కీర్తనలు 8:1-9
సంగీత నిర్దేశకునికి సూచన; గిత్తీత్‌* అనే రాగంలో పాడాలి. దావీదు శ్రావ్యగీతం.
8 యెహోవా, మా ప్రభువా, భూమంతటా నీ పేరు ఎంత ఘనమైనది!నువ్వు నీ మహిమను ఆకాశం కన్నా ఎత్తుగా ఉంచావు!*+
2 శత్రువు నోటిని, పగతీర్చుకునేవాడి నోటిని మూయించడానికినువ్వు పిల్లల, చంటిబిడ్డల నోటి నుండి వచ్చే మాటల+ ద్వారానీ శత్రువులకు నీ బలాన్ని చూపించావు.
3 నేను నీ చేతి* పని అయిన నీ ఆకాశాన్ని,నువ్వు చేసిన చంద్రుణ్ణి, నక్షత్రాల్ని+ చూసినప్పుడు నాకు ఇలా అనిపిస్తుంది:
4 నువ్వు గుర్తుంచుకోవడానికి మనిషి ఎంతటివాడు?నువ్వు శ్రద్ధ చూపించడానికి మనిషికి పుట్టినవాడు ఎంతటివాడు?+
5 నువ్వు అతన్ని దేవదూతల* కన్నా కాస్త తక్కువవాడిగా చేశావు,మహిమ, వైభవాల్ని అతనికి కిరీటంలా పెట్టావు.
6 నీ చేతులతో చేసినవాటి మీద అతనికి అధికారం ఇచ్చావు;+సమస్తాన్ని అతని పాదాల కింద ఉంచావు:
7 మందల్ని, పశువుల్ని,అడవి జంతువుల్ని,+
8 ఆకాశ పక్షుల్ని, సముద్రంలోని చేపల్ని,సముద్రాల్లో తిరిగే ప్రతీదాన్ని అతని పాదాల కింద ఉంచావు.
9 యెహోవా, మా ప్రభువా, భూమంతటా నీ పేరు ఎంత ఘనమైనది!
అధస్సూచీలు
^ లేదా “నీ మహిమ గురించి ఆకాశం పైన చెప్పుకుంటారు” అయ్యుంటుంది.
^ అక్ష., “చేతివేళ్ల.”
^ లేదా “దేవునిలాంటి వాళ్ల.”
