యెషయా 5:1-30

  • యెహోవా ద్రాక్షతోట గురించిన పాట (1-7)

  • యెహోవా ద్రాక్షతోటకు శ్రమలు (8-24)

  • తన ప్రజల మీద దేవుని కోపం (25-30)

5  నా ప్రియుడి కోసం నేనొక పాట ​పాడతాను,నా ప్రియుడి గురించి, అతని ద్రాక్షతోట+ గురించి ఒక పాట ​పాడతాను. ఫలవంతమైన కొండ ప్రాంతంలో నా ప్రియుడికి ఒక ద్రాక్షతోట ఉండేది.   అతను నేలను తవ్వి రాళ్లను తీసి ​పారేశాడు. శ్రేష్ఠమైన ఎర్ర ద్రాక్షతీగల్ని అందులో నాటాడు,దాని మధ్యలో ఒక బురుజు కట్టాడు,ద్రాక్షతొట్టి తొలిచాడు.+ తర్వాత అతను ద్రాక్షకాయలు కాస్తాయని ఎదురుచూస్తూ ఉన్నాడు,కానీ అది పనికిరాని ద్రాక్షల్ని మాత్రమే కాసింది.+   “యెరూషలేము నివాసులారా, యూదా ప్రజలారా,దయచేసి ఇప్పుడు నాకు, నా ​ద్రాక్షతోటకు మధ్య న్యాయం తీర్చండి.+   ఇప్పటివరకు నేను నా ద్రాక్షతోటకు చేయనిది,ఇంకా చేయాల్సింది ఏదైనా ఉందా?+ మరైతే, నేను ద్రాక్షల కోసం ఎదురుచూసినప్పుడుఅది అడవి ద్రాక్షల్ని మాత్రమే ఎందుకు కాసింది?   ఇప్పుడు నేను నా ద్రాక్షతోటకు ఏం చేస్తానోదయచేసి మీకు చెప్పనివ్వండి: నేను దాని కంచెను తీసేస్తాను,అది కాల్చేయబడుతుంది.+ నేను దాని రాతిగోడను కూలగొడతాను,అది తొక్కబడుతుంది.   నేను దాన్ని పాడుబడ్డ భూమిగా చేస్తాను;+దాని కొమ్మల్ని ఎవరూ కత్తిరించరు, పారతో దాన్ని తవ్వరు. ముళ్లపొదలు, కలుపు మొక్కలు అందులో ఏపుగా  పెరుగుతాయి.+దానిమీద వర్షం కురిపించొద్దని నేను మేఘాలకు ఆజ్ఞాపిస్తాను.+   ఇశ్రాయేలు ఇంటివాళ్లే సైన్యాలకు ​అధిపతైన యెహోవా ద్రాక్షతోట;+యూదా ప్రజలు ఆయనకు బాగా నచ్చిన మొక్కలు. ఆయన న్యాయం కోసం చూస్తూ వచ్చాడు,+కానీ అన్యాయమే కనిపించింది!నీతి కోసం చూస్తూ వచ్చాడు,కానీ రోదనే వినిపించింది!”+   దేశంలో మీరు మాత్రమే నివసించేలా,స్థలం అనేదే మిగలకుండా పోయేవరకుఒక ఇంటి తర్వాత ఇంకో ఇంటిని ​ఆక్రమిస్తూ ఒక పొలానికి ఇంకో పొలాన్ని కలుపుకుంటూ+ పోతున్న మీకు శ్రమ!+   సైన్యాలకు అధిపతైన యెహోవా ఇలా ప్రమాణం చేయడం నేను విన్నాను:గొప్పగా, అందంగా ఉన్న చాలా ఇళ్లు పాడైపోతాయి;వాటిని చూసి ప్రజలు జడుసుకుంటారు,వాటిలో ఒక్కరు కూడా నివసించరు.