Skip to content

Tanbasá mak buat neʼebé Testemuña ba Jeová hanoin no fiar dala ruma troka?

Tanbasá mak buat neʼebé Testemuña ba Jeová hanoin no fiar dala ruma troka?

Ami-nia fiar sempre bazeia deʼit ba Bíblia, entaun dala ruma ami-nia hanorin no fiar troka uitoan kuandu ami komprende Bíblia ho klaru liután. *

Bíblia mós hatete ona iha Provérbios 4:​18: “Ema laran-loos sira-nia dalan mak hanesan naroman dadeer nian neʼebé sai naroman liután toʼo loron fahe ba rua.” Iha dadeer-saan bainhira sei nakukun, loro-matan saʼe neineik-neineik no naroman liután toʼo ikusmai ita bele haree buat hotu ho momoos. Hanesan neʼe mós, Maromak sei ajuda ita ema atu komprende lia-loos husi Bíblia neineik-neineik hodi tuir ninia tempu. (1 Pedro 1:​10-​12) Bíblia mós fó-hatene nanis ona katak iha “tempu nia rohan” Maromak sei halo koñesimentu neʼebé loos sai barak liután.​—Daniel 12:4.

Bainhira iha mudansa ruma kona-ba dalan neʼebé ami komprende Bíblia, Ita la presiza hakfodak ka laran-susar kona-ba mudansa neʼe. Ema neʼebé adora Maromak iha tempu antigu mós dala ruma iha hanoin neʼebé ladún loos, no sira presiza hadiʼa ida-neʼe.

Ikusmai, Maromak ajuda sira atu komprende ho loloos, no liuhusi orasaun, ami husu katak Maromak sei kontinua halo hanesan neʼe ba ami.​—Tiago 1:5.

^ par. 2 Kuandu buat neʼebé ami fiar kona-ba Bíblia troka, ami la subar ida-neʼe. Tuir loloos, ami hakerek lista kona-ba neʼe hodi ema bele lee. Porezemplu, bele haree “Ita-nia hanorin neʼebé sai klaru liu” iha Livru atu buka informasaun iha Biblioteka online.