కీర్తనలు 17:1-15
దావీదు ప్రార్థన.
17 యెహోవా, న్యాయం కోసం నేను చేసే విన్నపం విను;సహాయం కోసం నేను పెట్టే మొర ఆలకించు;నిజాయితీగా నేను చేసిన ప్రార్థన విను.+
2 నువ్వు నా తరఫున న్యాయమైన తీర్పు ఇవ్వాలి;+ఏది సరైనదో నీ కళ్లు చూడాలి.
3 నువ్వు నా హృదయాన్ని పరిశీలించావు, రాత్రిపూట నన్ను పరిశోధించావు;+నువ్వు నన్ను శుద్ధి చేశావు;+నేను ఎలాంటి పన్నాగాలు పన్నలేదని నీకు తెలుస్తుంది,నా నోరు తప్పు చేయలేదు.
4 వేరేవాళ్లు ఏమి చేసినా,నేను మాత్రం నీ మాటల్ని బట్టి దోపిడీదారుల మార్గాలకు దూరంగా ఉంటున్నాను.+
5 నా పాదాలు తడబడకుండా ఉండేలానన్ను నీ మార్గాల్లో నడవనివ్వు.+
6 దేవా, నేను నీకు మొరపెడుతున్నాను, ఎందుకంటే నువ్వు నాకు జవాబిస్తావు.+
చెవిపెట్టి* నా మాటలు ఆలకించు.+
7 నీ విశ్వసనీయ ప్రేమను అద్భుతమైన విధంగా చూపించు,+దేవా, నీ మీద తిరుగుబాటు చేసేవాళ్ల నుండి పారిపోయినీ కుడిచేతిని ఆశ్రయించేవాళ్లను నువ్వు రక్షిస్తావు.
8 నీ కనుపాపలా నన్ను కాపాడు;+నీ రెక్కల నీడలో నన్ను దాచిపెట్టు.+
9 నామీద దాడిచేసే దుష్టుల నుండి నన్ను కాపాడు,నన్ను చుట్టుముట్టి చంపాలని చూసే నా శత్రువుల నుండి నన్ను రక్షించు.+
10 వాళ్ల హృదయాలు మొద్దుబారిపోయాయి;వాళ్ల నోళ్లు అహంకారంగా మాట్లాడుతున్నాయి;
11 ఇప్పుడు వాళ్లు మమ్మల్ని చుట్టుముట్టారు;+మమ్మల్ని కూలదోసే అవకాశం కోసం చూస్తున్నారు.
12 దుష్టుడు, జంతువును ముక్కలుముక్కలుగా చీల్చేయడానికి ఆత్రంగా ఉన్న సింహంలా,పొంచివున్న కొదమ సింహంలా ఉన్నాడు.
13 యెహోవా, అతనితో తలపడి అతన్ని కూల్చడానికి లే;+నీ కత్తితో దుష్టుని నుండి నా ప్రాణాన్ని రక్షించు;
14 యెహోవా, ఈ లోకంలోని* ప్రజల నుండి నీ చేతితో నన్ను రక్షించు,వాళ్లు ఈ జీవితం గురించే ఆలోచిస్తారు;+నువ్వు వాళ్లను నీ మంచి పదార్థాలతో నింపుతావు,+వాళ్లు తమకున్న చాలామంది కుమారులకు ఆస్తిని విడిచి వెళ్తారు.
15 నేనైతే, నా నీతిని బట్టి నీ ముఖాన్ని చూస్తాను;నీ సన్నిధిలో మేల్కోవడం* నాకు సంతృప్తినిస్తుంది.+
