కీర్తనలు 48:1-14
గీతం. కోరహు కుమారుల శ్రావ్యగీతం.+
48 మన దేవుని నగరంలో, ఆయన పవిత్ర పర్వతం మీదయెహోవా గొప్పవాడు, అత్యంత స్తుతిపాత్రుడు.
2 ఉత్తర దిక్కున సుదూరంలో ఉన్న సీయోను పర్వతంఅందంగా, ఎత్తులో ఉంది,అది భూమంతటికీ సంతోష కారణంగా ఉంది.+
అది మహారాజు నగరం.+
3 దాని పటిష్ఠమైన బురుజుల్లోతాను సురక్షితమైన ఆశ్రయమని* దేవుడు తెలియజేశాడు.+
4 ఇదిగో! రాజులు సమకూడారు;*వాళ్లంతా కలిసి ముందుకు సాగారు.
5 దాన్ని చూసినప్పుడు వాళ్లు ఆశ్చర్యపోయారు.
కంగారుపడి భయంతో పారిపోయారు.
6 అక్కడ వాళ్లు గజగజ వణికిపోయారు,ప్రసవించే స్త్రీలా వేదన పడ్డారు.
7 తూర్పు గాలితో నువ్వు తర్షీషు ఓడల్ని బద్దలు చేస్తున్నావు.
8 మేము దేని గురించైతే విన్నామో దాన్ని ఇప్పుడు స్వయంగా చూశాం,సైన్యాలకు అధిపతైన యెహోవా నగరంలో, మన దేవుని నగరంలో దాన్ని చూశాం.
దేవుడు ఆ నగరాన్ని శాశ్వతంగా స్థిరపరుస్తాడు.+ (సెలా)
9 దేవా, నీ ఆలయంలోమేము నీ విశ్వసనీయ ప్రేమ గురించి ధ్యానిస్తాం.+
10 దేవా, నీ పేరులాగే నీ స్తుతి కూడాభూమి నలుమూలలకు వ్యాపిస్తోంది.+
నీ కుడిచెయ్యి నీతితో నిండిపోయింది.+
11 నీ తీర్పుల్ని బట్టి సీయోను పర్వతం+ ఉల్లసించాలి,యూదా పట్టణాలు* సంతోషించాలి.+
12 సీయోను చుట్టూ తిరగండి; దాని మూలమూలలకు వెళ్లి చూడండి;దాని బురుజులు లెక్కపెట్టండి.+
13 రాబోయే తరాలకు దాని గురించి చెప్పగలిగేలా
దాని ప్రాకారాల్ని*+ శ్రద్ధగా గమనించండి.దాని పటిష్ఠమైన బురుజుల్ని జాగ్రత్తగా పరిశీలించండి.
14 ఈ దేవుడు యుగయుగాలూ మనకు దేవుడు.+
ఆయన ఎప్పటికీ* మనల్ని నడిపిస్తాడు.+
అధస్సూచీలు
^ లేదా “ఎత్తైన స్థలమని.”
^ లేదా “ముందే అనుకొని కలుసుకున్నారు.”
^ అక్ష., “కూతుళ్లు.”
^ లేదా “కోట గోడల్ని.”
^ లేదా “మనం చనిపోయే దాకా” అయ్యుంటుంది.
