యోబు 35:1-16
35 ఎలీహు ఇంకా ఇలా అన్నాడు:
2 “నువ్వు నిర్దోషివని నీకు అంత నమ్మకమా?‘నేను దేవుని కన్నా నీతిమంతుణ్ణి’ అని అంటావా?+
3 ఎందుకంటే నువ్వు, ‘నేను నీతిగా ఉండడం వల్ల నీకేం* ఉపయోగం?
నేను పాపం చేయకుండా ఉండడం వల్ల నాకేమైనా మేలు జరిగిందా?’ అని అంటున్నావు.+
4 నేను నీకూ, నీతో ఉన్న నీ సహచరులకూ+ జవాబిస్తాను.
5 ఆకాశం వైపు తల ఎత్తి చూడు,ఎంతో ఎత్తులో ఉన్న మేఘాల్ని గమనించు.
6 నువ్వు పాపం చేస్తే, ఆయనకేం నష్టం?+
నీ అపరాధాలు ఎక్కువైతే, ఆయనకేం బాధ?+
7 నువ్వు నీతిగా ఉంటే, ఆయనకు వచ్చేదేంటి?
నీ నుండి ఆయన తీసుకునేదేంటి?+
8 నీ చెడుతనం వల్ల నీలాంటి మనుషులకే నష్టం,నీ నీతి వల్ల మనుషులకే ప్రయోజనం.
9 తీవ్రంగా బాధించబడినప్పుడు ప్రజలు మొరపెడతారు;శక్తిమంతుల అణచివేత* నుండి కాపాడమని వేడుకుంటారు.+
10 కానీ, ‘దేవుడు ఎక్కడ? నా మహాగొప్ప రూపకర్త ఎక్కడ?+రాత్రివేళ పాటలు పాడేలా చేసే దేవుడు+ ఎక్కడ?’ అని ఎవ్వరూ అనరు.
11 ఆయన, జంతువుల కన్నా మనకే ఎక్కువ బోధిస్తున్నాడు;+ఆకాశపక్షుల కన్నా మనకే ఎక్కువ తెలివిని ఇస్తున్నాడు.
12 ప్రజలు మొరపెడుతున్నారు,కానీ దుష్టుల గర్వాన్ని బట్టి+ ఆయన జవాబివ్వట్లేదు.+
13 నిజంగా, దేవుడు వ్యర్థమైన మొరను* వినడు;+సర్వశక్తిమంతుడు దాన్ని పట్టించుకోడు.
14 అలాంటప్పుడు, ఆయన నన్ను పట్టించుకోవట్లేదని అంటున్న+ నీ మొరను ఎలా వింటాడు?
నీ వ్యాజ్యం ఆయన ముందు ఉంది, కాబట్టి నువ్వు ఆత్రంగా ఆయన కోసం వేచివుండాలి.+
15 ఎందుకంటే, ఆయన కోపంతో నిన్ను లెక్క అడగలేదు;నువ్వు ఆలోచించకుండా మాట్లాడిన మాటల్ని పట్టించుకోలేదు.+
16 యోబు వ్యర్థంగా తన నోరు పెద్దగా తెరుస్తున్నాడు;జ్ఞానం లేకుండా ఎన్నెన్నో మాటలు మాట్లాడుతున్నాడు.”+
