కీర్తనలు 107:1-43

  • దేవుని అద్భుతమైన పనుల్ని బట్టి కృతజ్ఞతలు చెల్లించండి

    • ఆయన వాళ్లను సరైన దారిలో నడిపించాడు (7)

    • ఆకలితో, దాహంతో ఉన్నవాళ్లను తృప్తిపర్చాడు (9)

    • వాళ్లను చీకట్లో నుండి బయటికి తీసుకొచ్చాడు (14)

    • తన ఆజ్ఞతో వాళ్లను బాగుచేశాడు (20)

    • ఆయన పేదవాళ్లను అణచివేత నుండి కాపాడతాడు (41)

107  యెహోవాకు కృతజ్ఞతలు చెల్లించండి, ఆయన మంచివాడు;+ఆయన విశ్వసనీయ ప్రేమ ఎప్పటికీ ఉంటుంది.   యెహోవా విడిపించినవాళ్లు,*శత్రువు చేతి* నుండి ఆయన విడిపించినవాళ్లు+ ఆ మాట అనాలి.   తూర్పు నుండి, పడమటి నుండి,*ఉత్తరం నుండి, దక్షిణం నుండి,+దేశదేశాల నుండి ఆయన వాళ్లను సమకూర్చాడు.+   ఎడారిలో, నిర్జన ప్రాంతంలో వాళ్లు అటూఇటూ తిరిగారు;కానీ వాళ్లు నివసించగలిగేలా, ఏ ఒక్క నగరానికీ దారి కనిపించలేదు.   వాళ్లు ఆకలిదప్పులతో అలమటించారు;అలసిపోయి సొమ్మసిల్లారు.   కష్టకాలంలో వాళ్లు యెహోవాకు మొరపెడుతూ వచ్చారు;+వాళ్ల బాధల్లో నుండి ఆయన వాళ్లను విడిపించాడు.+   వాళ్లు నివసించగలిగే ఒక నగరానికి+ చేరుకునేలాఆయన వాళ్లను సరైన దారిలో నడిపించాడు.+   యెహోవా విశ్వసనీయ ప్రేమను బట్టి,మనుషుల కోసం ఆయన చేసిన అద్భుతమైన పనుల్ని బట్టి+ ప్రజలు ఆయనకు కృతజ్ఞతలు చెల్లించాలి.+   ఎందుకంటే ఆయన, దాహంతో ఉన్న ప్రాణాన్ని నీళ్లతో తృప్తిపర్చాడు,ఆకలితో ఉన్నవాళ్లకు మంచివాటిని సమృద్ధిగా ఇచ్చాడు.+ 10  కొంతమంది కటిక చీకట్లో ఉన్నారు,ఖైదీలు ఇనుప సంకెళ్లతో బంధించబడి కష్టాలు పడ్డారు. 11  ఎందుకంటే వాళ్లు దేవుని మాటకు ఎదురుతిరిగారు;సర్వోన్నతుని సలహాను నిర్లక్ష్యం చేశారు.+ 12  కాబట్టి కష్టాలతో ఆయన వాళ్ల హృదయాల్ని అణచాడు;+వాళ్లు తడబడ్డారు, వాళ్లకు సహాయం చేసేవాళ్లెవ్వరూ లేరు. 13  కష్టకాలంలో వాళ్లు యెహోవాకు మొరపెట్టారు;వాళ్ల బాధల్లో నుండి ఆయన వాళ్లను విడిపించాడు. 14  కటిక చీకట్లో నుండి వాళ్లను బయటికి తీసుకొచ్చాడు,వాళ్ల సంకెళ్లను విరగ్గొట్టాడు.+ 15  యెహోవా విశ్వసనీయ ప్రేమను బట్టి,+మనుషుల కోసం ఆయన చేసిన అద్భుతమైన పనుల్ని బట్టి ప్రజలు ఆయనకు కృతజ్ఞతలు చెల్లించాలి. 16  ఆయన రాగి తలుపుల్ని పగలగొట్టాడు,ఇనుప గడియల్ని విరగ్గొట్టాడు.+ 17  వాళ్లు మూర్ఖంగా ప్రవర్తించారు,తమ అపరాధాల వల్ల, తప్పుల వల్ల+ కష్టాలు పడ్డారు.+ 18  వాళ్ల ఆకలి చచ్చిపోయింది;వాళ్లు చావుకు* దగ్గరయ్యారు. 19  కష్టకాలంలో వాళ్లు యెహోవాకు మొరపెట్టేవాళ్లు;వాళ్ల బాధల్లో నుండి ఆయన వాళ్లను విడిపించేవాడు. 20  తన ఆజ్ఞతో* వాళ్లను బాగుచేసేవాడు,+వాళ్లు ఇరుక్కుపోయిన గుంటల్లో నుండి వాళ్లను కాపాడేవాడు. 21  యెహోవా విశ్వసనీయ ప్రేమను బట్టి,మనుషుల కోసం ఆయన చేసిన అద్భుతమైన పనుల్ని బట్టి ప్రజలు ఆయనకు కృతజ్ఞతలు చెల్లించాలి. 