యెషయా 1:1-31
1 ఉజ్జియా,+ యోతాము,+ ఆహాజు,+ హిజ్కియా+ రాజులు యూదాను పరిపాలించిన రోజుల్లో+ యూదా గురించి, యెరూషలేము గురించి ఆమోజు కుమారుడైన యెషయా* చూసిన దర్శనం:+
2 ఆకాశమా, విను! భూమీ, ఆలకించు!+యెహోవా ఇలా అంటున్నాడు:
“నేను కుమారుల్ని పెంచి పెద్ద చేశాను,+కానీ వాళ్లు నాకు ఎదురుతిరిగారు.+
3 ఎద్దుకు తన యజమాని తెలుసు,గాడిదకు తన యజమాని మేత పెట్టే చోటు తెలుసు;కానీ ఇశ్రాయేలుకు నేను* తెలీదు,+నా సొంత ప్రజలు అవగాహన లేకుండా ప్రవర్తిస్తున్నారు.”
4 పాపిష్ఠి జనమా, మీకు శ్రమ,+మీ దోషం చాలా బరువుగా ఉంది,మీరు దుష్ట సంతానం, నాశనకరమైన పిల్లలు!
మీరు యెహోవాను విడిచిపెట్టేశారు;+ఇశ్రాయేలు పవిత్ర దేవుణ్ణి అవమానించారు;ఆయన్ని విడిచి వెళ్లిపోయారు.
5 మీరు ఇంకా తిరుగుబాటు చేస్తూ ఉంటే, ఈసారి మిమ్మల్ని ఎక్కడ కొట్టాలి?+
మీ తల అంతా రోగంతో నిండిపోయింది,గుండె అంతటికీ వ్యాధి సోకింది.+
6 అరికాలి నుండి నడినెత్తి వరకు ఏదీ ఆరోగ్యంగా లేదు.
ఎక్కడ చూసినా గాయాలు, దెబ్బలు, పచ్చిపుండ్లే.ఎవరూ వాటికి చికిత్స చేయలేదు,* కట్టు కట్టలేదు, నూనె రాయలేదు.+
7 మీ దేశం నిర్మానుష్యం అయింది.
మీ నగరాలు అగ్నితో కాల్చేయబడ్డాయి.
పరదేశులు మీ కళ్లముందే మీ దేశాన్ని మింగేస్తున్నారు.+
అది పరదేశులు నాశనం చేసిన పనికిరాని భూమిలా తయారైంది.+
8 సీయోను కూతురు ద్రాక్షతోటలోని మంచెలా,*దోసకాయ పొలంలోని గుడిసెలా,ముట్టడి వేయబడిన నగరంలా వదిలేయబడింది.+
9 సైన్యాలకు అధిపతైన యెహోవా మనలో కొంతమందిని మిగల్చకపోయి ఉంటే,మనం అచ్చం సొదొమలా అవ్వాల్సిన వాళ్లం,గొమొర్రాలా ఉండేవాళ్లం.+
10 సొదొమ+ నియంతలారా,* యెహోవా చెప్పే మాట వినండి,
గొమొర్రా ప్రజలారా,+ మన దేవుని ధర్మశాస్త్రాన్ని* ఆలకించండి.
11 “మీరు అర్పించే బలులన్నీ నాకెందుకు?”+ అని యెహోవా అంటున్నాడు.
“మీ దహనబలి పొట్టేళ్ల+ మీద, బాగా మేపిన జంతువుల కొవ్వు+ మీద నాకు విరక్తి కలిగింది;కోడెదూడల+ రక్తం,+ గొర్రెపిల్లల రక్తం, మేకల+ రక్తం నన్ను సంతోషపెట్టవు.
12 నా సన్నిధిలో కనిపించడానికి+ రమ్మని,ఇలా నా ఆలయ ప్రాంగణాల్ని తొక్కమనిమిమ్మల్ని ఎవరు అడిగారు?+
13 పనికిరాని ధాన్యార్పణల్ని తేవడం ఇక ఆపేయండి.
మీ ధూపం నాకు అసహ్యం.+
మీరు అమావాస్య రోజుల్ని,+ విశ్రాంతి రోజుల్ని*+ ఆచరిస్తారు; సమావేశాల కోసం చాటింపు+ వేస్తారు.మీరు ఒకవైపు ప్రత్యేక సమావేశం ఏర్పాటు చేస్తూనే మరోవైపు ఇంద్రజాల శక్తిని ఉపయోగించడం నేను సహించలేను.+
14 మీ అమావాస్య రోజులు, పండుగలు అంటే నాకు అసహ్యం.
అవి నాకు భారంగా తయారయ్యాయి;వాటిని మోసీ మోసీ నేను అలసిపోయాను.
