కీర్తనలు 31:1-24
సంగీత నిర్దేశకునికి సూచన. దావీదు శ్రావ్యగీతం.
31 యెహోవా, నిన్నే నేను ఆశ్రయించాను.+
నన్ను ఎన్నడూ సిగ్గుపడనివ్వకు.+
నీ నీతిని బట్టి నన్ను రక్షించు.+
2 నా మాటలు చెవిపెట్టి విను.*
నన్ను రక్షించడానికి త్వరగా రా.+
నా కోసం ఆశ్రయ పర్వతంగా,నన్ను కాపాడడానికి ప్రాకారాలుగల స్థలంగా అవ్వు.+
3 ఎందుకంటే నువ్వే నా శైలం,* నా కోట;+నీ పేరు కోసం+ నువ్వు నన్ను నడిపిస్తావు, నాకు నిర్దేశమిస్తావు.+
4 నా కోసం వాళ్లు రహస్యంగా పెట్టిన వలలో నుండి నువ్వు నన్ను విడిపిస్తావు,+ఎందుకంటే నువ్వే నా కోట.+
5 నా ప్రాణాన్ని నీ చేతికి అప్పగిస్తున్నాను.+
యెహోవా, సత్యవంతుడివైన దేవా,*+ నువ్వు నన్ను విడిపించావు.
6 పనికిరాని వ్యర్థమైన విగ్రహాల్ని పూజించేవాళ్లంటే నాకు అసహ్యం,నేనైతే యెహోవాను నమ్ముకున్నాను.
7 నీ విశ్వసనీయ ప్రేమను బట్టి నేను ఎంతో ఉల్లసిస్తాను,ఎందుకంటే నువ్వు నా బాధల్ని చూశావు;+నా తీవ్రమైన వేదన నీకు తెలుసు.
8 నువ్వు నన్ను శత్రువుకు అప్పగించలేదు,బదులుగా సురక్షితమైన* స్థలంలో నన్ను నిలబెడతావు.
9 యెహోవా, నేను కష్టాల్లో ఉన్నాను, నా మీద అనుగ్రహం చూపించు.
వేదన వల్ల నా కళ్లు, నా శరీరమంతా బలహీనమయ్యాయి.+
10 దుఃఖం వల్ల నా జీవితం,మూల్గుల వల్ల నా సంవత్సరాలు తరిగిపోయాయి.+
నా తప్పు కారణంగా నా శక్తి క్షీణిస్తోంది;నా ఎముకలు బలహీనమయ్యాయి.+
11 నా విరోధులందరూ,ముఖ్యంగా నా పొరుగువాళ్లు నన్ను హీనంగా చూస్తున్నారు.+
తెలిసినవాళ్లు నన్ను చూసి భయపడుతున్నారు;వాళ్లు బయట నన్ను చూసినప్పుడు నా దగ్గర నుండి పారిపోతున్నారు.+
12 నేను చనిపోయానన్నట్టు, తమ మనసులో* నుండి నన్ను తీసేశారు, నన్ను మర్చిపోయారు;నేను పగిలిపోయిన కుండలా ఉన్నాను.
13 నేను ఎన్నో తప్పుడు పుకార్లు విన్నాను;నాకు భయం పట్టుకుంది.+
వాళ్లంతా కలిసి నాకు వ్యతిరేకంగా సమకూడినప్పుడునా ప్రాణాన్ని తీయడానికి కుట్ర పన్నుతున్నారు.+
14 కానీ యెహోవా, నాకు నీ మీద నమ్మకముంది.+
“నువ్వే నా దేవుడివి” అని నేను ప్రకటిస్తాను.+
15 నా ప్రాణం నీ చేతుల్లో ఉంది.
నా శత్రువుల చేతిలో నుండి, నన్ను హింసిస్తున్నవాళ్ల చేతిలో నుండి నన్ను రక్షించు.+
16 నీ సేవకుని మీద నీ ముఖం ప్రకాశింపజేయి.+
నీ విశ్వసనీయ ప్రేమను బట్టి నన్ను కాపాడు.
17 యెహోవా, నేను నీకు మొరపెట్టినప్పుడు నన్ను సిగ్గుపడేలా చేయకు.+
దుష్టుల్ని సిగ్గుపడేలా చేయి;+సమాధిలో* వాళ్ల నోళ్లు మూతపడాలి.+
18 అబద్ధాలాడే పెదాలు,గర్వంతో, అహంకారంతో, తిరస్కారంతో నీతిమంతులకు వ్యతిరేకంగా మాట్లాడే పెదాలు నిశ్శబ్దమైపోవాలి.+
19 దేవా, నీ మంచితనం ఎంత విస్తారమైనది!+
నీకు భయపడేవాళ్ల కోసం నువ్వు దాన్ని దాచివుంచావు,+నిన్ను ఆశ్రయించేవాళ్ల తరఫున మనుషులందరి ముందు నువ్వు దాన్ని చూపించావు.+
20 మనుషుల కుట్రల నుండి వాళ్లను కాపాడడానికినీ సన్నిధిలోని రహస్య స్థలంలో నువ్వు వాళ్లను దాస్తావు;+హానికరమైన దాడుల* నుండి వాళ్లను రక్షించడానికినీ ఆశ్రయంలో దాస్తావు.+
21 యెహోవా స్తుతించబడాలి,ఎందుకంటే, ముట్టడించబడిన నగరంలో+ ఆయన అద్భుత రీతిలో నా మీద విశ్వసనీయ ప్రేమ చూపించాడు.+
22 కానీ నేను కంగారుపడి,
“నీ ఎదుట ఉండకుండా నేను నాశనమౌతాను” అన్నాను.+
కానీ నేను నీకు మొరపెట్టినప్పుడు, సహాయం కోసం నేను చేసిన విన్నపాల్ని నువ్వు విన్నావు.+
23 యెహోవాకు విశ్వసనీయంగా ఉన్నవాళ్లారా, మీరందరూ ఆయన్ని ప్రేమించండి!+
యెహోవా నమ్మకమైనవాళ్లను రక్షిస్తాడు,+అయితే, అహంకారం చూపించేవాళ్లను తీవ్రంగా శిక్షిస్తాడు.+
24 యెహోవా కోసం వేచివున్నవాళ్లారా,+మీరందరూ ధైర్యంగా ఉండండి, మీ హృదయం నిబ్బరంగా ఉండాలి.+
అధస్సూచీలు
^ లేదా “కిందికి వంగి, విను.”
^ లేదా “పెద్ద రాతిబండ.”
^ లేదా “నమ్మకమైన దేవా.”
^ లేదా “విశాలమైన.”
^ అక్ష., “హృదయంలో.”
^ లేదా “మాటల దాడుల.”
