కీర్తనలు 76:1-12
సంగీత నిర్దేశకునికి సూచన; తంతివాద్యాలతో పాడాలి. ఆసాపు+ శ్రావ్యగీతం. గీతం.
76 యూదాలో ఉన్నవాళ్లకు దేవుడు తెలుసు;+ఇశ్రాయేలులో ఆయన పేరు గొప్పది.+
2 షాలేములో+ ఆయన గుడారం,సీయోనులో ఆయన నివాసం ఉన్నాయి.+
3 అక్కడ ఆయన అగ్ని బాణాల్ని,డాలును, ఖడ్గాన్ని, యుద్ధ ఆయుధాల్ని విరగ్గొట్టాడు.+ (సెలా)
4 నువ్వు తేజోవంతంగా ప్రకాశిస్తున్నావు;*నీ మహిమ అడవి జంతువులు తిరిగే పర్వతాల కన్నా గొప్పది.
5 గుండె ధైర్యం గలవాళ్లు దోచుకోబడ్డారు.+
వాళ్లు మరణనిద్రలోకి జారుకున్నారు;యోధులందరూ చేతకానివాళ్లయ్యారు.+
6 యాకోబు దేవా, నువ్వు గద్దించినప్పుడుగుర్రంతో పాటు రథసారథి గాఢనిద్రలోకి జారుకున్నాడు.+
7 నువ్వు మాత్రమే సంభ్రమాశ్చర్యాలు పుట్టించే దేవుడివి.+
నీ తీవ్రమైన కోపాన్ని ఎవరు తట్టుకోగలరు?+
8 పరలోకం నుండి నువ్వు తీర్పును ప్రకటించావు;+భూమి భయపడి మౌనంగా ఉండిపోయింది.+
9 అప్పుడు దేవుడు భూమ్మీది సాత్వికులందర్నీ కాపాడడానికి+తీర్పు అమలుచేయాలని లేచాడు. (సెలా)
10 ఎందుకంటే, మనిషి కోపం నీకు స్తుతిని తీసుకొస్తుంది;+వాళ్ల మిగిలిన కోపంతో నిన్ను నువ్వు అలంకరించుకుంటావు.
11 మీ దేవుడైన యెహోవాకు మొక్కుబళ్లు చేసుకొని, వాటిని చెల్లించండి,+ఆయన చుట్టు ఉన్నవాళ్లంతా భయభక్తులతో కానుకలు తీసుకురావాలి.+
12 నాయకుల గర్వాన్ని ఆయన అణచివేస్తాడు;భూరాజుల్లో భయం పుట్టిస్తాడు.
అధస్సూచీలు
^ లేదా “నీ చుట్టూ వెలుగు ఆవరించి ఉంది.”
