Skip to content

Testemuña ba Jeová fiar katak Maromak kria buat hotu iha loron neen deʼit nia laran ka lae?

Testemuña ba Jeová fiar katak Maromak kria buat hotu iha loron neen deʼit nia laran ka lae?

Ami Testemuña ba Jeová fiar duni katak Maromak mak kria buat hotu-hotu. Maibé ami la simu ema balu nia hanoin katak Maromak kria buat hotu durante “loron neen” neʼebé loron ida-idak mak oras 24 deʼit. Tanbasá? Tanba hanoin hanesan neʼe la tuir malu ho Bíblia nia liafuan. Porezemplu:

  1. “Loron neen” mak loloos tempu hira? Ema balu hatete katak “loron neen” mak kona-ba oras 24 ba dala neen. Maibé iha Bíblia laran dala barak temi liafuan “loron” atu koʼalia kona-ba tempu naruk tebes.​—Gênesis 2:4; Salmo 90:4.

  2. Mundu neʼe tinan hira ona? Ema balu hatete katak mundu neʼe nia tinan mak foin tinan rihun balu deʼit. Maibé tuir Bíblia, Maromak kria ona lalehan no rai antes Nia komesa sura loron primeiru. (Gênesis 1:1) Tan neʼe, Testemuña ba Jeová la protesta rezultadu husi sientista sira-nia peskiza neʼebé dehan katak planeta mundu nia tinan mak tinan biliaun balu.

Maski ami Testemuña ba Jeová fiar duni katak Maromak mak kria buat hotu, maibé ami mós simu sientista sira-nia estudu neʼebé bazeia ba evidénsia no faktu. Ami fiar katak siénsia neʼebé loos nian la kontra malu ho Bíblia nia liafuan.