సామెతలు 11:1-31

  • అణకువ గలవాళ్ల దగ్గర తెలివి ఉంటుంది (2)

  • భక్తిహీనుడు ఇతరుల్ని నాశనం చేస్తాడు (9)

  • ‘ఎక్కువమంది సలహాదారుల వల్ల విజయం వస్తుంది’ (14)

  • ఉదారంగా ఇచ్చేవాళ్లు వర్ధిల్లుతారు (25)

  • సంపదల్ని నమ్ముకునేవాడు నాశనమౌతాడు (28)

11  దొంగ* త్రాసు యెహోవాకు అసహ్యం,సరైన తూకంరాళ్లను చూసి ఆయన సంతోషిస్తాడు.+   అహంకారం వెనకే అవమానం వస్తుంది,+అయితే అణకువ గలవాళ్ల దగ్గర తెలివి ఉంటుంది.+   నిజాయితీపరుల యథార్థత వాళ్లను ​నడిపిస్తుంది,+మోసగాళ్ల కపటం వాళ్లను నాశనం చేస్తుంది.+   ఉగ్రత రోజున ఆస్తి ఎందుకూ ​పనికిరాదు,+అయితే నీతి మరణం నుండి కాపాడుతుంది.+   నిందలేనివాళ్ల నీతి వాళ్ల మార్గాన్ని తిన్నగా చేస్తుంది,కానీ దుష్టులు తమ దుష్టత్వం వల్ల ​పడిపోతారు.+   నిజాయితీపరుల నీతి వాళ్లను కాపాడుతుంది,+మోసగాళ్లు తమ కోరికల్లో తామే ​చిక్కుకుపోతారు.+   దుష్టుడు చనిపోయినప్పుడు అతని ఆశ నశించిపోతుంది;అతని శక్తిని నమ్ముకొని పెట్టుకున్న ఆశలు కూడా నశించిపోతాయి.+   నీతిమంతుడు కష్టాల నుండి తప్పించ​బడతాడు,దుష్టుడు అతని స్థానంలోకి వస్తాడు.+   భక్తిహీనుడు* తన నోటితో పొరుగువాణ్ణి నాశనం చేస్తాడు,కానీ నీతిమంతుడు జ్ఞానం వల్ల తప్పించుకుంటాడు.+ 10  నీతిమంతుల మంచితనం వల్ల నగరం సంతోషిస్తుంది,దుష్టులు నాశనమైనప్పుడు ప్రజలు సంతోషంతో కేకలు వేస్తారు.+ 11  నిజాయితీపరుల దీవెన వల్ల నగరం గొప్పదౌతుంది,+అయితే దుష్టుల నోరు దాన్ని కూలగొడుతుంది.+ 12  వివేచన లేనివాడు తన పొరుగువాణ్ణి నీచంగా చూస్తాడు,నిజమైన వివేచన ఉన్నవాడు మౌనంగా ఉంటాడు.+ 13  లేనిపోనివి కల్పించి చెప్పేవాడు రహస్యాలు బయటపెడుతుంటాడు,+కానీ నమ్మదగినవాడు రహస్యాలు* దాచిపెడతాడు. 14  తెలివిగల* నిర్దేశం లేనప్పుడు ప్రజలు నాశనమౌతారు,సలహాదారులు ఎక్కువమంది ఉంటే విజయం* లభిస్తుంది.+ 15  పరిచయం లేనివాడి అప్పుకు హామీగా* ఉండే వ్యక్తి ఖచ్చితంగా నష్టపోతాడు,+అయితే ఒప్పందం చేసుకోని వ్యక్తి ​సురక్షితంగా ఉంటాడు. 16  దయగల* స్త్రీ ఘనత పొందుతుంది;+కానీ దయలేనివాళ్లు సంపదల్ని దోచు​కుంటారు. 17  దయగలవాడు* తన ప్రాణానికి మేలు చేసుకుంటాడు,+క్రూరుడు తన మీదికి తానే హాని* ​తెచ్చుకుంటాడు.+ 18  దుష్టుడి సంపాదన మోసకరమైనది,*+కానీ నీతిని విత్తేవాడు నిజమైన ​ప్రతిఫలం పొందుతాడు.+ 19  నీతి పక్షాన స్థిరంగా నిలబడేవాడు జీవం పొందుతాడు,+చెడు వెనక పరుగెత్తేవాడు మరణం పొందుతాడు. 20  కపట హృదయం గలవాళ్లు యెహోవాకు అసహ్యం,+నిందలేకుండా నడుచుకునేవాళ్లను చూసి ఆయన సంతోషిస్తాడు.+ 21  ఈ మాట మీద నమ్మకం ఉంచు: చెడ్డవాళ్లకు తప్పకుండా శిక్షపడుతుంది,+అయితే నీతిమంతుల పిల్లలు తప్పించుకుంటారు. 22  వివేచన లేకుండా నడుచుకునే అందమైన స్త్రీపంది ముక్కుకు ఉన్న బంగారు పోగు లాంటిది. 23  నీతిమంతుల కోరిక మంచికి దారితీస్తుంది,+కానీ దుష్టుల ఆశ ఉగ్రతకు నడిపిస్తుంది. 24  ఒక వ్యక్తి ఉదారంగా ఇస్తాడు,* అయినా వృద్ధి పొందుతాడు;+ఇంకో వ్యక్తి ఇవ్వాల్సింది కూడా ఇవ్వడు, అయినా పేదవాడౌతాడు.+ 25  ఉదారంగా ఇచ్చేవాళ్లు వర్ధిల్లుతారు,+ఇతరుల్ని సేదదీర్చే* వాళ్లు తాము కూడా సేదదీర్పు పొందుతారు.+ 26  ధాన్యం బిగబట్టేవాణ్ణి ప్రజలు శపిస్తారు,ధాన్యం అమ్మేవాణ్ణి వాళ్లు దీవిస్తారు. 27  మంచి చేయడానికి శ్రద్ధగా ప్రయత్నించే​వాడు దయ పొందడానికి ప్రయత్నిస్తున్నాడు,చెడు చేయాలని చూసేవాడికి ఖచ్చితంగా చెడే జరుగుతుంది.+ 28  సంపదల్ని నమ్ముకునేవాడు నాశన​మౌతాడు,+నీతిమంతుడు చిగురాకులా వర్ధిల్లుతాడు.+ 29  ఇంట్లోవాళ్లకు సమస్యలు* తెచ్చేవాడు గాలిని సంపాదించుకుంటాడు,+తెలివిలేనివాడు తెలివిగలవాడికి సేవకుడౌతాడు. 30  నీతిమంతుల ఫలం జీవవృక్షం,+ఇతరుల్ని* గెలుచుకునేవాడు తెలివి​గలవాడు.+ 31  భూమ్మీద నీతిమంతుడే ప్రతిఫలం పొందితే,దుష్టుడు, పాపి ఇంకెంతగా ప్రతిఫలం పొందుతారో కదా!+

అధస్సూచీలు

లేదా “మోసపు.”
లేదా “మత​భ్రష్టుడు.”
లేదా “విషయాన్ని.”
లేదా “నేర్పుగల.”
లేదా “రక్షణ.”
లేదా “జామీను.”
లేదా “అందమైన.”
లేదా “విశ్వసనీయ ప్రేమ గలవాడు.”
లేదా “అవమానం.”
లేదా “వ్యర్థమైనది.”
అక్ష., “వెదజల్లుతాడు.”
అక్ష., “ఉదారంగా నీళ్లు పోసే.”
లేదా “అవమానం.”
అక్ష., “ప్రాణాల్ని.” పదకోశం చూడండి.