యెషయా 58:1-14
58 “నీ గొంతెత్తి వీలైనంత బిగ్గరగా చాటించు; మౌనంగా ఉండకు!
బూర* శబ్దంలా నీ స్వరాన్ని పెంచు.
నా ప్రజలకు వాళ్ల తిరుగుబాటు గురించి,+యాకోబు ఇంటివాళ్లకు వాళ్ల పాపాల గురించి ప్రకటించు.
2 తామేదో నీతిగా నడుచుకునే జనమైనట్టు,తమ దేవుని న్యాయాన్ని విడిచిపెట్టని జనమైనట్టువాళ్లు ప్రతీరోజు నన్ను వెతుకుతున్నారు,నా మార్గాలు తెలుసుకోవడానికి ఇష్టం చూపిస్తున్నారు.+
దేవునికి దగ్గరవడం తమకు ఇష్టం అన్నట్టున్యాయంగా తీర్పు చెప్పమని నన్ను అడుగుతున్నారు.+
3 ‘మేము ఉపవాసం ఉన్నప్పుడు నువ్వెందుకు చూడవు?+
మమ్మల్ని మేము బాధించుకున్నప్పుడు నువ్వెందుకు గమనించవు?’ అని అంటున్నారు.+
నేను ఎందుకు చూడట్లేదంటే, మీరు ఉపవాసం ఉన్న రోజు మీరు మీ సొంత పనులు చేసుకుంటున్నారు,*మీ పనివాళ్లను అణచివేస్తున్నారు.+
4 మీ ఉపవాసం గొడవలతో, కొట్లాటలతో ముగుస్తుంది,దుష్టత్వమనే పిడికిలితో మీరు గుద్దుకుంటారు.
మీరు ఇలా ఉపవాసం ఉంటే, పరలోకం నుండి నేను మీ స్వరం వినను.
5 నేను చెప్పిన ఉపవాసం ఉండాల్సింది ఇలాగేనా?ఒక వ్యక్తి రెల్లులా తన తల వంచుకొనిగోనెపట్టను, బూడిదను తన పరుపుగా చేసుకొనితనను తాను బాధించుకునే రోజు ఉండాల్సింది ఇలాగేనా?
దీన్నేనా మీరు ఉపవాసం అని, యెహోవాను సంతోషపెట్టే రోజు అని పిలిచేది?
6 అది కాదు, నేను చెప్పిన ఉపవాసం ఏమిటంటే:
దుష్టత్వపు సంకెళ్లను తీసేయడం,కాడి కట్లను విప్పడం,+అణచివేయబడిన వాళ్లను విడుదల చేయడం,+ప్రతీ కాడిని విరగ్గొట్టడం;
7 ఆకలిగా ఉన్నవాళ్లతో నీ ఆహారం పంచుకోవడం,+పేదవాళ్లను, ఇల్లు లేనివాళ్లను నీ ఇంట్లోకి తెచ్చుకోవడం,బట్టలు లేని వాళ్లు కనిపించినప్పుడు వాళ్లకు బట్టలు ఇవ్వడం,+నీ సొంతవాళ్లకు ముఖం చాటేయకుండా ఉండడం.
8 అప్పుడు, నీ వెలుగు ఉదయకాంతిలా ప్రకాశిస్తుంది,+నీకు త్వరగా స్వస్థత కలుగుతుంది.
నీ నీతి నీ ముందు నడుస్తుంది,యెహోవా మహిమ నీ వెనక కాపలాగా ఉంటుంది.+
9 అప్పుడు నువ్వు వేడుకుంటావు, యెహోవా నీకు జవాబిస్తాడు;సహాయం కోసం మొరపెడతావు, ఆయన ‘నేనున్నాను!’ అంటాడు.
నువ్వు నీ మధ్య నుండి కాడిని తీసేస్తే,వేలెత్తి చూపించడం, ఇతరుల పేరు పాడుచేసేలా అబద్ధాలు చెప్పడం మానేస్తే,+
10 నీకు నచ్చినదాన్ని ఆకలిగా ఉన్నవాళ్లకు కూడా ఇస్తే,+కష్టాల్లో ఉన్నవాళ్ల బాగోగులన్నీ చూసుకుంటే,నీ వెలుగు చీకట్లో కూడా ప్రకాశిస్తుంది,నీ అంధకారం కూడా మధ్యాహ్నం వెలుగులా ఉంటుంది.+
11 యెహోవా ఎల్లప్పుడూ నిన్ను నడిపిస్తాడు,ఎండిపోయిన దేశంలో కూడా ఆయన నిన్ను తృప్తిపరుస్తాడు;+నీ ఎముకలకు సత్తువ దయచేస్తాడు,నువ్వు బాగా నీళ్లుపెట్టిన తోటలా తయారౌతావు,+ఎప్పటికీ ఎండిపోని ఊటలా ఉంటావు.
12 నీ కోసం పురాతన శిథిలాల్ని తిరిగి కడతారు,+పాత తరాల నాటి పునాదుల్ని నువ్వు తిరిగి నిలబెడతావు.
బీటల్ని బాగుచేసేవాడివని,నివసించడం కోసం దారుల్ని తిరిగి నిర్మించేవాడివని నువ్వు పిలవబడతావు.+
13 ఒకవేళ నువ్వు విశ్రాంతి రోజును బట్టి, నా పవిత్రమైన రోజున నీ సొంత పనులు చేయకుండా* ఉంటూ,+విశ్రాంతి రోజు చాలా సంతోషకరమైనదని, అది యెహోవాకు పవిత్రమైన రోజని, ఘనపర్చాల్సిన రోజని అంటూ,+నీ సొంత పనులు చేసుకునే బదులు, వట్టి మాటలు మాట్లాడే బదులు ఆ రోజును మహిమపరిస్తే,
14 నువ్వు యెహోవాను బట్టి చాలా సంతోషిస్తావు,నేను భూమ్మీది ఎత్తైన స్థలాల్ని నీ వశం చేస్తాను.+
నీ పూర్వీకుడైన యాకోబు స్వాస్థ్యంలో ఉన్నదాన్ని నువ్వు తినేలా* చేస్తాను,+
ఈ మాట యెహోవా నోటి నుండి వచ్చింది.”
అధస్సూచీలు
^ అక్ష., “కొమ్ము.”
^ లేదా “ఇష్టాన్ని నెరవేర్చుకుంటున్నారు.”
^ లేదా “నీ ఇష్టాల్ని నెరవేర్చుకోకుండా.”
^ లేదా “అనుభవించేలా.”
