యోబు 10:1-22

  • యోబు జవాబు కొనసాగుతుంది (1-22)

    • ‘దేవుడు నాతో ఎందుకు పోరాడుతున్నాడు?’ (2)

    • యోబుకు, దేవునికి మధ్య తేడా (4-12)

    • ‘నాకు కాస్త ఉపశమనం దొరకాలి’ (20)

10  “నా జీవితం మీద నాకు విరక్తి కలిగింది.+ నా బాధంతా నేను వెళ్లగక్కుతాను. తీవ్రమైన వేదనను బట్టి మాట్లాడతాను!   నేను దేవునితో ఇలా అంటాను: ‘నన్ను దోషిగా ప్రకటించకు. నాతో ఎందుకు పోరాడుతున్నావో చెప్పు.   దుష్టుల సలహాను ఆమోదిస్తూనన్ను అణచివేయడం వల్ల,నీ చేతుల పనిని+ నీచంగా చూడడం వల్ల నీకేం వస్తుంది?   నీ కళ్లు మనిషి కళ్ల లాంటివా?నువ్వు మనిషి చూసినట్టు చూస్తావా?   నీ రోజులు మనిషి రోజుల లాంటివా?నీ సంవత్సరాలు మనిషి సంవత్సరాల లాంటివా?+   మరి ఎందుకు నాలో తప్పులు వెదుకుతున్నావు?నా పాపాల కోసం ఎందుకు చూస్తున్నావు?+   నేను దోషిని కాదని నీకు తెలుసు;+నీ చేతిలో నుండి ఎవరూ నన్ను ​కాపాడలేరు.+   స్వయంగా నీ చేతులతో రూపొందించి నన్ను తయారుచేశావు,+కానీ ఇప్పుడు నన్ను పూర్తిగా నాశనం చేస్తున్నావు.   నువ్వు బంకమట్టితో నన్ను చేశావని+ దయచేసి గుర్తుచేసుకో,అయితే ఇప్పుడు నన్ను తిరిగి మట్టికి చేరేలా చేస్తున్నావు.+ 10  నువ్వు పాలలా నన్ను పోశావు కదా?పెరుగులా నన్ను తోడుబెట్టావు కదా? 11  నువ్వు నాకు చర్మాన్ని, మాంసాన్ని బట్టల్లా తొడిగావు,ఎముకలతో, కండరాలతో నన్ను అల్లావు.+ 12  నాకు జీవాన్ని ఇచ్చావు, నా మీద విశ్వసనీయ ప్రేమ చూపించావు;శ్రద్ధతో నా ప్రాణాన్ని* భద్రంగా ​కాపాడావు.+ 13  అయితే నన్నిలా కష్టపెట్టాలని మనసులో అనుకున్నావు. ఇవన్నీ నువ్వే చేశావని నాకు తెలుసు. 14  ఒకవేళ నేను పాపం చేస్తే, నువ్వు నన్ను గమనిస్తావు,+నా తప్పును క్షమించవు. 15  నేను దోషినైతే, నాకు శ్రమ!ఒకవేళ నేను నిర్దోషినే అయినా, నా తల ఎత్తుకోలేను,+ ఎందుకంటే అవమానాలు, కష్టాలు నన్ను ముంచెత్తుతున్నాయి.+ 16  ఒకవేళ నేను తల ఎత్తితే, నువ్వు సింహంలా నన్ను వేటాడతావు+మళ్లీ నామీద నీ శక్తిని ప్రదర్శిస్తావు. 17  నాకు వ్యతిరేకంగా కొత్తకొత్త సాక్షుల్ని తీసుకొస్తావు,నామీద ఇంకా ఎక్కువ కోపం చూపిస్తావు; ఒకదాని తర్వాత ఒకటి కష్టాలు నన్ను ముంచెత్తుతున్నాయి. 18  అసలు నన్ను తల్లి గర్భంలో నుండి ఎందుకు బయటికి తీసుకొచ్చావు?+ ఏ కన్నూ నన్ను చూడకముందే నేను చనిపోయుంటే బావుండేది! 19  అప్పుడు నేను ఉనికిలోకే రానట్టు ఉండేది;తల్లి గర్భం నుండి నేరుగా నన్ను సమాధికి తీసుకెళ్లేవాళ్లు.’ 20  నా రోజులు ఏపాటివి?+ ఆయన నన్నిలా వదిలేయాలి;ఆయన తన కళ్లను నా మీద నుండి పక్కకు తిప్పుకోవాలి, అప్పుడు నాకు కాస్త ఉపశమనం* దొరుకుతుంది.+ 21  ఎందుకంటే, త్వరలోనే నేను తిరిగిరాని చోటికి,+కటిక చీకటి* ఉన్న దేశానికి ​వెళ్లిపోతాను,+ 22  గాఢాంధకారం కమ్ముకున్న దేశానికి,కారుచీకటిగా, అస్తవ్యస్తంగా ఉన్న దేశానికి వెళ్లిపోతాను.అక్కడ వెలుగు కూడా చీకటిలా ఉంటుంది.”

అధస్సూచీలు

లేదా “ఊపిరిని.” పదకోశంలో “రూ-ఆహ్‌; న్యూమా” చూడండి.
లేదా “సంతోషం.”
లేదా “చీకటి, మరణఛాయ.”