పరమగీతం 4:1-16
4 “నా ప్రియురాలా, నువ్వు ఎంత అందంగా ఉన్నావు!
నువ్వు సౌందర్యవతివి!
మేలిముసుగు వెనక నీ కళ్లు పావురం కళ్లలా ఉన్నాయి.నీ కురులు గిలాదు కొండల మీదుగా కిందికి దూకుతున్న మేకల మందలా ఉన్నాయి.+
2 నీ పళ్లు, అప్పుడే బొచ్చు కత్తిరించబడి, కడగబడిపైకి వస్తున్న గొర్రెల మందలా ఉన్నాయి;అవి ఒక్కటి కూడా తప్పిపోని కవల పిల్లల్లా ఉన్నాయి.
3 నీ పెదాలు ముదురు ఎరుపు దారంలా ఉన్నాయి,నీ మాటలు మనోహరంగా ఉన్నాయి.
మేలిముసుగు వెనక నీ చెంపలు దానిమ్మ ముక్కలా మెరిసిపోతున్నాయి.
4 నీ మెడ,+ రాళ్ల వరుసలతో కట్టిన దావీదు గోపురంలా ఉంది,+దానిమీద వెయ్యి డాళ్లు వేలాడుతున్నాయి,అవన్నీ యోధుల డాళ్లే.*+
5 నీ రెండు స్తనాలు రెండు జింకపిల్లల్లా,లిల్లీ పువ్వుల మధ్య మేత మేస్తున్నకొండజింక కవల పిల్లల్లా ఉన్నాయి.”+
6 “పిల్లగాలులు వీచే లోపు, నీడలు కనుమరుగయ్యే లోపునేను బోళపు పర్వతం దగ్గరికి,సాంబ్రాణి కొండ+ దగ్గరికి వెళ్తాను.”
7 “నా ప్రియసఖీ, నువ్వు పరిపూర్ణ సౌందర్యవతివి,+నీలో ఏ లోపం లేదు.
8 నా వధువా, లెబానోను నుండి నాతో వచ్చేయి,లెబానోను+ నుండి నాతో వచ్చేయి.
అమాన* శిఖరం నుండి,శెనీరు శిఖరం నుండి, హెర్మోను+ శిఖరం నుండి,సింహాల విశ్రాంతి స్థలాల నుండి, చిరుతపులుల పర్వతాల నుండి దిగిరా.
9 నా ప్రేయసీ, నా పెళ్లికూతురా, నువ్వు నా మనసు దోచుకున్నావు.+ఒకే చూపుతో, నీ హారంలోని ఒకే ఒక్క పూసతో నా మనసు దోచుకున్నావు.
10 నా ప్రేయసీ, నా పెళ్లికూతురా, నీ ప్రేమానురాగాలు ఎంత మధురమైనవి!+
అవి ద్రాక్షారసం కన్నా ఎంతో శ్రేష్ఠమైనవి,+నీ పరిమళ తైలం సువాసన సుగంధ ద్రవ్యాల సువాసన+ కన్నా ఎంతో గొప్పది!
11 నా వధువా, నీ పెదాలు తేనెలొలుకుతున్నాయి.+
నీ నాలుక కింద పాలుతేనెలు ఉన్నాయి,+నీ వస్త్రాల పరిమళం లెబానోను పరిమళంలా ఉంది.
12 నా ప్రేయసి, నా పెళ్లికూతురు చుట్టూ కంచె వేయబడిన తోటలా ఉంది,ఆమె కంచె వేసిన తోట, మూయబడిన ఊట.
13 నీ కొమ్మలు* శ్రేష్ఠమైన పండ్లు గల దానిమ్మ తోట;*అందులో గోరింట చెట్లు, జటామాంసి చెట్లు,
14 జటామాంసి,+ కుంకుమ పువ్వు, వస,*+ దాల్చిన చెక్క,+అన్నిరకాల సాంబ్రాణి చెట్లు, బోళం, అగరు మొక్కలు,+అతి శ్రేష్ఠమైన పరిమళ మొక్కలు+ ఉన్నాయి.
15 నువ్వు తోటలోని ఊట లాంటి దానివి,మంచినీటి బావి లాంటి దానివి,
లెబానోను నీటి ప్రవాహాల+ లాంటి దానివి.
16 ఉత్తర గాలీ, మేలుకో;దక్షిణ గాలీ, రా.
వచ్చి నా తోట మీద మృదువుగా వీచు.
దాని పరిమళం అంతటా వ్యాపింపజేయి.”
“నా ప్రియుడు తన తోటలోకి వచ్చి,దాని శ్రేష్ఠమైన పండ్లు తినాలి.”
అధస్సూచీలు
^ లేదా “గుండ్రటి డాళ్లే.”
^ లేదా “లెబానోను పర్వతశ్రేణికి ఎదురుగా ఉన్న పర్వతాలు.”
^ లేదా “చర్మం” అయ్యుంటుంది.
^ లేదా “పరదైసు.”
^ ఒక సువాసన మొక్క.