+ 10  పది ఎకరాల* ద్రాక్షతోట నుండి ఒక్క బాత్‌ కొలత* ద్రాక్షారసమే వస్తుంది;ఒక హోమర్‌ కొలత* విత్తనాలు నాటితే, ఒక్క ఈఫా* ధాన్యమే పండుతుంది.+ 11  మద్యం తాగాలని పొద్దున్నే లేచేవాళ్లకు శ్రమ!+మత్తెక్కేలా చాలా రాత్రి వరకు మద్యం తాగుతూ ఉండేవాళ్లకు శ్రమ! 12  వాళ్ల విందుల్లో వీణ,* తంతివాద్యం,కంజీర,* పిల్లనగ్రోవి,* ద్రాక్షారసం ఉంటాయి;కానీ వాళ్లు యెహోవా కార్యాల గురించి ఆలోచించరు,ఆయన చేతి పనుల్ని చూడరు. 13  కాబట్టి నా ప్రజలు చెరలోకి వెళ్తారు,ఎందుకంటే వాళ్లకు జ్ఞానం లేదు;+వాళ్ల ఘనులు ఆకలితో బాధపడతారు,+వాళ్ల ప్రజలందరు దాహంతో ఎండి​పోతారు. 14  కాబట్టి సమాధి* పెద్దదిగా తయారైందిఅది అపరిమితంగా నోరు తెరిచింది;+దాని వైభవం,* దాని సమూహాలు, దాని అల్లరి, అలాగే ఉత్సాహధ్వనిఅందులోకి దిగిపోతాయి. 15  మనిషి అణచివేయబడతాడు,అతను తగ్గించబడతాడు,గర్విష్ఠుల తలలు వంచబడతాయి. 16  సైన్యాలకు అధిపతైన యెహోవా తన తీర్పు* ద్వారా హెచ్చించబడతాడు;సత్యదేవుడు, పవిత్రుడైన దేవుడు+ నీతి+ ద్వారా తనను తాను పవిత్రపర్చు​కుంటాడు. 17  గొర్రెపిల్లలు తమ పచ్చికబయళ్లలో ​మేసినట్టు అక్కడ మేస్తాయి;బాగా మేపబడిన జంతువులు ఒకప్పుడు మేసిన నిర్జన ప్రదేశాల్లో పరదేశులు ఆహారం తింటారు. 18  మోసమనే తాళ్లతో తమ దోషాన్ని,బండి తాళ్లతో తమ పాపాన్ని లాగేవాళ్లకు శ్రమ; 19  వాళ్లు ఇలా అంటారు: “ఆయన్ని తన పనిని వేగవంతం చేయనివ్వండి;మనం చూడగలిగేలా అది త్వరగా ​జరగాలి. ఇశ్రాయేలు పవిత్ర దేవుని సంకల్పం* నెరవేరాలి,అప్పుడు మనం దాన్ని తెలుసుకోవచ్చు!”+ 20  మంచిని చెడు అని, చెడును మంచి అని చెప్పేవాళ్లకు,+వెలుగు స్థానంలో చీకటిని, చీకటి స్థానంలో వెలుగును ఉంచేవాళ్లకు,తీపి స్థానంలో చేదును, చేదు స్థానంలో తీపిని పెట్టేవాళ్లకు శ్రమ! 21  తాము తెలివిగల వాళ్లమని,బుద్ధిగల వాళ్లమని అనుకునేవాళ్లకు+ శ్రమ! 22  మద్యం తాగే విషయంలో వీరులుగా ఉన్నవాళ్లకు,మద్యపానీయాలు కలపడంలో నిపుణులైన వాళ్లకు+ శ్రమ! 23  లంచం తీసుకొని దుష్టుణ్ణి విడిచిపెట్టే వాళ్లకు,+నీతిమంతులకు న్యాయం చేయని వాళ్లకు శ్రమ!