కీర్తనలు 78:1-72
మాస్కిల్.* ఆసాపు+ కీర్తన.
78 నా ప్రజలారా, నా ఉపదేశం* వినండి;నా నోటి మాటలు ఆలకించండి.
2 నేను నోరు తెరిచి సామెత చెప్తాను.
చాలాకాలం కిందటి పొడుపు కథలు చెప్తాను.+
3 మేము విన్న, మాకు తెలిసిన,మా తండ్రులు మాకు చెప్పిన సంగతుల్ని+
4 మేము వాళ్ల సంతానానికి చెప్పకుండా ఉండం;యెహోవా స్తుతిపాత్రమైన కార్యాల్ని, ఆయన బలాన్ని,ఆయన చేసిన అద్భుతమైన కార్యాల్ని+రాబోయే తరానికి చెప్తాం.+
5 ఆయన యాకోబులో ఒక జ్ఞాపికను పెట్టాడు,ఇశ్రాయేలులో ధర్మశాస్త్రాన్ని నియమించాడు;ఈ విషయాల్ని తమ పిల్లలకు తెలియజేయమనిమన పూర్వీకులకు ఆజ్ఞాపించాడు.+
6 అప్పుడు తర్వాతి తరంవాళ్లు,పుట్టబోయేవాళ్లు వాటిని తెలుసుకుంటారు.+
వాళ్లు వాళ్ల పిల్లలకు వాటిని చెప్తారు.+
7 దానివల్ల వాళ్లు దేవుని మీద నమ్మకం ఉంచుతారు.
దేవుని కార్యాల్ని మర్చిపోకుండా ఉంటారు,+ఆయన ఆజ్ఞల్ని పాటిస్తారు.+
8 అప్పుడు వాళ్లు తమ పూర్వీకుల్లా తయారవ్వకుండా ఉంటారు.వాళ్ల పూర్వీకులు మొండివాళ్లు, తిరుగుబాటుదారులు,+వాళ్ల హృదయానికి నిలకడలేదు,*+వాళ్లు దేవునికి నమ్మకంగా లేరు.
9 ఎఫ్రాయిమీయులు విల్లును ధరించారు,కానీ వాళ్లు యుద్ధ భూమి నుండి పారిపోయారు.
10 వాళ్లు దేవుని ఒప్పందానికి కట్టుబడి ఉండలేదు,+ఆయన ధర్మశాస్త్రానికి లోబడలేదు.+
11 అంతేకాదు వాళ్లు దేవుని కార్యాల్ని,ఆయన వాళ్లకు చూపించిన ఆశ్చర్యకార్యాల్ని* మర్చిపోయారు.+
12 ఆయన ఐగుప్తు దేశంలో, సోయను+ ప్రాంతంలోవాళ్ల పూర్వీకుల కళ్లముందు ఆశ్చర్యకార్యాలు చేశాడు.+
13 వాళ్లు నడిచివెళ్లేలా సముద్రాన్ని పాయలు చేశాడు,నీళ్లను ఆనకట్టలా* నిలబెట్టాడు.+
14 పగలు మేఘంతో,రాత్రంతా అగ్ని వెలుగుతో వాళ్లను నడిపించాడు.+
15 ఎడారిలో బండల్ని చీల్చివాళ్లు తృప్తిగా తాగేలా సముద్రమంత సమృద్ధిగా నీళ్లు ఇచ్చాడు.+
16 బండ నుండి ప్రవాహాల్ని రప్పించినీళ్లు నదుల్లా పారేటట్టు చేశాడు.+
17 కానీ వాళ్లు ఎడారిలో సర్వోన్నతుని మీద తిరుగుబాటుచేసి+ఆయనకు వ్యతిరేకంగా పాపం చేస్తూ వచ్చారు;
18 తాము ఎంతగానో కోరుకున్న ఆహారం కోసం పట్టుబడుతూ,తమ హృదయాల్లో దేవుణ్ణి పరీక్షించారు.*+
19 “దేవుడు మాకోసం ఈ ఎడారిలో భోజనం పెట్టగలడా?”*అంటూ దేవునికి వ్యతిరేకంగా మాట్లాడారు.+
20 ఇదిగో! నీళ్లు పారేలా, వాగులు ప్రవహించేలాబండను కొట్టింది ఆయనే.+
అయినా వాళ్లు, “ఆయన మనకు రొట్టెను ఇవ్వగలడా?తన ప్రజల కోసం మాంసాన్ని ఇవ్వగలడా?” అన్నారు.+
21 వాళ్ల మాటలు విన్నప్పుడు యెహోవాకు చాలా కోపం వచ్చింది;+యాకోబు మీద అగ్ని+ రగులుకుంది,ఇశ్రాయేలు మీద ఆయన కోపం మండింది.+
22 ఎందుకంటే వాళ్లు దేవుని మీద విశ్వాసం ఉంచలేదు;+ఆయన రక్షణ సామర్థ్యం మీద నమ్మకం ఉంచలేదు.
