కీర్తనలు 18:1-50
సంగీత నిర్దేశకునికి సూచన. యెహోవా సేవకుడైన దావీదు కీర్తన. యెహోవా దావీదును అతని శత్రువులందరి చేతిలో నుండి, సౌలు చేతిలో నుండి రక్షించిన రోజున దావీదు యెహోవాకు పాడిన పాట. అతను ఇలా పాడాడు:+
18 యెహోవా, నా బలమా,+ నేను నిన్ను ప్రేమిస్తున్నాను.
2 యెహోవా నా శైలం,* నా కోట, నన్ను రక్షించే దేవుడు.+
నా దేవుడే నా ఆశ్రయదుర్గం,*+ నేను ఆయన్ని ఆశ్రయిస్తాను,ఆయనే నా డాలు, నా రక్షణ కొమ్ము,* నా సురక్షితమైన ఆశ్రయం.*+
3 స్తుతిపాత్రుడైన యెహోవాకు నేను ప్రార్థిస్తాను,నా శత్రువుల నుండి ఆయన నన్ను రక్షిస్తాడు.+
4 మరణపు తాళ్లు నన్ను చుట్టుముట్టాయి;+పనికిమాలినవాళ్లు ఆకస్మిక వరదల్లా నన్ను భయపెట్టారు.+
5 సమాధి* తాళ్లు నన్ను చుట్టుకున్నాయి;మరణపు ఉరులు నా ముందు పెట్టబడ్డాయి.+
6 నా శ్రమలో నేను యెహోవాకు ప్రార్థించాను,సహాయం కోసం నా దేవునికి మొరపెడుతూ వచ్చాను.
ఆయన తన ఆలయంలో నుండి నా మొర విన్నాడు,+సహాయం కోసం నేను పెట్టిన మొర ఆయన దగ్గరికి చేరింది.+
7 అప్పుడు భూమి అదిరింది, కంపించింది;+పర్వతాల పునాదులు వణికిపోయాయి, అవి ముందుకీ వెనక్కీ కంపించాయి,ఎందుకంటే ఆయనకు కోపం వచ్చింది.+
8 ఆయన ముక్కు రంధ్రాల నుండి పొగ లేచింది,ఆయన నోటి నుండి దహించే అగ్ని వచ్చింది;+ఆయన నుండి మండుతున్న నిప్పులు బయల్దేరాయి.
9 ఆయన ఆకాశాన్ని వంచుతూ కిందికి దిగాడు,+ఆయన పాదాల కింద కటిక చీకటి ఉంది.
10 ఆయన కెరూబు మీద ఎగురుతూ వచ్చాడు.+
దేవదూత* రెక్కల+ మీద వేగంగా దిగివచ్చాడు.
11 అప్పుడు ఆయన నల్లని నీళ్లు, దట్టమైన మేఘాలు+ ఉన్న చీకటినిడేరాలా తన చుట్టూ కప్పుకున్నాడు.
12 ఆయన ఎదుట ఉన్న కాంతి నుండి,మబ్బుల గుండా వడగండ్లు, నిప్పులు వచ్చాయి.
13 అప్పుడు యెహోవా ఆకాశంలో గర్జించసాగాడు;+వడగండ్లతో, నిప్పులతో సర్వోన్నతుడు తన స్వరం వినిపించాడు.+
14 ఆయన తన బాణాలతో వాళ్లను చెదరగొట్టాడు;+తన మెరుపుల్ని కురిపించి వాళ్లను గందరగోళంలో పడేశాడు.+
15 యెహోవా, నీ గద్దింపుకు, నీ ముక్కు రంధ్రాల నుండి వేగంగా వచ్చిన ఊపిరికినది అడుగుభాగం కనిపించింది;*+భూమి పునాదులు బయటపడ్డాయి.+
16 ఆయన పైనుండి తన చెయ్యి చాపి,నన్ను పట్టుకొని లోతైన నీళ్లలో నుండి పైకి లాగాడు.+
17 నా బలమైన శత్రువు నుండి, నాకన్నా బలవంతులైన నా పగవాళ్ల నుండిఆయన నన్ను రక్షించాడు.+
18 నాకు విపత్తు వచ్చిన రోజున వాళ్లు నన్ను ఎదిరించారు,+అయితే యెహోవా నన్ను ఆదుకున్నాడు.
