యోబు 18:1-21

  • బిల్దదు రెండోసారి మాట్లాడడం (1-21)

    • పాపులకు వచ్చే పర్యవసానాల్ని ​వర్ణించాడు (5-20)

    • యోబుకు దేవుడు తెలీదని ​ఆరోపించాడు (21)

18  అప్పుడు షూహీయుడైన బిల్దదు+ ఇలా అన్నాడు:   “మీరు ఎంతసేపు ఇలా మాట్లాడుతుంటారు? కాస్త అవగాహన చూపించండి, అప్పుడు మేం మాట్లాడగలుగుతాం.   మీరెందుకు మమ్మల్ని జంతువుల్లా చూస్తున్నారు?+ఎందుకు మమ్మల్ని మూర్ఖుల్లా* ఎంచుతున్నారు?   నువ్వు కోపంతో నిన్ను నువ్వు ముక్కలుముక్కలుగా చీల్చేసుకున్నా,నీకోసం భూమి విడిచిపెట్టబడుతుందా?బండరాయి దాని స్థానం నుండి పక్కకు జరుగుతుందా?   అవును, దుష్టుడి దీపం ఆరిపోతుంది,అతని నిప్పు మండదు.+   అతని డేరాలోని వెలుగు చీకటైపోతుంది,అతని దీపం ఆరిపోతుంది.   బలమైన అతని అడుగులు చిన్నవౌతాయి,అతని సలహానే అతన్ని పడిపోయేలా చేస్తుంది.+   ఎందుకంటే, అతని పాదాలు అతన్ని వలలోకి నడిపిస్తాయి,అతను దానిలో చిక్కుకుపోతాడు.   అతని మడిమె బోనులో ఇరుక్కుపోతుంది,అతనికి ఉచ్చు బిగుసుకుంటుంది.+ 10  అతని కోసం నేలమీద చాటుగా ఉరి ఉంచబడుతుంది,అతని దారిలో వల ఉంటుంది. 11  భయాలు అన్నివైపులా అతన్ని చుట్టుముడతాయి,+అడుగడుగునా అతన్ని వెంటాడతాయి. 12  అతని బలం క్షీణిస్తుంది,విపత్తు+ వల్ల అతను కుంటుతాడు. 13  అత్యంత ప్రాణాంతకమైన వ్యాధి* అతని చర్మాన్ని, కాళ్లను, చేతుల్ని తినేస్తుంది. 14  సురక్షితంగా ఉన్న తన డేరాలో నుండి అతను పెరికేయబడతాడు,+ఘోరమైన మరణం దగ్గరికి తీసుకెళ్లబడతాడు. 15  అతని డేరాలో పరాయివాళ్లు నివసిస్తారు;అతని ఇంటిమీద గంధకం చల్లుతారు.+ 16  కింద అతని వేర్లు ఎండిపోతాయి,పైన అతని కొమ్మలు వాడిపోతాయి. 17  అతని జ్ఞాపకం భూమ్మీద నుండి తుడిచిపెట్టుకుపోతుంది,వీధిలో అతని పేరు ఎవరికీ తెలీదు.* 18  అతను వెలుగులో నుండి చీకట్లోకి గెంటేయబడతాడు,ఫలవంతమైన నేల నుండి తరిమేయబడతాడు. 19  తన ప్రజల మధ్య అతనికి సంతానం గానీ, వంశం గానీ ఉండదు,అతను నివసిస్తున్న* చోట అతని వాళ్లెవరూ మిగలరు. 20  అతని రోజు వచ్చినప్పుడు, పడమటి వైపున్న ప్రజలు ఆశ్చర్యపోతారు,తూర్పు వైపున్న ప్రజలు భయభ్రాంతులకు గురౌతారు. 21  తప్పుచేసేవాడి డేరాలకు,దేవుణ్ణి తెలుసుకోనివాడి స్థలానికి ఇలా జరుగుతుంది.”

అధస్సూచీలు

లేదా “అపవిత్రుల్లా” అయ్యుంటుంది.
అక్ష., “మరణపు మొదటి సంతానం.”
అక్ష., “అతనికి పేరు ఉండదు.”
లేదా “అతను పరదేశిగా నివసిస్తున్న.”