+ 24  అగ్ని కొయ్యకాలును* కాల్చేసినట్టు,ఎండుగడ్డి మంటల్లో కాలిపోయినట్టు,వాళ్ల వేరు కుళ్లిపోతుంది,వాళ్ల పూలు ధూళిలా చెదిరిపోతాయి;ఎందుకంటే వాళ్లు సైన్యాలకు అధిపతైన యెహోవా ధర్మశాస్త్రాన్ని* తిరస్క​రించారు,ఇశ్రాయేలు పవిత్ర దేవుని మాటను ​అగౌరవపర్చారు.+ 25  అందుకే యెహోవా కోపం ఆయన ప్రజల మీద రగులుకుంటుంది,ఆయన తన చేతిని వాళ్లకు వ్యతిరేకంగా చాపి వాళ్లను శిక్షిస్తాడు.+ పర్వతాలు కంపిస్తాయి,వాళ్ల శవాలు వీధుల్లో పెంటలా పడి​వుంటాయి.+ ఇంత జరిగినా ఆయన కోపం ​చల్లారలేదు,వాళ్లను శిక్షించడానికి ఆయన చెయ్యి ఇంకా చాపబడే ఉంది. 26  దూర దేశాన్ని+ పిలవడానికి ఆయన ఒక ధ్వజాన్ని* నిలబెట్టాడు;భూమి కొనల నుండి వాళ్లను ​రప్పించడానికి ఆయన ఈల వేశాడు;+ఇదిగో! వాళ్లు శరవేగంతో దూసుకొస్తున్నారు.+ 27  వాళ్లలో ఎవరూ అలసిపోలేదు, ఎవరూ తడబడడం లేదు. ఎవరూ మగతగా లేరు, ఎవరూ ​నిద్రపోరు. వాళ్ల నడుము చుట్టూ ఉన్న దట్టీ ఇంకా బిగించే ఉంది,వాళ్ల చెప్పుల తాళ్లు తెగిపోలేదు. 28  వాళ్ల బాణాలన్నీ వాడిగలవి,వాళ్ల విల్లులన్నీ ఎక్కుపెట్టి ఉన్నాయి. వాళ్ల గుర్రాల డెక్కలు చెకుముకి రాళ్లలా ఉన్నాయి,వాళ్ల చక్రాలు సుడిగాలిలా ఉన్నాయి.+ 29  వాళ్ల గర్జన సింహగర్జనలా ఉంది;వాళ్లు కొదమ సింహాల్లా గర్జిస్తారు.+ వాళ్లు గుర్రుమంటూ తమ వేటను ​పట్టుకుంటారు,దాన్ని లాక్కెళ్తున్నప్పుడు విడిపించేవాళ్లు ఎవరూ ఉండరు. 30  ఆ రోజున సముద్రం ఘోషించినట్టు+వాళ్లు దాన్ని చూసి గర్జిస్తారు. ఎవరైనా దేశాన్ని చూసినప్పుడు దుఃఖం, అంధకారం కనిపిస్తాయి;మేఘాల వల్ల చివరికి వెలుగు కూడా చీకటైపోయింది.+

అధస్సూచీలు

అక్ష., “పది జతల.” అంటే, పది జతల ఎద్దులు ఒక రోజులో దున్నేంత భూమి.
అనుబంధం B14 చూడండి.
అనుబంధం B14 చూడండి.
అనుబంధం B14 చూడండి.
ఇది ప్రాచీనకాల తంతివాద్యం; ఇప్పటి వీణలాంటిది కాదు.
అంటే, గిలకల తప్పెట.
అంటే, ఫ్లూటు.
లేదా “షియోల్‌,” అంటే మానవజాతి సాధారణ సమాధి. పదకోశం చూడండి.
లేదా “ప్రముఖులు.”
లేదా “న్యాయం.”
లేదా “నిర్ణయం; ఆలోచన.”
పంట కోసిన తర్వాత నేలమీద మిగిలే కాడల దుబ్బు.
లేదా “ఉపదేశాన్ని.”
లేదా “ధ్వజ​స్తంభాన్ని.”