23 కాబట్టి ఆయన, పైనున్న ఆకాశ మేఘాలకు ఆజ్ఞ ఇచ్చి,ఆకాశ తలుపులు తెరిచాడు.
24 వాళ్లు తినడానికి మన్నా కురిపిస్తూ వచ్చాడు;ఆకాశ ధాన్యం వాళ్లకు ఇచ్చాడు.+
25 మనుషులు బలశాలుల*+ ఆహారం తిన్నారు;వాళ్లు తృప్తిగా తినేంత ఇచ్చాడు.+
26 ఆయన ఆకాశంలో తూర్పు గాలిని రేపాడుతన శక్తితో దక్షిణ గాలి వీచేలా చేశాడు.+
27 ఆయన ధూళి అంత విస్తారంగా మాంసాన్ని,సముద్ర తీరంలోని ఇసుక రేణువులంత విస్తారంగా పక్షుల్ని వాళ్లమీద కురిపించాడు.
28 అవి తన పాలెం మధ్యలో,తన డేరాల చుట్టూ పడేలా చేశాడు.
29 వాళ్లు పీకల దాకా తిన్నారు.వాళ్లు కోరుకున్నది ఆయన వాళ్లకిచ్చాడు.+
30 అయితే వాళ్ల కక్కుర్తి తీరకముందే,ఆహారం ఇంకా వాళ్ల నోట్లో ఉండగానే,
31 దేవుని కోపం వాళ్ల మీద రగులుకుంది.+
వాళ్లలోని అత్యంత బలిష్ఠుల్ని ఆయన చంపేశాడు;+ఇశ్రాయేలులోని యువకులు నేలకొరిగేలా చేశాడు.
32 ఇంత జరిగినా, వాళ్లు ఇంకా ఎక్కువగా పాపం చేస్తూ వచ్చారు,+ఆయన ఆశ్చర్యకార్యాల*+ మీద విశ్వాసం ఉంచలేదు.
33 దాంతో ఆయన, ఊపిరిలా వాళ్ల రోజుల్ని,ఆకస్మిక విపత్తులతో వాళ్ల సంవత్సరాల్ని ముగించాడు.+
34 కానీ ఆయన వాళ్లను చంపినప్పుడల్లా వాళ్లు ఆయన్ని వెదికేవాళ్లు;+వాళ్లు తిరిగొచ్చి దేవుని కోసం చూసేవాళ్లు.
35 దేవుడే తమ ఆశ్రయదుర్గం*+ అని,సర్వోన్నతుడైన దేవుడే తమ విమోచకుడు*+ అని గుర్తుచేసుకునేవాళ్లు.
36 కానీ వాళ్లు తమ నోటితో ఆయన్ని మోసం చేయడానికి ప్రయత్నించారు,తమ నాలుకతో ఆయన ముందు అబద్ధాలాడారు.
