కీర్తనలు 132:1-18
యాత్ర కీర్తన.
132 యెహోవా, దావీదునూఅతను పడిన బాధలన్నిటినీ+ గుర్తుచేసుకో;
2 అతను యెహోవాకు చేసిన ప్రమాణాన్ని,యాకోబు శక్తిమంతునికి అతను చేసుకున్న మొక్కుబడిని+ గుర్తుచేసుకో.
అతనిలా అన్నాడు:
3 “నేను నా డేరాలోకి, నా ఇంట్లోకి+ వెళ్లను.
నా మంచం మీద, నా పరుపు మీద పడుకోను;
4 నా కళ్లకు నిద్ర గానీనా కనురెప్పలకు కునుకు గానీ రానివ్వను;
5 యెహోవా కోసం ఒక స్థలం,
యాకోబు శక్తిమంతుని కోసం శ్రేష్ఠమైన నివాసం* దొరికేవరకు నేను నిద్రపోను.”+
6 ఇదిగో! ఎఫ్రాతాలో+ మేము దాని గురించి విన్నాం;అడవి ప్రాంతంలో దాన్ని కనుగొన్నాం.+
7 రండి, మనం ఆయన నివాసంలోకి* వెళ్దాం;+ఆయన పాదపీఠం దగ్గర వంగి నమస్కారం చేద్దాం.+
8 యెహోవా, లేచి, నీ బలానికి సూచనగా ఉన్న మందసంతో* పాటునీ విశ్రాంతి స్థలంలోకి ప్రవేశించు.+
9 నీ యాజకులు నీతిని వస్త్రంలా ధరించుకోవాలి,నీ విశ్వసనీయులు సంతోషంతో కేకలు వేయాలి.
10 నీ సేవకుడైన దావీదు కోసంనీ అభిషిక్తుణ్ణి+ తిరస్కరించకు.
11 యెహోవా దావీదుతో ప్రమాణం చేశాడు;ఆయన తన మాటను వెనక్కి తీసుకోడు, ఆయనిలా అన్నాడు:
“నీ సంతానంలో* ఒకర్నినీ సింహాసనం మీద కూర్చోబెడతాను.+
12 నీ కుమారులు నా ఒప్పందానికి కట్టుబడి ఉంటే,నేను వాళ్లకు బోధించిన నా జ్ఞాపికల్ని పాటిస్తే,+వాళ్ల వంశస్థులు కూడాఎప్పటికీ నీ సింహాసనం మీద కూర్చుంటారు.”+
13 ఎందుకంటే యెహోవా సీయోనును ఎంచుకున్నాడు;+ఆయన తన నివాస స్థలంగా దాన్ని కోరుకున్నాడు,+ ఆయనిలా అన్నాడు:
14 “ఎప్పటికీ ఇదే నా విశ్రాంతి స్థలం;ఇక్కడే నేను నివసిస్తాను,+ ఎందుకంటే అది నా కోరిక.
15 నేను దాన్ని ఆహారంతో దీవిస్తాను;దానిలోని పేదవాళ్లను రొట్టెతో తృప్తిపరుస్తాను.+
16 దాని యాజకులకు రక్షణను వస్త్రంలా తొడుగుతాను,+దానిలోని విశ్వసనీయులు సంతోషంతో కేకలు వేస్తారు.
17 అక్కడ నేను దావీదు కొమ్మును* హెచ్చిస్తాను.
నా అభిషిక్తుని కోసం నేనొక దీపాన్ని సిద్ధం చేశాను.+
18 నేను అతని శత్రువుల్ని సిగ్గుతో కప్పేస్తాను,అయితే అతని తల మీదున్న కిరీటం వర్ధిల్లుతుంది.”+
అధస్సూచీలు
^ లేదా “ఘనమైన గుడారం.”
^ లేదా “ఆయన ఘనమైన గుడారంలోకి.”
^ లేదా “పెద్దపెట్టెతో.”
^ లేదా “గర్భఫలంలో.”
^ లేదా “బలాన్ని.”