22  వాళ్లు కృతజ్ఞతా బలులు అర్పించాలి,+సంతోషంతో కేకలు వేస్తూ ఆయన పనుల్ని చాటిచెప్పాలి. 23  సముద్రం మీద ఓడల్లో ప్రయాణించేవాళ్లు,విస్తార జలాల మీద ప్రయాణించే వ్యాపారస్థులు+ 24  యెహోవా పనుల్ని చూశారు,సముద్రంలో ఆయన అద్భుతమైన పనుల్ని చూశారు;+ 25  ఆయన ఆజ్ఞాపించినప్పుడు తుఫాను చెలరేగి+సముద్ర తరంగాల్ని ఎలా ఉప్పొంగజేస్తుందో వాళ్లు చూశారు. 26  వాళ్లు ఆకాశమంత ఎత్తుకు వెళ్తారు;అగాధంలోకి పడిపోతారు. ముంచుకొస్తున్న విపత్తును చూసి వాళ్ల ధైర్యం నీరుగారిపోతుంది. 27  తాగినవాడిలా వాళ్లు తూలుతూ, తడబడుతూ ఉంటారు,వాళ్ల నైపుణ్యం ఏమాత్రం పనికిరాదు.+ 28  కష్టకాలంలో వాళ్లు యెహోవాకు మొరపెడతారు;+వాళ్ల బాధల్లో నుండి ఆయన వాళ్లను విడిపిస్తాడు. 29  ఆయన తుఫానును నిమ్మళింపజేస్తాడు;సముద్ర తరంగాలు నిశ్శబ్దమౌతాయి.+ 30  అవి నిశ్శబ్దమైనప్పుడు వాళ్లు సంతోషిస్తారు,వాళ్లు వెళ్లాలనుకున్న ఓడరేవుకు ఆయన వాళ్లను చేరుస్తాడు. 31  యెహోవా విశ్వసనీయ ప్రేమను బట్టి,మనుషుల కోసం ఆయన చేసిన అద్భుతమైన పనుల్ని బట్టి+ ప్రజలు ఆయనకు కృతజ్ఞతలు చెల్లించాలి. 32  ప్రజల సమాజంలో ఆయన్ని ఘనపర్చాలి,+పెద్దల సభలో* ఆయన్ని స్తుతించాలి. 33  ఆయన నదుల్ని ఎడారిగా,నీటి ఊటల్ని ఎండిన ప్రదేశంగా మారుస్తాడు;+ 34  పండే నేలను పనికిరాని భూమిగా* చేస్తాడు.+దానిలో నివసించే దుష్టుల కారణంగా ఆయన అలా చేస్తాడు. 35  ఆయన ఎడారిని జమ్ము మడుగులుగా,ఎండిన భూమిని నీటి ఊటలుగా మారుస్తాడు.+ 36  ఆకలిగా ఉన్నవాళ్లను అక్కడ నివసించేలా చేస్తాడు,+అలా వాళ్లు తాము నివసించడానికి ఒక నగరాన్ని స్థాపించుకుంటారు.+ 37  వాళ్లు పొలాల్లో విత్తనాలు చల్లుతారు, ద్రాక్షతోటలు నాటుతారు,+అవి మంచి పంటనిస్తాయి.+ 38  ఆయన వాళ్లను దీవిస్తాడు, వాళ్ల సంఖ్య బాగా పెరుగుతుంది;వాళ్ల పశుసంపదను ఆయన తగ్గిపోనివ్వడు.+ 39  కానీ అణచివేత, విపత్తు, దుఃఖం వల్లవాళ్ల సంఖ్య మళ్లీ తగ్గిపోతుంది, వాళ్లు అవమానాలపాలు అవుతారు. 40  ప్రముఖుల్ని ఆయన అవమానాలపాలు చేస్తాడు,వాళ్లు దారులు లేని పనికిరాని ప్రదేశాల్లో తిరిగేలా చేస్తాడు.+ 41  అయితే పేదవాళ్లను ఆయన అణచివేత నుండి కాపాడతాడు,*+వాళ్ల కుటుంబాల్ని మందలా వృద్ధి చేస్తాడు. 42  నిజాయితీపరులు అది చూసి సంతోషిస్తారు;+అనీతిమంతులంతా నోళ్లు మూసుకుంటారు.+ 43  తెలివిగల వాళ్లందరూ వీటిని గమనిస్తారు,+యెహోవా విశ్వసనీయ ప్రేమతో చేసిన పనుల గురించి వాళ్లు జాగ్రత్తగా ఆలోచిస్తారు.+

అధస్సూచీలు

లేదా “తిరిగి కొన్న వాళ్లు.”
లేదా “శక్తి.”
లేదా “సూర్యోదయం నుండి, సూర్యాస్తమయం నుండి.”
లేదా “మరణ ద్వారాలకు.”
అక్ష., “మాటను పంపి.”
లేదా “పీఠంలో.”
లేదా “ఉప్పు నేలగా.”
లేదా “ఎత్తులో ఉంచుతాడు,” అంటే, అందకుండా.