కీర్తనలు 121:1-8
యాత్ర కీర్తన.
121 నేను పర్వతాల+ వైపు తల ఎత్తి చూస్తున్నాను.
నాకు ఎక్కడి నుండి సహాయం వస్తుంది?
2 భూమ్యాకాశాల్ని చేసినయెహోవా నుండే నాకు సహాయం వస్తుంది.+
3 ఆయన నీ పాదాన్ని ఎప్పుడూ జారనివ్వడు.*+
నిన్ను కాపాడుతున్న దేవుడు అస్సలు కునకడు.
4 ఇశ్రాయేలును కాపాడుతున్న దేవుడుఅస్సలు కునకడు, నిద్రపోడు.+
5 యెహోవాయే నిన్ను కాపాడుతున్నాడు.
యెహోవా నీ కుడిపక్కన+ సంరక్షించే నీడలా ఉన్నాడు.+
6 పగలు ఎండ* దెబ్బ గానీ,రాత్రి వెన్నెల* దెబ్బ గానీ నీకు తగలదు.+
7 యెహోవా నీకు ఏ హానీ జరగకుండా కాపాడతాడు.+
ఆయన నీ ప్రాణాన్ని కాపాడతాడు.+
8 ఇప్పటినుండి సదాకాలంనీ రాకపోకలన్నిట్లో* యెహోవా నిన్ను కాపాడతాడు.
అధస్సూచీలు
^ లేదా “తడబడనివ్వడు.”
^ అక్ష., “సూర్యుడి.”
^ అక్ష., “చంద్రుడి.”
^ లేదా “నువ్వు చేసే ప్రతీపనిలో.”
