యెషయా 57:1-21
57 నీతిమంతుడు నశించిపోయాడు,కానీ ఎవరూ దాని గురించి ఆలోచించట్లేదు.
విశ్వసనీయులు తీసుకుపోబడుతున్నారు,*+అయితే విపత్తు కారణంగా*నీతిమంతుడు తీసుకుపోబడుతున్నాడని ఎవ్వరూ గ్రహించట్లేదు.
2 అతను నెమ్మది పొందుతాడు.
నిజాయితీగా నడుచుకునే వాళ్లందరూ తమ పరుపుల మీద* విశ్రాంతి తీసుకుంటారు.
3 “మంత్రగత్తె కుమారులారా,వ్యభిచారికి, వేశ్యకు పుట్టిన పిల్లలారా,దగ్గరికి రండి:
4 మీరు ఎవర్ని గేలి చేస్తున్నారు?
ఎవర్ని వెక్కిరించడానికి మీ నోళ్లు పెద్దగా తెరుస్తున్నారు?
మీరు పాపులకు, అబద్ధాలాడే వాళ్లకుపుట్టిన పిల్లలు+ కాదా?
5 మహా వృక్షాల మధ్య,పచ్చగా ఉండే ప్రతీ చెట్టు కింద+ కామంతో రగిలిపోతున్నది+ మీరు కాదా?లోయల్లో,* బండల సందుల కిందపిల్లల్ని వధించేది మీరు+ కాదా?
6 నీ భాగం లోయల్లోని* నున్నని రాళ్లతో పాటు ఉంది.+
అవును, అవే నీకు వంతు.
చివరికి వాటికి కూడా నువ్వు పానీయార్పణలు, కానుకలు అర్పిస్తావు.+
వీటిని బట్టి నేను సంతృప్తి చెందాలా?*
7 ఎత్తైన, ఉన్నతమైన పర్వతం మీద నువ్వు పరుపు వేసుకున్నావు,+బలులు అర్పించడానికి అక్కడికి ఎక్కివెళ్లావు.+
8 తలుపు వెనక, గుమ్మం వెనక నీ జ్ఞాపకార్థ చిహ్నాన్ని నిలబెట్టావు.
నన్ను విడిచివెళ్లి నీ బట్టలు విప్పేశావు;పైకి ఎక్కి నీ పరుపును వెడల్పు చేసుకున్నావు.
వాళ్లతో ఒక ఒప్పందం చేసుకున్నావు.
వాళ్లతో కలిసి పడుకోవడమంటే నీకు చాలా ఇష్టం,+వాళ్ల పురుషాంగాన్ని నువ్వు చూశావు.*
9 నువ్వు తైలాన్ని, విస్తారమైన పరిమళ ద్రవ్యాన్నితీసుకొని మెలెకు* దగ్గరికి దిగివెళ్లావు.
నీ ప్రతినిధుల్ని దూరంగా పంపి,సమాధిలోకి* దిగిపోయావు.
10 అనేక ప్రయాణాలు చేస్తూ చాలా కష్టపడ్డావు,కానీ ‘దీనివల్ల ఉపయోగం లేదు!’ అని నువ్వు అనుకోలేదు.
నువ్వు మళ్లీ కొత్త బలం పొందావు.
అందుకే నువ్వు పట్టువిడవట్లేదు.*
11 నువ్వు ఎవరికి భయపడి, ఎవరికి బెదిరిపోయి
అబద్ధాలాడడం మొదలుపెట్టావు?+
నువ్వు నన్ను గుర్తుపెట్టుకోలేదు.+
దేని గురించీ ఆలోచించలేదు.+
నేను మౌనంగా ఉండి ఊరుకున్నాను.*+
అందుకే నువ్వు నాకు ఏమాత్రం భయపడలేదు.
