కీర్తనలు 67:1-7
సంగీత నిర్దేశకునికి సూచన; తంతివాద్యాలతో పాడాలి. శ్రావ్యగీతం. గీతం.
67 దేవుడు మా మీద దయ చూపించి మమ్మల్ని దీవిస్తాడు;తన ముఖకాంతిని మా మీద ప్రకాశింపజేస్తాడు,+ (సెలా)
2 అప్పుడు నీ మార్గం గురించి భూమంతటా తెలుస్తుంది;+అన్ని దేశాలవాళ్లు నీ రక్షణ కార్యాల గురించి తెలుసుకుంటారు.+
3 దేవా, దేశదేశాల ప్రజలు నిన్ను స్తుతించాలి;ప్రజలందరూ నిన్ను స్తుతించాలి.
4 దేశాలు ఉల్లసించి, సంతోషంతో కేకలు వేయాలి,+ఎందుకంటే నువ్వు వాటికి న్యాయంగా తీర్పు తీరుస్తావు.+
భూమ్మీదున్న దేశాల్ని నువ్వు నడిపిస్తావు. (సెలా)
5 దేవా, దేశదేశాల ప్రజలు నిన్ను స్తుతించాలి;ప్రజలందరూ నిన్ను స్తుతించాలి.
6 భూమి దాని పంటను ఇస్తుంది;+దేవుడు, మా దేవుడు మమ్మల్ని దీవిస్తాడు.+
7 దేవుడు మమ్మల్ని దీవిస్తాడు,
భూమ్మీదున్న ప్రజలందరూ ఆయనకు భయపడతారు.*+
అధస్సూచీలు
^ లేదా “ఆయన్ని ఘనపరుస్తారు.”
