Sin. Ami fiar ba Jesus, neʼebé dehan: “Haʼu mak dalan no lia-loos no moris. Ema ida la bele hakbesik Aman se nia la liu husi haʼu.” (João 14:6) Ami fiar duni katak Jesus husi lalehan mai toʼo rai no fó ninia moris neʼebé sala-laek nuʼudar sakrifísiu atu kasu ema nia sala. (Mateus 20:28) Tanba nia mate no moris hiʼas fali, neʼe halo ema hotu neʼebé hatudu fiar iha nia sei hetan moris rohan-laek. (João 3:16) Ami mós fiar duni katak agora daudaun Jesus ukun nuʼudar Liurai iha ninia Aman nia governu iha lalehan, no lakleur tan nia sei lori dame ba mundu tomak. (Apokalipse 11:15) Maibé, ami fiar ba Jesus nia liafuan, dehan: “Aman mak boot liu haʼu.” (João 14:28) Tan neʼe ami la adora Jesus, no ami mós la fiar katak Jesus mak Maromak neʼebé aas liu hotu.