కీర్తనలు 143:1-12
దావీదు శ్రావ్యగీతం.
143 యెహోవా, నా ప్రార్థన విను;+సహాయం కోసం నేను చేసే విన్నపాలు ఆలకించు.
నీ నమ్మకత్వాన్ని బట్టి, నీ నీతిని బట్టి నాకు జవాబివ్వు.
2 నీ సేవకుణ్ణి నీ న్యాయపీఠం ముందుకు తీసుకురాకు,ఎందుకంటే, బ్రతికున్న వాళ్లెవ్వరూ నీ ముందు నీతిమంతులుగా ఉండలేరు.+
3 శత్రువు నన్ను తరుముతున్నాడు;అతను నా ప్రాణాన్ని నేలలోకి తొక్కేశాడు.
చాలాకాలం క్రితం చనిపోయినవాళ్లలా నన్ను చీకట్లో నివసించేలా చేశాడు.
4 నా బలం క్షీణిస్తోంది;+నా హృదయం మొద్దుబారిపోయింది.+
5 నేను పాత రోజుల్ని గుర్తుచేసుకుంటున్నాను;నీ కార్యాలన్నిటి గురించి ధ్యానిస్తున్నాను.+నీ చేతి పనిని ఆత్రుతతో పరిశీలిస్తున్నాను.*
6 నీ వైపు నా చేతులు చాపుతున్నాను;ఎండిన భూమి వర్షం కోసం తపించినట్టు నేను నీ కోసం తపిస్తున్నాను.+ (సెలా)
7 యెహోవా, నాకు త్వరగా జవాబివ్వు;+నా బలం పూర్తిగా క్షీణించింది.+
నా నుండి నీ ముఖం పక్కకు తిప్పుకోకు,+లేదంటే నేను గోతిలోకి* దిగిపోతున్న వాళ్లలా ఉంటాను.+
8 ఉదయం నీ విశ్వసనీయ ప్రేమను నన్ను చూడనివ్వు,నేను నీ మీదే నమ్మకం పెట్టుకున్నాను.
నేను నడవాల్సిన మార్గాన్ని నాకు తెలియజేయి,+నేను నీ వైపే తిరుగుతున్నాను.
9 యెహోవా, నా శత్రువుల నుండి నన్ను కాపాడు.
నిన్నే నేను ఆశ్రయించాను.+
10 నీ ఇష్టాన్ని చేయడం నాకు నేర్పించు,+ఎందుకంటే నువ్వే నా దేవుడివి.
నీ పవిత్రశక్తి మంచిది;అది సమతలంగా ఉన్న నేలమీద* నన్ను నడిపించాలి.
11 యెహోవా, నీ పేరు కోసం నన్ను సజీవంగా ఉంచు.
నీ నీతిని బట్టి కష్టాల్లో నుండి నన్ను కాపాడు.+
12 నీ విశ్వసనీయ ప్రేమను బట్టి నా శత్రువుల్ని అంతం చేయి;+నన్ను వేధిస్తున్న వాళ్లందర్నీ నాశనం చేయి,+ఎందుకంటే, నేను నీ సేవకుణ్ణి.+
