(Durasaun: 52:46)

João Batista prepara dalan ba Mesias. Jesus hahú ninia serbisu haklaken. Episode neʼe inklui akontesimentu sira tuirmai:

• João Batista komesa ninia serbisu haklaken (Lucas 3:1, 2; João 1:6)

• João haklaken kona-ba naroman (João 1:7, 8)

• João haklaken ba ema atu hetan batizmu (Mateus 3:1-12; Lucas 3:3-18; Marcos 1:1-8)

• Jesus nia batizmu (Mateus 3:13-17; Marcos 1:9-11; Lucas 3:21, 22)

• Espíritu santu dirije Jesus ba rai-fuik (Marcos 1:12, 13; Mateus 4:1; Lucas 4:1, 2)

• Jesus Kristu nia liña jerasaun (Lucas 3:23-38; Mateus 1:1-17)

• Jesus la monu ba Diabu nia tentasaun (Mateus 4:2-11; Lucas 4:3-13)

• João hatete katak nia laʼós Kristu, maibé nia mak ema neʼebé hasai lian iha rai-fuik (João 1:19-28)

• João fó sai ba ema katak Jesus mak “Maromak nia Bibi-Oan” (João 1:29-31)

• João fó sasin kona-ba espíritu neʼebé tun ba Jesus no fó sai nanis kona-ba fó batizmu ho espíritu santu (João 1:32-34)

• João nia dixípulu laʼo tuir Jesus (João 1:35-39)

• André lori ninia maun Pedro ba Jesus (João 1:40-42)

• Filipe no Natanael sai Jesus nia dixípulu (João 1:43-51)

• Jesus halo bee sai tua-uvas iha festa kazamentu ida iha Kaná rai-Galileia (João 2:1-12)

• Jesus hamoos templu iha Jeruzalein ba dala primeiru (João 2:13-17)

• Jesus hatán ba ema Judeu sira kona-ba harii fali templu iha loron tolu nia laran (João 2:18-22)

• Ema barak tau fiar ba Jesus tanba milagre neʼebé nia halo (João 2:23-25)