Skip to content

Saida mak Grupu Administradór husi Testemuña ba Jeová?

Saida mak Grupu Administradór husi Testemuña ba Jeová?

Grupu Administradór mak ami Testemuña ba Jeová nia grupu kiʼik ida neʼebé tau matan ba organizasaun Testemuña ba Jeová iha mundu tomak. Sira-nia knaar rua neʼebé importante mak:

Grupu Administradór neʼe hakaʼas an halo tuir ezemplu husi “apóstolu no katuas sira” iha tempu Bíblia nian, no sira mak halo desizaun importante oioin ba Testemuña ba Jeová nia kongregasaun sira iha mundu tomak. (Apóstolu 15:2) Hanesan ho apóstolu sira iha tempu uluk, nuneʼe mós ho Grupu Administradór nia membru sira, iha sira-nia leet, la iha ema ida mak boot liu fali ema seluk ka sai ulun-naʼin ba ami-nia organizasaun neʼe. Bainhira atu halo desizaun ruma, sira sempre buka uluk matadalan husi Bíblia, no sira mós rekoñese katak Jesus Kristu deʼit mak ida neʼebé Maromak hili ona atu sai Ulun ba kongregasaun.​—1 Korinto 11:3; Éfeso 5:​23.

Sé deʼit mak membru husi Grupu Administradór?

Iha fulan Janeiru 2018, membru sira husi Grupu Administradór mak tuirmai neʼe: Kenneth Cook, Jr., Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson no David Splane. Sira hotu serbí iha Testemuña ba Jeová nia sede-jerál iha Warwick, Novaiorke, iha rai-Estadus Unidus.

Oinsá mak Grupu Administradór organiza sira-nia serbisu?

Grupu Administradór neʼe fahe ba komisaun neen atu tau matan ba serbisu oioin neʼebé ami Testemuña ba Jeová halaʼo iha mundu tomak, no membru ida ka rua mak tau matan ba komisaun ida-idak.

  • Komisaun Koordenadór nian: Tau matan ba kazu legál sira no dezastre oioin. Ajuda Testemuña ba Jeová sira bainhira ema fó terus tanba sira-nia fiar, no dezastre ka susar seluk neʼebé kona Testemuña ba Jeová sira-nia moris.

  • Komisaun Serbisu-naʼin nian: Tau matan ba ema neʼebé serbí iha ami-nia sede-jerál no sukursál sira, fatin sira-neʼe ami hanaran “Betel”.

  • Komisaun Editora nian: Tau matan ba departamentu halo livru nian no haruka livru sira-neʼe ba fatin oioin. Tau matan mós ba serbisu harii fatin adorasaun nian, eskritóriu sira tradusaun nian no sukursál sira.

  • Komisaun Serbisu nian: Tau matan ba serbisu “haklaken liafuan diʼak kona-ba Maromak nia Ukun”.​—Mateus 24:14.

  • Komisaun Hanorin nian: Tau matan ba programa edukasaun sira neʼebé halaʼo liuhusi reuniaun, eskola Bíblia nian, gravasaun no vídeo sira.

  • Komisaun Hakerek nian: Tau matan ba programa atu hanorin Bíblia liuhusi ami-nia livru sira, ami-nia sítiu, no tau matan mós ba serbisu tradusaun ba língua oioin.

Kada semana, Grupu Administradór mós halibur hamutuk atu halaʼo enkontru hodi koʼalia kona-ba organizasaun nia presiza. Iha enkontru neʼe, Grupu Administradór nia membru sira koʼalia kona-ba Eskritura sira, no sira husu Maromak nia espíritu santu mak dirije sira atu sira bele foti desizaun ho laran ida deʼit.​—Apóstolu 15:25.

Sé mak Grupu Administradór nia ajuda-naʼin sira?

Sira mak ema kristaun sira neʼebé fó apoiu ho laran-metin ba Grupu Administradór nia komisaun ida-idak. (1 Korinto 4:2) Sira iha esperiénsia barak kona-ba serbisu neʼebé sira simu husi sira-nia komisaun ida-idak, no sira mós asiste komisaun ida-idak nia enkontru neʼebé halaʼo semana-semana. Iha enkontru sira-neʼe, ajuda-naʼin sira hatoʼo deʼit informasaun no sujestaun balu kona-ba sira-nia serbisu, no Grupu Administradór mak halo desizaun, tuirmai, ajuda-naʼin sira halo tuir Grupu Administradór nia desizaun sira-neʼe. Dala ruma sira mós simu knaar husi Grupu Administradór atu vizita maluk Testemuña ba Jeová sira iha mundu tomak ka hatoʼo diskursu iha reuniaun espesiál sira, hanesan iha reuniaun boot tinan-tinan ka graduasaun Eskola Gilead nian.

LISTA BA AJUDA-NAʼIN SIRA

Komisaun

Naran

Koordenadór nian

  • John Ekrann

 

Serbisu-naʼin nian

  • Gerald Grizzle

  • Patrick LaFranca

  • Daniel Molchan

  • Ralph Walls

 

Editora nian

  • Don Adams

  • Robert Butler

  • Harold Corkern

  • Gajus Glockentin

  • Donald Gordon

  • Robert Luccioni

  • Alex Reinmueller

  • David Sinclair

 

Serbisu nian

  • Gary Breaux

  • Joel Dellinger

  • Seth Hyatt

  • Christopher Mavor

  • Baltasar Perla, Jr.

  • William Turner, Jr.

  • Leon Weaver, Jr.

 

Hanorin nian

  • Ronald Curzan

  • Kenneth Flodin

  • William Malenfant

  • Mark Noumair

  • David Schafer

 

Hakerek nian

  • Robert Ciranko

  • James Mantz

  • Izak Marais

  • Myers Leonard

  • Gene Smalley

  • Hermanus van Selm