Husi loron 21 toʼo 23 Novembru 2025, anin-fuik naran Senyar iha Indonézia halo udan boot no hamosu inundasaun iha Sumatra parte norte no oeste. Mota Parlampungan sai boot demais toʼo bee tama uma sira aas metru rua iha área balu iha munisípiu Mandailing Natal. Inundasaun mós halo rai monu no estraga uma, ponte no dalan sira. Toʼo agora área barak nafatin la iha eletrisidade, rede ba telefone no nesesidade báziku. Ema rihun ba rihun mak evakua ona husi sira-nia uma. Tuir relatóriu, maizumenus ema naʼin-460 mak seidauk hetan no naʼin-604 mak mate.

Informasaun tuirmai mak dadus temporáriu neʼebé mai husi irmaun sira iha área neʼe.

Oinsá situasaun neʼe afeta ita-nia irmaun-irmán sira

• La iha irmaun-irmán ida mak mate ka hetan kanek

• Irmaun-irmán naʼin-415 mak evakua ona ba fatin seluk

• Uma 1 rahun

• Uma 3 hetan estragu kiʼik

• Reuniaun-Fatin 2 hetan estragu kiʼik

Ajuda umanitária

• Membru husi Komisaun ba Sukursál, katuas área, no katuas kongregasaun sira hakaʼas an atu fó kmaan iha dalan espirituál no fó ajuda ba sira neʼebé kona dezastre

• Iha Komisaun ba dezastre 3 neʼebé organiza ajuda umanitária ba área sira neʼebé kona dezastre

Ami sente triste tebes atu rona katak inundasaun neʼe estraga uma barak no ema barak mak mate iha Indonézia. Durante tempu susar neʼe, ami tau fiar tomak katak Jeová sai nuʼudar ‘ajuda-naʼin no salvadór’ ba ita-nia irmaun-irmán sira iha Sumatra.—Salmo 70:5.