Broxura informasaun globál
Testemuña ba Jeová-Sira mak ema hanesan saida?
Informasaun jerál kona-ba Testemuña ba Jeová. Buka-hatene atividade saida deʼit mak sira halo, no oinsá sira organiza an.
Testemuña ba Jeová no sira-nia publikasaun sira
Testemuña ba Jeová prodús livru sira no mós publikasaun dijitál hodi ajuda ema atu hakbesik ba Maromak no komprende liután Bíblia nia hanorin. Publikasaun sira-neʼe mós bele ajuda ema atu hadiʼa sira-nia moris sai diʼak liután.
Testemuña ba Jeová iha komunidade nia leet
Testemuña ba Jeová hakaʼas an atu halo buat diʼak iha komunidade nia leet hodi hanorin kona-ba Bíblia no fó ajuda umanitária.
Testemuña ba Jeová no sira-nia serbisu haklaken
Parte importante husi Testemuña ba Jeová nia adorasaun mak fahe liafuan diʼak husi Bíblia ba ema seluk. Sira uza métodu saida, no neʼe lori impaktu diʼak saida ba komunidade?
Testemuña ba Jeová no moris família nian
Testemuña ba Jeová hakaʼas an atu aplika Bíblia nia matadalan sira iha sira-nia moris família nian, no neʼe lori benefísiu ba laʼen, feen, no oan sira. Rezultadu mak família bele sente seguru no hadomi malu. Inan-aman Testemuña rekoñese katak sira-nia knaar neʼebé importante mak atu hanorin Bíblia nia matadalan ba oan sira.
Testemuña ba Jeová no serbisu sivíl alternativu
Tuir ukun-fuan internasionál, ema hotu iha direitu atu la simu serbisu militár tanba sira-nia konxiénsia. Testemuña ba Jeová agradese ba governu sira neʼebé fó serbisu sivíl alternativu neʼebé ajuda sira serbí sira-nia komunidade iha dalan neʼebé la kontra sira-nia konxiénsia.
Testemuña ba Jeová-Neutrál kona-ba buat polítiku nian
Testemuña ba Jeová mantein pozisaun neutrál kona-ba buat polítiku nian hodi halo tuir Bíblia nia hanorin. Governu barak rekoñese katak Testemuña sira mak sidadaun neʼebé halo tuir ukun-fuan no hatudu respeitu ba autoridade sira, no ajuda haburas dame tanba nafatin neutrál.
Testemuña ba Jeová-Halibur hamutuk hodi halaʼo adorasaun
Testemuña ba Jeová sente halibur hamutuk mak parte importante ba sira-nia fiar. Baibain, Testemuña sira halaʼo sira-nia reuniaun iha Reuniaun-Fatin no ema hotu bele asiste, no objetivu ba reuniaun sira-neʼe mak atu hanorin kona-ba Bíblia.
Testemuña ba Jeová-Ajuda bainhira dezastre mosu
Bainhira dezastre mosu, Testemuña ba Jeová prontu atu ajuda ema neʼebé kona dezastre hodi fahe presiza loroloron nian, fó ajuda emosionál no espirituál. Autoridade no organizasaun sira neʼebé fó ajuda umanitária rekoñese katak Testemuña sira organiza an ho didiʼak.
Testemuña ba Jeová nia pozisaun kona-ba proteje labarik sira hodi bazeia ba Eskritura
Atu oan sira nafatin seguru mak asuntu neʼebé importante tebes ba Testemuña ba Jeová. Dokumentu neʼe esplika kona-ba buat neʼebé Testemuña ba Jeová halo kuandu rona akuzasaun kona-ba abuzu labarik.