది.
15 లోతైన అవగాహన వల్ల దయ లభిస్తుంది,కానీ మోసగాళ్ల మార్గం కఠినంగా ఉంటుంది.
16 వివేకం* గలవాడు జ్ఞానంతో నడుచుకుంటాడు,+తెలివితక్కువవాడు తన తెలివితక్కువతనాన్ని బయటపెట్టుకుంటాడు.+
17 చెడ్డ సందేశకుడు కష్టాల్లో పడతాడు,+నమ్మకమైన రాయబారి మేలు చేస్తాడు.+
18 క్రమశిక్షణను నిర్లక్ష్యం చేసేవాడికి పేదరికం, అవమానం వస్తాయి;దిద్దుబాటును* స్వీకరించేవాడు ఘనత పొందుతాడు.+
19 కోరిక నెరవేరినప్పుడు ప్రాణానికి హాయిగా ఉంటుంది,+చెడును విడిచిపెట్టడం మూర్ఖులకు అస్సలు నచ్చదు.+
20 తెలివిగలవాళ్లతో తిరిగేవాడు తెలివిగలవాడు అవుతాడు,+మూర్ఖులతో సహవాసం చేసేవాడు చెడిపోతాడు.+
21 విపత్తు పాపుల్ని వెంటాడుతుంది,+నీతిమంతులు మంచిని ప్రతిఫలంగా పొందుతారు.+
22 మంచివాడు తన పిల్లల పిల్లలకు ఆస్తిని వదిలివెళ్తాడు,పాపుల ఆస్తి నీతిమంతుల కోసం దాచబడుతుంది.+
23 పేదవాళ్ల భూమి సమృద్ధిగా పండుతుంది,అయితే అన్యాయం వల్ల అది* తుడిచిపెట్టుకుపోవచ్చు.
24 బెత్తం* వాడని తండ్రి తన కుమారుణ్ణి ద్వేషిస్తున్నాడు,+కుమారుణ్ణి ప్రేమించే వ్యక్తి అతనికి శ్రద్ధగా* క్రమశిక్షణ ఇస్తాడు.+
25 నీతిమంతుడు కడుపునిండా భోజనం చేస్తాడు,+కానీ దుష్టుని కడుపు ఖాళీగా ఉంటుంది.+
అధస్సూచీలు
^ లేదా “దిద్దుబాటును.”
^ లేదా “బెదిరింపును వినడు.”
^ అక్ష., “సంతోషిస్తుంది.”
^ లేదా “ఒకరినొకరు సంప్రదించేవాళ్ల.”
^ అక్ష., “చేత్తో.”
^ లేదా “యుక్తి.”
^ లేదా “గద్దింపును.”
^ లేదా “వాళ్లు.”
^ లేదా “క్రమశిక్షణ; శిక్ష.”
^ లేదా “వెంటనే” అయ్యుంటుంది.