37 వాళ్ల హృదయాలు ఆయన పట్ల నిలకడగా లేవు;+ఆయన ఒప్పందానికి వాళ్లు నమ్మకంగా లేరు.+
38 కానీ ఆయన కరుణ గలవాడు;+వాళ్ల తప్పుల్ని క్షమించేవాడు,* వాళ్లను నాశనం చేసేవాడు కాదు.+
తన ఉగ్రత అంతటినీ రేపుకునే బదులుచాలాసార్లు తన కోపాన్ని అణుచుకున్నాడు.+
39 ఎందుకంటే, వాళ్లు కేవలం మనుషులని,వీచిన తర్వాత తిరిగిరాని గాలిలాంటి వాళ్లని* ఆయన గుర్తుచేసుకున్నాడు.+
40 ఎడారిలో వాళ్లు ఎన్నోసార్లు ఆయన మీద తిరుగుబాటు చేశారు!+ఎడారిలో ఎన్నోసార్లు ఆయన్ని బాధపెట్టారు!+
41 పదేపదే దేవుణ్ణి పరీక్షించారు,+ఇశ్రాయేలు పవిత్ర దేవుణ్ణి దుఃఖపెట్టారు.*
42 వాళ్లు ఆయన శక్తిని* గానీ,శత్రువు నుండి ఆయన తమను కాపాడిన* రోజును+ గానీ గుర్తు చేసుకోలేదు.
43 ఐగుప్తులో ఆయన ఎలాంటి సూచనలు చూపించాడో,+సోయను ప్రాంతంలో ఎలాంటి అద్భుతాలు చేశాడో,
44 వాళ్లు నైలు కాలువల నీళ్లను తాగలేకపోయేలావాటిని ఎలా రక్తంగా మార్చాడో+ వాళ్లు గుర్తుచేసుకోలేదు.
45 వాళ్లను మింగేయడానికి జోరీగల గుంపుల్ని,+వాళ్లను నాశనం చేయడానికి కప్పల్ని ఆయన పంపించాడు.+
46 వాళ్ల పంటల్ని తిండిబోతు మిడతలకు,వాళ్ల కష్టఫలాన్ని మిడతల దండుకు అప్పగించాడు.+
47 వడగండ్ల వానతో వాళ్ల ద్రాక్షతీగల్ని,వడగండ్లతో వాళ్ల అత్తి చెట్లను నాశనం చేశాడు.+
48 వాళ్ల పశువుల మీద వడగండ్ల వానను,వాళ్ల మందల మీద పిడుగుల్ని కురిపించాడు.*+
49 మండుతున్న తన కోపాన్ని,ఆగ్రహాన్ని, ఉగ్రతను, కష్టాల్ని,విపత్తు తీసుకురావడానికి దేవదూతల సమూహాల్ని వాళ్ల మీదికి పంపుతూ వచ్చాడు.
50 ఆయన తన కోపానికి దారిని సిద్ధం చేశాడు.
మరణం నుండి వాళ్లను తప్పించలేదు;వాళ్లను తెగులుకు అప్పగించాడు.
51 చివరిగా, ఆయన ఐగుప్తీయుల మొదటి సంతానమంతటినీ,హాము డేరాల్లోని వాళ్ల తొలిచూలును చంపేశాడు.+
52 తర్వాత గొర్రెల మందలా తన ప్రజల్ని బయటికి తీసుకొచ్చాడు,+ఎడారిలో వాళ్లను ఒక మందలా నడిపించాడు.
53 ఆయన వాళ్లను సురక్షితంగా నడిపించాడు,వాళ్లు దేనికీ భయపడలేదు;+సముద్రం వాళ్ల శత్రువుల్ని కప్పేసింది.+
54 ఆయన వాళ్లను తన పవిత్ర దేశానికి,తన కుడిచెయ్యి సంపాదించుకున్న ఈ పర్వత ప్రాంతానికి+ తీసుకొచ్చాడు.+
55 వాళ్ల ముందు నుండి దేశాల్ని తరిమేశాడు;+కొలనూలుతో వాళ్లకు స్వాస్థ్యాన్ని పంచి ఇచ్చాడు;+ఇశ్రాయేలు గోత్రాలవాళ్లు తమ ఇళ్లలో స్థిరపడేలా చేశాడు.+
56 కానీ వాళ్లు సర్వోన్నతుడైన దేవుణ్ణి పరీక్షిస్తూ,* ఆయన మీద తిరుగుబాటు చేస్తూ వచ్చారు;+ఆయన జ్ఞాపికల మీద మనసు పెట్టలేదు.+
57 వాళ్లు ఆయన్ని విడిచిపెట్టి తమ పూర్వీకులంత మోసపూరితంగా ప్రవర్తించారు.+
వదులుగా ఉన్న విల్లులా వాళ్లు నమ్మదగినవాళ్లు కాదు.+
58 వాళ్లు తమ ఉన్నత స్థలాలతో ఆయనకు కోపం తెప్పిస్తూ వచ్చారు,+తమ చెక్కుడు విగ్రహాలతో ఆయనకు రోషం పుట్టించారు.+
59 అదంతా చూసి దేవునికి చాలా కోపం వచ్చింది,+ఆయన ఇశ్రాయేలును పూర్తిగా తిరస్కరించాడు.
