సామెతలు 10:1-32
10 సొలొమోను సామెతలు.
తెలివిగలవాడు తన తండ్రిని సంతోషపెడతాడు,+తెలివితక్కువవాడు తన తల్లికి దుఃఖం కలిగిస్తాడు.
2 అక్రమ సంపాదన ఎందుకూ పనికిరాదు,అయితే నీతి మరణం నుండి రక్షిస్తుంది.
3 యెహోవా నీతిమంతుల్ని ఆకలితో ఉండనివ్వడు,+కానీ దుష్టులు కోరుకునేది వాళ్లకు దక్కనివ్వడు.
4 బద్దకస్తులు పేదవాళ్లౌతారు,+కానీ కష్టపడి పనిచేసేవాళ్లు ధనవంతులౌతారు.+
5 తెలివితో* నడుచుకునే కుమారుడు వేసవికాలంలో పంట సమకూరుస్తాడు,కానీ అవమానం తెచ్చే కుమారుడు కోతకాలమప్పుడు గాఢనిద్రలో ఉంటాడు.
6 నీతిమంతుల తల మీద దీవెనలు ఉంటాయి,+దుష్టుల నోట దౌర్జన్యం దాగివుంటుంది.
7 నీతిమంతుల్ని గుర్తుచేసుకున్నప్పుడు* దీవిస్తారు,+కానీ దుష్టుల పేరు కనుమరుగౌతుంది.+
8 తెలివిగలవాడు నిర్దేశాల్ని* స్వీకరిస్తాడు,+తెలివితక్కువగా మాట్లాడేవాడు నాశనమౌతాడు.+
9 యథార్థంగా నడుచుకునేవాడు సురక్షితంగా ఉంటాడు,+వంకర మార్గాల్లో వెళ్లేవాడు పట్టుబడతాడు.+
10 కపట బుద్ధితో కన్ను గీటేవాడు దుఃఖం కలిగిస్తాడు,తెలివితక్కువగా మాట్లాడేవాడు నాశనమౌతాడు.+
11 నీతిమంతుల నోరు జీవపు ఊట,+దుష్టుల నోట దౌర్జన్యం దాగివుంటుంది.+
12 ద్వేషం గొడవల్ని రేపుతుంది,ప్రేమ తప్పులన్నిటినీ కప్పుతుంది.+
13 వివేచన గలవాడి పెదాల మీద తెలివి ఉంటుంది,+వివేచన లేనివాడి వీపుకు బెత్తమే తగినది.+
14 తెలివిగలవాళ్లు జ్ఞానాన్ని సంపదలా దాచుకుంటారు,+కానీ తెలివితక్కువవాళ్ల నోరు నాశనాన్ని ఆహ్వానిస్తుంది.+
15 ధనవంతుడి ఆస్తి అతనికి ప్రాకారాలుగల నగరం.
పేదవాడి పేదరికం అతనికి నాశనకరం.+
16 నీతిమంతుల పని జీవానికి నడిపిస్తుంది;దుష్టుల కష్టార్జితం పాపానికి నడిపిస్తుంది.+
17 క్రమశిక్షణను స్వీకరించేవాడు జీవమార్గం అవుతాడు,*గద్దింపును నిర్లక్ష్యం చేసేవాడు తప్పుదారి పట్టిస్తాడు.
18 ద్వేషాన్ని దాచుకునేవాడు అబద్ధాలాడతాడు,+తప్పుడు పుకార్లను వ్యాప్తి చేసేవాడు మూర్ఖుడు.
19 ఎక్కువ మాటల్లో ఖచ్చితంగా దోషం ఉంటుంది,+తన పెదాల్ని అదుపు చేసుకునేవాడు బుద్ధి గలవాడు.+
20 నీతిమంతుని నాలుక శ్రేష్ఠమైన వెండి లాంటిది,+కానీ దుష్టుని హృదయానికున్న విలువ చాలా తక్కువ.
21 నీతిమంతుని పెదాలు చాలామందిని నడిపిస్తాయి,*+అయితే మూర్ఖుడు వివేచన లేకపోవడం వల్ల చనిపోతాడు.+
22 యెహోవా ఆశీర్వాదమే ఒక వ్యక్తిని ధనవంతుణ్ణి చేస్తుంది,+ఆయన దానికి ఎలాంటి కష్టం* చేర్చడు.
23 అవమానకరంగా ప్రవర్తించడం మూర్ఖునికి ఆటలా ఉంటుంది,అయితే వివేచన గలవాళ్ల దగ్గర తెలివి ఉంటుంది.+
24 దుష్టుడు భయపడేదే అతని మీదికి వస్తుంది;అయితే నీతిమంతుని కోరిక నెరవేరుతుంది.+
25 సుడిగాలి వీచినప్పుడు దుష్టుడు లేకుండా పోతాడు,+కానీ నీతిమంతుడు ఎప్పటికీ నిలిచివుండే పునాది లాంటివాడు.+
26 పళ్లకు పుల్లటి ద్రాక్షారసం, కళ్లకు పొగ ఎలా ఉంటాయోబద్దకస్తుడు తన యజమానికి* అలా ఉంటాడు.
27 యెహోవాకు భయపడితే ఎక్కువకాలం జీవిస్తారు,+అయితే దుష్టుల ఆయుష్షు తగ్గించబడుతుంది.+
28 నీతిమంతుల ఆశ సంతోషాన్ని తీసుకొస్తుంది,+దుష్టుల ఆశ భంగమైపోతుంది.+
29 నిందలేని వాళ్లకు యెహోవా మార్గం బలమైన కోట,+అయితే తప్పుచేసే వాళ్లకు అది నాశనకరం.+
30 నీతిమంతులు ఎన్నడూ పడిపోరు,+కానీ దుష్టులు ఇక భూమ్మీద ఉండరు.+
31 నీతిమంతుల నోటి నుండి తెలివిగల మాటలు* వస్తాయి,కానీ వంకరబుద్ధి గలవాళ్ల నాలుక కోసేయబడుతుంది.
32 నీతిమంతుల పెదాలకు ఆహ్లాదకరమైన మాటలు తెలుసు,అయితే దుష్టుల నోరు తప్పుడు మాటలు మాట్లాడుతుంది.
అధస్సూచీలు
^ లేదా “లోతైన అవగాహనతో.”
^ లేదా “వాళ్ల మంచిపేరును బట్టి.”
^ అక్ష., “ఆజ్ఞల్ని.”
^ లేదా “జీవమార్గంలో ఉన్నాడు” అయ్యుంటుంది.
^ లేదా “పోషిస్తాయి.”
^ లేదా “వేదన; బాధ.”
^ లేదా “తనను పంపినవానికి.”
^ లేదా “ఫలాలు.”
