కీర్తనలు 26:1-12
దావీదు కీర్తన.
26 యెహోవా, నేను యథార్థంగా నడుచుకున్నాను, నాకు తీర్పు తీర్చు.+నేను యెహోవా మీద నమ్మకముంచాను, నేను ఊగిసలాడలేదు.+
2 యెహోవా, నన్ను పరిశీలించు, నన్ను పరీక్షించు;నా అంతరంగాన్ని,* హృదయాన్ని శుద్ధి చేయి.+
3 ఎందుకంటే, నీ విశ్వసనీయ ప్రేమ ఎప్పుడూ నా ఎదుట ఉంది,నేను నీ సత్యంలో నడుస్తున్నాను.+
4 మోసగాళ్లతో నేను సహవసించను,*+తమ నిజ స్వరూపాన్ని దాచిపెట్టేవాళ్లకు నేను దూరంగా ఉంటాను.*
5 చెడ్డవాళ్ల గుంపు అంటే నాకు అసహ్యం,+దుష్టులతో సహవసించడానికి* నేను ఒప్పుకోను.+
6 యెహోవా, నేను నిర్దోషిగా నా చేతులు కడుక్కుంటాను,నేను నీ బలిపీఠం చుట్టూ తిరుగుతాను.
7 నీకు బిగ్గరగా కృతజ్ఞతలు తెలపడానికి,+నీ అద్భుతమైన పనులన్నిటి గురించి ప్రకటించడానికి అలా చేస్తాను.
8 యెహోవా, నువ్వు నివసించే మందిరాన్ని,+నీ మహిమ నివసించే స్థలాన్ని నేను ప్రేమిస్తాను.+
9 పాపులతో పాటు నన్ను తుడిచేయకు,+దౌర్జన్యం చేసేవాళ్లతో* పాటు నా ప్రాణం తీసేయకు,
10 వాళ్లు* అవమానకరమైన పనులు చేస్తున్నారు,వాళ్ల కుడిచెయ్యి లంచాలతో నిండిపోయింది.
11 నేనైతే, యథార్థంగా నడుచుకుంటాను.
నన్ను రక్షించి,* నా మీద అనుగ్రహం చూపించు.
12 నా పాదాలు సమతలమైన నేల మీద నిలబడి ఉన్నాయి;+మహా సమాజంలో నేను యెహోవాను స్తుతిస్తాను.+
అధస్సూచీలు
^ లేదా “లోతైన భావోద్వేగాల్ని.” అక్ష., “మూత్రపిండాల్ని.”
^ అక్ష., “కూర్చోను.”
^ లేదా “నేను వేషధారులతో కలవను.”
^ అక్ష., “కూర్చోవడానికి.”
^ లేదా “రక్తం చిందించేవాళ్లతో.”
^ అక్ష., “వాళ్ల చేతులు.”
^ అక్ష., “విడిపించి.”
