కీర్తనలు 99:1-9
99 యెహోవా రాజయ్యాడు.+ దేశదేశాల ప్రజలు వణకాలి.
ఆయన కెరూబుల పైన* సింహాసనంలో కూర్చొని ఉన్నాడు.+ భూమి కంపించాలి.
2 సీయోనులో యెహోవా గొప్పవాడు,దేశదేశాల ప్రజలందరి మీద ఆయన ఉన్నతంగా ఉన్నాడు.+
3 వాళ్లు నీ గొప్ప పేరును స్తుతించాలి,+ఎందుకంటే అది సంభ్రమాశ్చర్యాలు పుట్టిస్తుంది, పవిత్రమైనది.
4 ఆయన గొప్పశక్తి గల రాజు, ఆయన న్యాయాన్ని ప్రేమిస్తాడు.
నువ్వు సరైనదాన్ని సుస్థిరం చేశావు.
యాకోబులో నీతిన్యాయాలు జరిగించావు.+
5 మన దేవుడైన యెహోవాను ఘనపర్చండి,+ ఆయన పాదపీఠం దగ్గర వంగి నమస్కారం చేయండి;*+ఆయన పవిత్రుడు.+
6 ఆయన యాజకుల్లో మోషే అహరోనులు ఉన్నారు,+ఆయన పేరున ప్రార్థించే వాళ్లలో సమూయేలు ఉన్నాడు.+
వాళ్లు యెహోవాకు ప్రార్థించేవాళ్లు,ఆయన వాళ్లకు జవాబిచ్చేవాడు.+
7 ఆయన మేఘస్తంభం నుండి వాళ్లతో మాట్లాడేవాడు.+
ఆయన జ్ఞాపికల్ని, ఆయన తమకిచ్చిన ఆదేశాన్ని వాళ్లు పాటించారు.+
8 యెహోవా, మా దేవా, నువ్వు వాళ్లకు జవాబిచ్చావు.+
నువ్వు వాళ్ల తప్పుల్ని క్షమించావు,+కానీ వాళ్లు చేసిన పాపపు పనుల్ని బట్టి వాళ్లను శిక్షించావు.*+
9 మన దేవుడైన యెహోవాను ఘనపర్చండి,ఆయన పవిత్ర పర్వతం+ ముందు వంగి నమస్కారం చేయండి,*ఎందుకంటే మన దేవుడైన యెహోవా పవిత్రుడు.+
అధస్సూచీలు
^ లేదా “మధ్య” అయ్యుంటుంది.
^ లేదా “ఆరాధించండి.”
^ అక్ష., “వాళ్లమీద ప్రతీకారం తీర్చుకున్నావు.”
^ లేదా “ఆరాధించండి.”