12 నేను నీ బూటకపు నీతిని,+ నీ పనుల్ని+ బయటపెడతాను,వాటివల్ల నీకు ప్రయోజనమేమీ ఉండదు.+
13 నువ్వు సహాయం కోసం మొరపెట్టినప్పుడు,నువ్వు పోగేసుకున్న విగ్రహాలు నిన్ను తప్పించలేవు.+
అవన్నీ గాలికి కొట్టుకుపోతాయి,ఉఫ్‌ అని ఊదితే ఎగిరిపోతాయి;అయితే నన్ను ఆశ్రయంగా చేసుకున్నవాళ్లు దేశాన్ని స్వాస్థ్యంగా పొందుతారు,నా పవిత్ర పర్వతాన్ని స్వాధీనం చేసుకుంటారు.+
14 అప్పుడు ఇలా అంటారు: ‘ఎత్తు చేయండి, దారిని ఎత్తు చేయండి! మార్గాన్ని సిద్ధం చేయండి!+
నా ప్రజల దారిలో ఉన్న అడ్డంకులన్నీ తీసేయండి.’ ”
15 ఎందుకంటే మహా ఘనుడు, ఉన్నతుడు,నిరంతరం జీవిస్తూ ఉండే* దేవుడు,+ పవిత్రమైన పేరు ఉన్న దేవుడు+ ఇలా అంటున్నాడు:
“నేను ఎత్తైన, పవిత్ర స్థలంలో నివసిస్తాను,+అయితే నలిగిపోయిన వాళ్లతో, దీనమనస్సు గలవాళ్లతో కూడా నివసిస్తూదీనుల ప్రాణాలు తెప్పరిల్లేలా చేస్తాను,నలిగిపోయిన వాళ్ల హృదయాలకు నూతనోత్తేజాన్ని ఇస్తాను.+
16 నేను నిరంతరం వాళ్లను వ్యతిరేకిస్తూ ఉండను,లేదా ఎల్లకాలం వాళ్లమీద కోపం ఉంచుకోను;+ఎందుకంటే నావల్ల మనిషి జీవశక్తి* క్షీణిస్తుంది,+నేను సృష్టించిన శ్వాసించే ప్రాణులు బలహీనమౌతాయి.
17 అతను అక్రమ లాభం కోసం పరుగులు తీస్తూ పాపం చేయడం+ చూసి నాకు చాలా కోపమొచ్చింది,అందుకే నేనతన్ని కొట్టాను, నా ముఖం దాచుకున్నాను, నాకు చాలా కోపమొచ్చింది.
అయినాసరే అతను తన హృదయం నడిపించిన దారిలోనే నడుస్తూ భ్రష్టుడిలా ప్రవర్తిస్తూ వచ్చాడు.+
18 నేను అతని మార్గాల్ని చూశాను,అయితే నేనతన్ని బాగుచేస్తాను,+ ముందుండి అతన్ని నడిపిస్తాను,+అతనికీ, దుఃఖిస్తున్న అతని వాళ్లకూ+ మళ్లీ ఊరటనిస్తాను.”*+
19 “నేనే పెదాల మీద స్తుతించే మాటలు పెడుతున్నాను.
దూరంగా ఉన్నవాళ్లకు, దగ్గరగా ఉన్నవాళ్లకు ఎప్పుడూ శాంతిని దయచేస్తాను,+నేనే అతన్ని బాగుచేస్తాను” అని యెహోవా అంటున్నాడు.
20 “అయితే దుష్టులు, అల్లకల్లోలంగా ఉండి నిమ్మళించని సముద్రంలా ఉంటారు,దానిలోని నీళ్లు నాచును, బురదను పైకి ఎగదోస్తూ ఉంటాయి.
21 దుష్టులకు మనశ్శాంతి ఉండదు”+ అని నా దేవుడు చెప్తున్నాడు.
అధస్సూచీలు
^ లేదా “నుండి” అయ్యుంటుంది.
^ అంటే, చనిపోతున్నారు.
^ అంటే, సమాధిలో.
^ లేదా “వాగుల్లో.”
^ లేదా “నన్ను నేను ఊరడించుకోవాలా?”
^ లేదా “వాగుల్లోని.”
^ అబద్ధ ఆరాధనలో పురుషాంగం ప్రతిమల్ని ఉపయోగించడాన్ని సూచిస్తుండవచ్చు.
^ లేదా “రాజు” అయ్యుంటుంది.
^ అక్ష., “అలసిపోవట్లేదు.”
^ లేదా “విషయాల్ని దాచిపెట్టాను.”
^ లేదా “నిత్య నివాసియైన.”
^ పదకోశంలో “రూ-ఆహ్‌; న్యూమా” చూడండి.
^ లేదా “ఊరటనిచ్చి పరిహారం చెల్లిస్తాను.”
