కీర్తనలు 142:1-7
మాస్కిల్‌.* దావీదు కీర్తన. దావీదు గుహలో ఉన్నప్పటిది.+ ప్రార్థన.
142 నేను సహాయం కోసం యెహోవాకు మొరపెడుతున్నాను;+యెహోవా దయ కోసం వేడుకుంటున్నాను.
2 ఆయన ముందు నా ఆలోచనలు కుమ్మరిస్తున్నాను;ఆయన ముందు నా కష్టాలు చెప్పుకుంటున్నాను,+
3 నా బలం క్షీణించినప్పుడు నేను ఆయనకు మొరపెడుతున్నాను.
అప్పుడు నువ్వు నా అడుగుల్ని గమనిస్తావు.+
నేను నడిచే దారిలోవాళ్లు నా కోసం చాటుగా ఉచ్చు పెడుతున్నారు.
4 నా కుడిచేతి వైపు చూడు,నా గురించి పట్టించుకునేవాళ్లు ఎవ్వరూ లేరు.*+
నేను ఎక్కడికీ పారిపోలేను;+నా గురించి ఆలోచించేవాళ్లు ఎవ్వరూ లేరు.
5 యెహోవా, సహాయం కోసం నేను నీకు మొరపెడుతున్నాను.
“నువ్వే నా ఆశ్రయం,+సజీవుల దేశంలో నాకున్నది నువ్వొక్కడివే”* అని అంటున్నాను.
6 సహాయం కోసం నేను పెట్టే మొర ఆలకించు,నేను చాలా దీనస్థితిలో ఉన్నాను.
నన్ను హింసించేవాళ్ల నుండి నన్ను కాపాడు,+వాళ్లు నాకంటే బలవంతులు.
7 నీ పేరును స్తుతించేలాచెరసాలలో నుండి నన్ను బయటికి తీసుకురా.
నువ్వు నాతో దయగా వ్యవహరిస్తావు,అది చూసి నీతిమంతులు నా చుట్టూ చేరి సంతోషిస్తారు.