15 మీరు ప్రార్థించడానికి చేతులు చాపినప్పుడు,నేను నా కళ్లను పక్కకు తిప్పుకుంటాను.+
మీరు ఎన్నో ప్రార్థనలు చేస్తున్నా,+నేను వినట్లేదు;+మీ చేతుల నిండా రక్తమే.+
16 మిమ్మల్ని మీరు కడుక్కొని శుభ్రం చేసుకోండి;మీ దుష్ట పనుల్ని నా కళ్లముందు నుండి తీసేయండి;చెడు చేయడం మానండి.+
17 మంచి చేయడం నేర్చుకోండి, న్యాయం జరిగించండి,+అణచివేసే వాళ్లను సరిదిద్దండి,తండ్రిలేని పిల్లల* హక్కుల్ని కాపాడండి,విధవరాళ్ల పక్షాన వాదించండి.”+
18 “రండి, మన మధ్య ఉన్న వివాదాన్ని పరిష్కరించుకుందాం” అని యెహోవా అంటున్నాడు.+“మీ పాపాలు రక్తంలా ఎర్రగా ఉన్నా,మంచు అంత తెల్లగా అవుతాయి;+అవి ముదురు ఎరుపు రంగులో ఉన్నా,
ఉన్ని అంత తెల్లగా అవుతాయి.
19 మీరు వినడానికి సిద్ధంగా ఉంటే,దేశంలోని మంచివాటిని తింటారు.+
20 కానీ మీరు ఒప్పుకోకుండా తిరుగుబాటు చేస్తే,ఖడ్గం మిమ్మల్ని హతం చేస్తుంది;+ఎందుకంటే ఈ మాట యెహోవా నోటి నుండి వచ్చింది.”
21 నమ్మకమైన నగరం+ ఎలా వేశ్య అయిందో చూడండి!ఒకప్పుడు ఆమె న్యాయంతో నిండి ఉండేది;+నీతి ఆమెలో నివసించేది;+
కానీ ఇప్పుడు హంతకులు నివసిస్తున్నారు.+
22 నీ వెండి మష్టులా తయారైంది,+నీ మద్యం* నీళ్లు కలిసి పలుచబడింది.
23 నీ అధిపతులు మొండివాళ్లు, దొంగలకు జతగాళ్లు.+
లంచం అంటే వాళ్లకు మహా ఇష్టం, వాళ్లు బహుమతుల వెనక పరుగులు తీస్తారు.+
తండ్రిలేని పిల్లలకు* వాళ్లు న్యాయం చేయరు,విధవరాలి వ్యాజ్యం వాళ్లదాకా వెళ్లనే వెళ్లదు.+
24 కాబట్టి నిజమైన ప్రభువూ సైన్యాలకు అధిపతీఇశ్రాయేలు శక్తిమంతుడూ అయిన యెహోవా ఇలా చెప్తున్నాడు:
“ఇదిగో! నేను నా విరోధుల అడ్డు తొలగించుకుంటాను,నా శత్రువుల మీద ప్రతీకారం తీర్చుకుంటాను.+
25 నా చేతిని నీకు వ్యతిరేకంగా తిప్పుతాను,సబ్బుతో కడిగినట్టు నీ మష్టును కడిగేస్తాను,*
నీ మలినాలన్నీ తీసేస్తాను.+
26 మొదట్లోలాగే నీకు మళ్లీ న్యాయమూర్తుల్ని ఇస్తాను,అప్పటిలాగే నీకు సలహాదారుల్ని ఇస్తాను.+
ఆ తర్వాత నువ్వు నీతిగల నగరం అని, నమ్మకమైన పట్టణం అని పిలవబడతావు.+
27 సీయోను న్యాయం వల్ల విడిపించబడుతుంది,+తిరిగొచ్చే ఆమె ప్రజలు నీతి వల్ల విడిపించబడతారు.
28 తిరుగుబాటుదారులు, పాపులు కలిసి నాశనమౌతారు,+యెహోవాను విడిచిపెట్టే వాళ్లు అంతమౌతారు.+
29 నువ్వు ఆశించిన మహావృక్షాల్ని+ బట్టి ప్రజలు సిగ్గుపడతారు,నువ్వు ఎంచుకున్న తోటల్ని*+ బట్టి నువ్వు అవమానాలపాలు అవుతావు.
30 నువ్వు ఆకులు వాడిపోతున్న చెట్టులా,+నీళ్లులేని తోటలా తయారౌతావు.
31 బలవంతుడు నారపీచు* అవుతాడు,అతని పని నిప్పురవ్వ అవుతుంది.అతనూ అతని పనీ మంటల్లో కాలిపోతాయి,ఆ మంటల్ని ఆర్పేవాళ్లు ఎవరూ ఉండరు.”
అధస్సూచీలు
^ “యెహోవా ఇచ్చే రక్షణ” అని అర్థం.
^ లేదా “దాని యజమాని.”
^ అక్ష., “వాటిని పిండలేదు.”
^ లేదా “పర్ణశాలలా; పాకలా.”
^ లేదా “పాలకులారా.”
^ లేదా “ఉపదేశాన్ని.”
^ లేదా “సబ్బాతు రోజుల్ని.”
^ లేదా “అనాథల.”
^ లేదా “గోధుమలతో తయారైన మద్యం.”
^ లేదా “అనాథలకు.”
^ లేదా “కరిగించేస్తాను.”
^ విగ్రహపూజకు సంబంధించిన వృక్షాలు, తోటలు అని తెలుస్తోంది.
^ మండే గుణం ఉన్న దారం లాంటి పోగు.
