కీర్తనలు 6:1-10
సంగీత నిర్దేశకునికి సూచన; షెమినీతు* స్వరంలో తంతివాద్యాలతో పాడాలి. దావీదు శ్రావ్యగీతం.
6 యెహోవా, నీ కోపంతో నన్ను గద్దించకు,నీ ఆగ్రహంతో నన్ను సరిదిద్దకు.+
2 యెహోవా, నేను కృశించిపోతున్నాను, నా మీద అనుగ్రహం* చూపించు.యెహోవా, నా ఎముకలు వణుకుతున్నాయి, నన్ను బాగుచేయి.+
3 నిజంగా, నా ప్రాణం ఎంతో కలవరపడుతోంది,+యెహోవా, నా బాధలు ఇంకెన్నాళ్లు ఉంటాయని+ నిన్ను అడుగుతున్నాను.
4 యెహోవా, వచ్చి నా ప్రాణాన్ని కాపాడు;+నీ విశ్వసనీయ ప్రేమను బట్టి నన్ను రక్షించు.+
5 చనిపోయినవాళ్లు నీ గురించి మాట్లాడరు;*సమాధిలో* ఎవరు నిన్ను స్తుతిస్తారు?+
6 నా మూల్గులతో నేను నీరసించిపోయాను;+రాత్రంతా నా పరుపు కన్నీళ్లతో తడిచిపోతోంది;నా మంచం కన్నీళ్లలో మునిగిపోతోంది.+
7 దుఃఖంతో నా కళ్లు బలహీనమయ్యాయి;నన్ను వేధించేవాళ్లందరి వల్ల నా చూపు మందగించింది.
8 దుర్మార్గంగా ప్రవర్తించేవాళ్లారా, నా దగ్గర నుండి వెళ్లిపోండి,యెహోవా నా రోదనను వింటాడు.+
9 అనుగ్రహం కోసం నేను చేసే విన్నపాన్ని యెహోవా వింటాడు;+నా ప్రార్థనకు యెహోవా జవాబిస్తాడు.
10 నా శత్రువులంతా అవమానించబడతారు, కలవరపడతారు;వాళ్లు హఠాత్తుగా సిగ్గుతో వెనక్కి తిరిగి పారిపోతారు.+