60 చివరికి ఆయన షిలోహులోని గుడారాన్ని,+మనుషుల మధ్య తాను నివసించిన గుడారాన్ని వదిలేశాడు.+
61 తన బలానికి చిహ్నంగా ఉన్నదాన్ని చెరలోకి వెళ్లనిచ్చాడు;తన వైభవాన్ని శత్రువుల చేతుల్లోకి వెళ్లనిచ్చాడు.+
62 ఆయన తన ప్రజల్ని ఖడ్గానికి అప్పగించాడు,+తన స్వాస్థ్యం మీద ఆయనకు చాలా కోపం వచ్చింది.
63 అగ్ని ఆయన యువకుల్ని దహించేసింది,ఆయన కన్యలకు పెళ్లిపాటలు లేకుండా పోయాయి.*
64 ఆయన యాజకులు కత్తి పాలయ్యారు,+వాళ్ల విధవరాళ్లు ఏడ్వలేదు.+
65 అప్పుడు యెహోవా, నిద్ర నుండి లేచినట్టు లేచాడు,+బలవంతుడు+ ద్రాక్షారసం మత్తు నుండి లేచినట్టు లేచాడు.
66 ఆయన తన శత్రువుల్ని వెనక్కి తరిమేశాడు;+వాళ్లను శాశ్వత అవమానానికి గురిచేశాడు.
67 ఆయన యోసేపు డేరాను తిరస్కరించాడు;ఎఫ్రాయిము గోత్రాన్ని ఆయన ఎంచుకోలేదు.
68 బదులుగా యూదా గోత్రాన్ని,+తాను ప్రేమించే సీయోను పర్వతాన్ని ఎంచుకున్నాడు.+
69 ఆయన తన పవిత్రమైన స్థలాన్ని ఎప్పటికీ ఉండే ఆకాశంలా,+తాను శాశ్వతంగా స్థిరపర్చిన భూమిలా చేశాడు.+
70 ఆయన తన సేవకుడైన దావీదును ఎంచుకుని,+గొర్రెల దొడ్ల నుండి అతన్ని తీసుకుని,
71 పాలిచ్చే గొర్రెల్ని మేపుతున్న అతన్నియాకోబు మీద అంటే తన ప్రజల మీద,తన స్వాస్థ్యమైన ఇశ్రాయేలు మీద కాపరిగా నియమించాడు.
72 అతను యథార్థ హృదయంతో వాళ్లను కాశాడు,+నేర్పుతో వాళ్లను నడిపించాడు.
అధస్సూచీలు
^ లేదా “ధర్మశాస్త్రం.”
^ అక్ష., “హృదయం సిద్ధంగా లేదు.”
^ లేదా “అద్భుతమైన పనుల్ని.”
^ లేదా “గోడలా.”
^ లేదా “సవాలు చేశారు.”
^ అక్ష., “భోజనం బల్ల సిద్ధం చేయగలడా?”
^ లేదా “దేవదూతల.”
^ లేదా “అద్భుతమైన పనుల.”
^ అక్ష., “బండరాయి.”
^ లేదా “తమ తరఫున పగ తీర్చుకునేవాడు.”
^ అక్ష., “కప్పేసేవాడు.”
^ లేదా “జీవశక్తి వెళ్లిపోతుంది, తిరిగి రాదని” అయ్యుంటుంది.
^ లేదా “నొప్పించారు.”
^ అక్ష., “చేతిని.”
^ అక్ష., “విడిపించిన.”
^ లేదా “వాళ్ల మందల్ని ఒళ్లు కాలిపోయే జ్వరానికి అప్పగించాడు” అయ్యుంటుంది.
^ లేదా “సవాలు చేస్తూ.”
^ అక్ష., “ఆయన కన్యలు స్తుతించబడలేదు.”
