Hagnente ty agnate’ao

Vavolombelo i Jehovah

Hijobogne firehake Tandroy

Inogne ty Fahafantara’o o Baibolio?

Inogne ty Fahafantara’o o Baibolio?

Ama’o vao o Baibolio . . .

  • heve’o ndaty ty agnate’e ao?

  • sa boke mitalily raha vande?

  • sa Saontsin’Andrianagnahare?

 INOGNE TY RAHA REHAFE TY BAIBOLY?

“Ty Soratse Masigne atoagne iaby le boake amy ty hery ty fagnahy masin’Andrianagnahare.”—2 Timoty 3:16, Fandikan-tenin’ny Tontolo Vaovao.

HANAO AKORE TY FIAIGNAGNE?

Mamale ze fagnoteneagne mampivali-doha o Baibolio. —Ohabolana 2:1-5.

Manorohevetse mba hahasoa ty fiaignantikagne.—Salamo 119:105.

Atokisagne ze raha ampitamae’e amy ty hoavy.—Romanina 15:4.

 MAREGNE VAO ZE RAHA REHAFE O BAIBOLIO?

Eka, intoagne misy anto’e telo:

  • Milahatse soa ty raha rehafe’e. Ndaty 40 lahy ty nanoratse o Baibolio tagnate ty 1 600 taogne. Ndra tie tsy nifankatrea iareo, le tsy mifanimpake ty raha sinora’iareo sady loha hevetse raike avao ty niharoa’e.

  • Mitalily raha maregne. Tsy mitalily ty raha raty nanoe’e naho nanoe ty tane’e ze ndaty mpanoratse boke. Tsy manahake izay o mpanoratse Baibolio, fa le nisorate iareo iaby ty hadisoagne nanoe’e naho nanoe ze ndaty amy ty tane misy aze.—2 Tantara 36:15, 16; Salamo 51:1-4.

  • Avy eo iaby ze raha tokie’e. Nisy tanàn-taolo atao tihoeke Babylona fa nirehafe ty Baiboly roan-jato taogne aloha ty haharava aze. (Isaia 13:17-22) Tsy ty handravagne aze avao ro nirehafe’e, fa mbe nitognone’e ka ty agnara ty lahibey maramila handrese aze.—Isaia 45:1-3.

Mbe maro ty raha nitokie o Baibolio faie tsy misy poke fa le avy eo iaby ze raha rehafe’e. Tsy izay vao ty magnambara fa Saontsin’Andrianagnahare ty Baiboly!—2 Petera 1:21.

 DINEHO HEIKE TOY

Inogne ty mahavy ty Saontsin’Andrianagnahare hagnasoa ty fiaigna’o?

Mamale izay ty Baiboly amy ISAIA 48:17, 18 naho 2 TIMOTY 3:16, 17.