యోబు 11:1-20
11 అప్పుడు నయమాతీయుడైన జోఫరు+ ఇలా అన్నాడు:
2 “నీ మాటలన్నిటికీ ఎవరో ఒకరు జవాబు చెప్పకపోతే ఎలా?ఎక్కువగా మాట్లాడినంత మాత్రాన ఒక వ్యక్తి* నిర్దోషి అవుతాడా?
3 నీ వ్యర్థమైన మాటలతో ప్రజల నోళ్లు మూయిస్తావా?
నీ ఎగతాళి మాటల్ని బట్టి ఎవరూ నిన్ను గద్దించరా?+
4 ఎందుకంటే, ‘నా బోధ స్వచ్ఛమైనది,+నేను నీ దృష్టిలో పవిత్రంగా ఉన్నాను’ అని నువ్వు అంటున్నావు.+
5 దేవుడే తన నోరు తెరిచినీతో మాట్లాడితే ఎంత బావుంటుంది!+
6 అప్పుడు ఆయన తెలివికి సంబంధించిన రహస్యాల్ని నీకు తెలియజేస్తాడు,ఎందుకంటే తెలివికి* ఎన్నో కోణాలు ఉన్నాయి.
దేవుడు నీ తప్పుల్లో కొన్నిటిని గుర్తుచేసుకోవట్లేదని నువ్వు గ్రహిస్తావు.
7 దేవుని లోతైన విషయాల్ని నువ్వు తెలుసుకోగలవా?సర్వశక్తిమంతుని గొప్పతనపు హద్దును* నువ్వు కనిపెట్టగలవా?
8 అది ఆకాశం కన్నా ఎత్తైనది. నువ్వు ఏం చేయగలవు?
అది సమాధి* కన్నా లోతైనది. నువ్వు ఏం తెలుసుకోగలవు?
9 అది భూమి కన్నా పెద్దది,*సముద్రం కన్నా విశాలమైనది.
10 ఆయన వెళ్తూవెళ్తూ ఎవరినైనా బంధించి, న్యాయస్థానాన్ని సమావేశపరిస్తే,ఎవరు ఆయన్ని అడ్డుకోగలరు?
11 ఎవరు మోసగాళ్లో ఆయనకు తెలుసు.
చెడును చూసినప్పుడు, ఆయన దాన్ని పట్టించుకోడా?
12 అడవి గాడిద కడుపున మనిషి* పుట్టినప్పుడు మాత్రమేతెలివిలేనివాడికి అవగాహన వస్తుంది.
13 నువ్వు నీ హృదయాన్ని సిద్ధం చేసుకుని,ఆయన వైపు చేతులు చాపు;
14 ఒకవేళ నువ్వు ఏదైనా తప్పు చేస్తూ ఉంటే దాన్ని మానేయి,నీ డేరాల్లో ఎలాంటి చెడ్డపనులూ జరగనివ్వకు.
15 అప్పుడు నువ్వు నిర్దోషిగా తల ఎత్తుకోవచ్చు;ఏ భయమూ లేకుండా స్థిరంగా ఉండవచ్చు.
16 అప్పుడు నువ్వు నీ కష్టాల్ని మర్చిపోతావు;దాటిపోయిన నీటి ప్రవాహంలా వాటిని మర్చిపోతావు.
17 నీ జీవితం మిట్టమధ్యాహ్న వెలుగు కన్నా ప్రకాశవంతంగా ఉంటుంది;దాని చీకటి కూడా ఉదయకాంతిలా ఉంటుంది.
18 నువ్వు ఆశాభావంతో ధైర్యంగా ఉంటావు,చుట్టూ చూసి ఏ భయం లేకుండా పడుకుంటావు.
19 నువ్వు పడుకున్నప్పుడు, నిన్ను భయపెట్టేవాళ్లు ఎవ్వరూ ఉండరు,చాలామంది నీ దయను కోరుకుంటారు.
20 అయితే దుష్టుల కళ్లు క్షీణించిపోతాయి;పారిపోవడానికి వాళ్లకు ఏ చోటూ ఉండదు,వాళ్లకు చావు తప్ప ఇంకే ఆశా ఉండదు.”+
అధస్సూచీలు
^ లేదా “గొప్పలు చెప్పుకునేవాడు.”
^ లేదా “ఆచరణాత్మక తెలివికి.”
^ లేదా “గురించిన ప్రతీ విషయాన్ని.”
^ అక్ష., “పొడవైనది.”
^ లేదా “అడవి గాడిద మనిషిగా.”