19 ఆయన నన్ను సురక్షితమైన* స్థలంలోకి తీసుకొచ్చాడు;ఆయన నా విషయంలో సంతోషించాడు కాబట్టి నన్ను రక్షించాడు.+
20 నా నీతిని బట్టి యెహోవా నాకు ప్రతిఫలమిస్తాడు;+నా చేతుల నిర్దోషత్వాన్ని* బట్టి నాకు ప్రతిఫలమిస్తాడు.+
21 ఎందుకంటే, యెహోవా మార్గాల్ని నేను అనుసరించాను,నా దేవుణ్ణి విడిచిపెట్టడమనే తప్పు నేను చేయలేదు.
22 ఆయన తీర్పులన్నీ నా ముందు ఉన్నాయి;నేను ఆయన శాసనాల్ని నిర్లక్ష్యం చేయను.
23 నేను ఆయన ఎదుట ఎప్పటికీ నిందలేని వాడిగా ఉంటాను,+చెడుకు దూరంగా ఉంటాను.+
24 నా నీతిని బట్టి, ఆయన ముందు నా చేతుల నిర్దోషత్వాన్ని బట్టియెహోవా నాకు ప్రతిఫలమివ్వాలి.+
25 విశ్వసనీయంగా ఉండేవాళ్లతో నువ్వు విశ్వసనీయంగా ఉంటావు;+నిర్దోషులతో* నిర్దోషంగా ప్రవర్తిస్తావు;+
26 నిజాయితీపరులతో నువ్వు నిజాయితీగా ఉంటావు,+వంకరబుద్ధి గలవాళ్లతో యుక్తిగా వ్యవహరిస్తావు.+
27 నువ్వు దీనుల్ని* రక్షిస్తావు,+గర్విష్ఠుల్ని* కింద పడేస్తావు.+
28 యెహోవా, నా చీకటిని వెలుగుగా మార్చే నా దేవా,నువ్వే నా దీపాన్ని వెలిగిస్తావు.+
29 నీ సహాయంతో నేను దోపిడీ ముఠాతో పోరాడగలను;+దేవుని శక్తితో నేను ప్రాకారం మీదుగా దూకగలను.+
30 సత్యదేవుని మార్గం పరిపూర్ణమైనది;+యెహోవా మాట స్వచ్ఛమైనది.+
తనను ఆశ్రయించేవాళ్లందరికీ ఆయన ఒక డాలు.+
31 యెహోవా తప్ప దేవుడు ఎవరు?+
మన దేవుడు తప్ప ఆశ్రయదుర్గం* ఎవరు?+
32 సత్యదేవుడే నాకు బలాన్నిస్తాడు,+ఆయనే నా మార్గాన్ని పరిపూర్ణం చేస్తాడు.+
33 ఆయన నా కాళ్లను జింక కాళ్లలా చేస్తాడు;ఎత్తైన స్థలాల మీద నన్ను నిలబెడతాడు.+
34 ఆయన, యుద్ధం కోసం నా చేతులకు శిక్షణ ఇస్తాడు;నా చేతులు రాగి విల్లును వంచగలవు.
35 నువ్వు నీ రక్షణ డాలును నాకు ఇస్తావు,+నీ కుడిచెయ్యి నాకు సహాయం చేస్తుంది,*నీ వినయం నన్ను గొప్పవాణ్ణి చేస్తుంది.+
36 నువ్వు నా అడుగుల కోసం దారిని వెడల్పు చేస్తావు;నా పాదాలు జారవు.+
37 నేను నా శత్రువుల్ని తరిమి పట్టుకుంటాను;వాళ్లు తుడిచిపెట్టుకుపోయేంత వరకు నేను వెనక్కి రాను.
