కీర్తనలు 110:1-7
దావీదు కీర్తన. శ్రావ్యగీతం.
110 యెహోవా నా ప్రభువుతో ఇలా అన్నాడు:
“నేను నీ శత్రువుల్ని నీ పాదపీఠంగా చేసేవరకు+నా కుడిపక్కన కూర్చో.”+
2 యెహోవా సీయోనులో నుండి నీ శక్తివంతమైన రాజదండాన్ని చాపి,
“నీ శత్రువుల మధ్య జయిస్తూ వెళ్లు” అంటాడు.+
3 నువ్వు యుద్ధానికి సిద్ధపడే* రోజున నీ ప్రజలు ఇష్టపూర్వకంగా ముందుకొస్తారు.
నీ యౌవనులు అరుణోదయ గర్భం నుండి, తేజోవంతమైన పవిత్రతతోమంచు బిందువుల్లా నీ దగ్గరికి వస్తారు.
4 “నువ్వు మెల్కీసెదెకు లాంటి యాజకుడివి, నువ్వు ఎప్పటికీ యాజకుడిగా ఉంటావు!”+ అని
యెహోవా ఒట్టేసి ప్రమాణం చేశాడు, ఆయన తన మనసు మార్చుకోడు.*+
5 యెహోవా నీ కుడిపక్కన ఉంటాడు;+ఆయన కోపం చూపించే రోజున రాజుల్ని నలగ్గొడతాడు.+
6 ఆయన దేశాల మీద* తీర్పు అమలుచేస్తాడు;దేశాన్ని శవాలతో నింపుతాడు.
విశాలమైన దేశ* నాయకుణ్ణి చితగ్గొడతాడు.
7 ఆయన* దారి పక్కనున్న వాగులో నీళ్లు తాగుతాడు.
కాబట్టి ఆయన తన తలను పైకెత్తి ఉంచుతాడు.
అధస్సూచీలు
^ లేదా “సైన్యాన్ని నడిపించే.”
^ లేదా “విచారపడడు.”
^ లేదా “మధ్య.”
^ లేదా “భూమంతటి.”
^ 1వ వచనంలోని “నా ప్రభువును” సూచిస్తుంది.