38 వాళ్లు మళ్లీ లేవకుండా నేను వాళ్లను పూర్తిగా నలగ్గొడతాను;+వాళ్లు నా పాదాల కింద కూలతారు.
39 యుద్ధం కోసం నువ్వు నాకు శక్తినిస్తావు;నా విరోధులు నా ఎదుట కూలిపోయేలా చేస్తావు.+
40 నా శత్రువులు నా దగ్గర నుండి పారిపోయేలా చేస్తావు;నన్ను ద్వేషించేవాళ్లను నేను అంతం చేస్తాను.+
41 వాళ్లు సహాయం కోసం మొరపెడతారు, కానీ రక్షించేవాళ్లెవ్వరూ ఉండరు;వాళ్లు యెహోవాకు కూడా మొరపెడతారు, కానీ ఆయన వాళ్లకు జవాబివ్వడు.
42 నేను వాళ్లను గాలిలో ధూళి అంత మెత్తగా నలగ్గొడతాను;వీధుల్లో మట్టిలా వాళ్లను బయట పడేస్తాను.
43 తప్పులుపట్టే ప్రజల నుండి నువ్వు నన్ను రక్షిస్తావు.+
దేశాల అధిపతిగా నన్ను నియమిస్తావు;+
నాకు తెలియని ప్రజలు నన్ను సేవిస్తారు.+
44 కేవలం నా గురించి విన్నదాన్ని బట్టి వాళ్లు నాకు లోబడతారు;విదేశీయులు వచ్చి నాకు వంగి నమస్కారం చేస్తారు.+
45 వాళ్లు ధైర్యం కోల్పోతారు;*వాళ్లు వణుక్కుంటూ తమ కోటల్లో నుండి బయటికి వస్తారు.
46 యెహోవా సజీవుడు! నా ఆశ్రయదుర్గం*+ స్తుతించబడాలి!
నా రక్షకుడైన దేవుడు హెచ్చించబడాలి.+
47 సత్యదేవుడు నా తరఫున పగతీర్చుకుంటాడు;+దేశదేశాల ప్రజల్ని నాకు లోబరుస్తాడు.
48 కోపంగా ఉన్న నా శత్రువుల నుండి నన్ను కాపాడతాడు;నామీద దాడిచేసే వాళ్లకన్నా నన్ను నువ్వు పైకి ఎత్తుతావు;+
దౌర్జన్యం చేసేవాడి నుండి నన్ను కాపాడతావు.
49 అందుకే యెహోవా, అన్యజనుల మధ్య నేను నిన్ను ఘనపరుస్తాను,+నీ పేరును స్తుతిస్తూ పాటలు పాడతాను.*+
50 ఆయన తన రాజు కోసం గొప్ప రక్షణ కార్యాలు చేస్తాడు;*+తాను అభిషేకించిన దావీదు మీద,అతని సంతానం* మీద ఎప్పటికీ+ విశ్వసనీయ ప్రేమ చూపిస్తాడు.+
అధస్సూచీలు
^ లేదా “పెద్ద రాతిబండ.”
^ అక్ష., “బండరాయి.”
^ లేదా “ఎత్తైన స్థలం.”
^ లేదా “గాలి.”
^ లేదా “నీటి కాలువలు కనిపించాయి.”
^ లేదా “విశాలమైన.”
^ అక్ష., “శుద్ధతను.”
^ లేదా “నిందలేని వాళ్లతో.”
^ లేదా “బాధితుల్ని.”
^ అక్ష., “గర్వించే కళ్లను.”
^ అక్ష., “బండరాయి.”
^ లేదా “నన్ను ఆదుకుంటుంది.”
^ లేదా “వాడిపోతారు.”
^ అక్ష., “బండరాయి.”
^ లేదా “సంగీతం వాయిస్తాను.”
^ లేదా “గొప్ప విజయాలు ఇస్తాడు.”
^ అక్ష., “విత్తనం.”
